शिक्षकांच्या समर्पित योगदानामुळे शिंदेवाडी शाळा समृद्ध : विस्तार अधिकारी अनिल गायकवाड
यानंतर उपस्थितांच्या हस्ते विद्यार्थ्यांना शालेय स्कूल बॅग आणि शूजचे वितरण करण्यात आले.
अकोले:
या कार्यक्रमाच्या अध्यक्षस्थानी गावाचे सरपंच संतोष आंबरे होते. तर प्रमुख अतिथी म्हणून राजेंद्र आंबरे, रोटरी क्लबचे संचालक सुनील कडलग, शाळा व्यवस्थापन समितीचे अध्यक्ष दिगंबर दातीर, जगन्नाथ आहेर, तंटामुक्ती समितीचे अशोक आहेर व ग्रामस्थ मोठ्या संख्येने उपस्थित होते. कार्यक्रमाच्या सुरुवातीला मुख्याध्यापिका वृषाली कडलग यांनी आपल्या प्रास्ताविक भाषणातून कार्यक्रमाचा मुख्य उद्देश स्पष्ट केला आणि मान्यवरांचे स्वागत केले.
याप्रसंगी रोटरी क्लबचे संचालक सुनील कडलग यांनी आपल्या मनोगतात सांगितले की, ग्रामीण भागातील प्रत्येक प्राथमिक शाळा ही ज्ञान देणारे जीवन शिक्षण मंदिर आहे. ही मंदिरे जर भौतिक आणि डिजिटल साधनांनी खऱ्या अर्थाने समृद्ध झाली, तर आपला भारत देश भविष्यात अधिक सामर्थ्यसंपन्न होईल. मात्र यासाठी केवळ शासन स्तरावर अवलंबून न राहता समाजातील प्रत्येक घटकाने आणि दानशूर व्यक्तींनी पुढे येऊन आपले योगदान देण्याची नितांत आवश्यकता आहे.
