आधी ऑनलाईन पैसे उकळले, मग कोर्ट मॅरेजला नकार देऊन मागितली खंडणी; अहिल्यानगर जिल्ह्यात विवाह फसवणुकीचे मोठे रॅकेट उघड!
नागरिकांनी कोणत्याही मध्यस्थावर आंधळा विश्वास न ठेवता समोरच्या कुटुंबाची पूर्ण पडताळणी करावी आणि असे संशयास्पद प्रकार आढळल्यास तात्काळ पोलिसांशी संपर्क साधावा, असे जाहीर आवाहन पोलिसांतर्फे करण्यात आले आहे
राहाता पोलीस ठाण्याच्या हद्दीत हा खळबळजनक प्रकार समोर आला आहे. पुणे जिल्ह्यातील बारामती येथील एका ३० वर्षीय शेतकरी तरुणाला विवाहासाठी मुलगी हवी होती. मध्यस्थांमार्फत त्याचा संपर्क पुणे येथील रेश्मा केशव काटे नावाच्या महिलेशी झाला. रेश्मा हिने त्याला राहाता तालुक्यातील साकुरी शिवार येथील मंगल अंकुश पठारे हिच्याकडे विवाहासाठी मुलगी असल्याचे सांगितले.
याप्रकरणी राहाता पोलीस ठाण्यात रेश्मा केशव काटे (रा. नऱ्हे, पुणे), मंगल अंकुश पठारे (रा. साकुरी शिवार, राहाता) आणि सुगंधा कैलास गायकवाड (रा. साकुरी शिवार, राहाता) या तिन्ही महिलांविरुद्ध भारतीय न्याय संहितेच्या विविध कलमांतर्गत गुन्हा दाखल करून त्यांना अटक करण्यात आली आहे.
