मतचोरी अन् ‘SIR’च्या घोटाळ्याविरोधात संगमनेरमध्ये उद्धव ठाकरेंच्या शिवसेनेसह समविचारी पक्षांचा घणाघात; माजी खासदार खैरे, जिल्हाप्रमुख कोते पाटलांच्या नेतृत्वात रस्ता रोको करत निवडणूक आयोगाचा तीव्र निषेध

महाराष्ट्र संवाद न्यूज ऑनलाईन-
देशभरात मतदार याद्यांमधील कथित प्रचंड घोळ, ‘एसआयआर’ (विशेष सखोल मतदार यादी पुनरीक्षण) प्रक्रियेतील पारदर्शकतेचा अभाव आणि थेट मतचोरीच्या गंभीर आरोपांवरून राजकीय वातावरण चांगलेच तापले आहे. याच मुद्द्यावरून मंगळवारी संगमनेरमध्ये तीव्र जनक्षोभ पाहायला मिळाला. शिवसेना (उद्धव बाळासाहेब ठाकरे) पक्षाच्या वतीने सर्व समविचारी पक्ष आणि संघटनांना सोबत घेऊन संगमनेर बसस्थानक परिसरात आक्रमक रस्ता रोको आंदोलन करण्यात आले. मुख्य निवडणूक आयुक्त ज्ञानेश कुमार यांच्या पक्षपाती कार्यपद्धतीचा तीव्र धिक्कार करत, लोकशाही वाचवण्यासाठी आणि मतदारांच्या अधिकारांचे संरक्षण करण्यासाठी हे आंदोलन पुकारण्यात आले होते.
शिवसेना (उद्धव बाळासाहेब ठाकरे) पक्षाचे तालुकाप्रमुख अमर कतारी यांच्या नियोजनबद्ध आयोजनाखाली पार पडलेल्या या आंदोलनाला माजी खासदार चंद्रकांत खैरे, जिल्हाप्रमुख सचिन कोते पाटील, जिल्हाप्रमुख जगदीश चौधरी यांची प्रमुख उपस्थिती लाभली. याशिवाय वंचित बहुजन आघाडीचे जिल्हाध्यक्ष अजिज ओहरा, राष्ट्रवादी काँग्रेस शरदचंद्र पवार पक्षाचे संकेत एखंडे आणि शिव आर्मी संघटनेचे दत्ताभाऊ ढगे यांच्यासह महाविकास आघाडी व समविचारी पक्षांचे दिग्गज पदाधिकारी आणि शिवसैनिक मोठ्या संख्येने रस्त्यावर उतरले होते.
आंदोलनाला संबोधित करताना माजी खासदार चंद्रकांत खैरे यांनी निवडणूक आयोगाच्या स्वायत्ततेवर आणि कारभारावर जोरदार हल्ला चढवला. देशातील लोकशाही मूल्यांची पायमल्ली केली जात असून मतदार याद्यांमधील कथित अनियमितता आणि ‘एसआयआर’च्या नावाखाली होणाऱ्या घोळाबाबत निवडणूक आयोगाने तात्काळ जनतेसमोर स्पष्टीकरण दिले पाहिजे, अशी मागणी त्यांनी केली. मुख्य निवडणूक आयुक्त ज्ञानेश कुमार यांच्या मनमानी कारभारावर त्यांनी कडाडून टीका केली.
जिल्हाप्रमुख सचिन कोते पाटील यांनी यावेळी जोरदार घोषणाबाजी करत दिल्ली, मुंबई आणि बेंगळुरूमध्येही या मतचोरीविरोधात तीव्र निदर्शने होत असल्याचा उल्लेख करत आमची लढाई ही लोकशाहीची हत्या करणाऱ्या निवडणूक आयोगाच्या कार्यपद्धतीविरोधात आणि भ्रष्टाचारी भाजप सरकारविरोधात आहे. आमचा पोलिसांना पूर्ण पाठिंबा असून पोलिसांनीही या लोकशाहीच्या लढ्यात सहकार्य करावे.
दुसरे जिल्हाप्रमुख जगदीश चौधरी यांनी थेट पंतप्रधान नरेंद्र मोदी आणि केंद्रीय गृहमंत्री अमित शहा यांच्यावर तोफ डागली. जनतेच्या मनात मतदानाच्या प्रक्रियेबाबत शंका निर्माण झाली असून, मतदार याद्यांतील या फेरफारामुळे लोकशाहीवरील विश्वास उडत चालला आहे. या सर्व शंकांचे निरसन करण्याची जबाबदारी सत्ताधारी आणि निवडणूक यंत्रणेची आहे, अस ते म्हणाले.
वंचित बहुजन आघाडीचे जिल्हाध्यक्ष अजिज ओहरा यांनी ‘एसआयआर’ प्रक्रियेच्या आडून चाललेल्या मतचोरीच्या कारस्थानाचा तीव्र शब्दात धिक्कार केला. मतदारांचा हक्क अबाधित ठेवण्यासाठी सर्व समविचारी शक्तींनी एकत्र येऊन लढा देण्याचे आवाहन त्यांनी केले. राष्ट्रवादी काँग्रेस शरदचंद्र पवार पक्षाचे संकेत एखंडे यांनीही निवडणूक आयोगाच्या अपारदर्शक कारभारावर चिंता व्यक्त करत लोकशाहीत प्रत्येक मताचे मोल जपले गेलेच पाहिजे, अशी ठाम भूमिका मांडली.
शिव आर्मीचे दत्ता ढगे यांनी मतदार याद्यांच्या पुनरीक्षणातील त्रुटींवर बोट ठेवत निवडणूक आयोगाने वस्तुस्थिती जनतेसमोर मांडावी, अशी जोरदार मागणी केली.
आंदोलनात महाविकास आघाडी आणि समविचारी पक्षांच्या प्रमुख नेत्यांसह सर्व स्तरातील पदाधिकारी उपस्थित होते. यात जिल्हा संघटक अमोल बोराडे, सह संपर्कप्रमुख दिलीप साळगट, प्रमोद अण्णा लबडे, उपजिल्हा संघटक पप्पू कानकाटे, रंगनाथ फटांगरे, भीमाशंकर पावसे, योगेश खेमनर (विधानसभा तालुका अध्यक्ष), शहर प्रमुख अमित चव्हाण, फैसल सय्यद, बाळासाहेब घोडके, विजय सातपुते, सदाशिव हासे, बाळासाहेब कवडे, युवासेनेचे जिल्हाप्रमुख अक्षय गुंजाळ, तालुका प्रमुख सागर भागवत, विधानसभा प्रमुख अमोल डुकरे, तसेच तुषार सागर (साकूर गट प्रमुख), प्रसाद धुळगंड, किशोर तरंगे, जनार्दन नागरे, एकनाथ खेमनर यांचा समावेश होता.
महिला आघाडीच्या वतीने राजश्री राहणे, काजल राठोड, सपना देसाई, वैशाली वडतल्ले, आरती मसराम आणि महिला आघाडी तालुका अध्यक्ष हीनाताई सोनवणे यांनी आंदोलनात भाग घेतला.
श्रीरामपूर, अकोले, कोपरगाव आणि इतर तालुक्यातूनही शिवसैनिक मोठ्या संख्येने दाखल झाले होते. यामध्ये श्रीरामपूरचे लखन भगत, मुश्ताक शेख, प्रविण टाकसाळ, रफिक शेख, सचिन लाटे; अकोले तालुका प्रमुख महेश नवले, अजित हासे, दिलीप नवले, प्रभाकर फाफाळे, नितीन नाईकवाडे, उपजिल्हाप्रमुख बाळासाहेब कुमकर, विधानसभा प्रमुख संदीप डोंगरे, कोपरगाव तालुका भरत मोरे, बालाजी गोर्डे, भैया वालझडे, मयुर काळे, आबासाहेब पवार, निलेश वाणी, कोपरगाव शहर प्रमुख गगन हाडा, उप शहर प्रमुख रहीम बेग, उप शहर प्रमुख इरफान सय्यद, विभाग प्रमुख अल्ताफ शेख, अझीम अत्तार, उपविभाग प्रमुख आयनुर शाह, सलमान शेख, संकेत शेटे, जिल्हासंघटक दत्ता कडू, राजू शेख, राहुरी तालुकाप्रमुख विजय गव्हाणे, शिर्डी शहरप्रमुख नानक सावंत्रे, मुस्ताक शेख, प्रमोद टाकसाळ, विजय कुमावत, कैलास लाटे, सचिन मोरे, रफिक शेख, नवनाथ हाफसे, भैया वालझाडे, मयुर काळे, साई पवार, आबासाहेब पवार, आकाश परदेशी, विजू बोठे आणि प्रभाकर गेठे उपस्थित होते.
राष्ट्रवादी काँग्रेस शरदचंद्र पवार पक्षाचे जिल्हा सरचिटणीस पोपटराव वर्पे, युवक तालुका अध्यक्ष संकेत एखंडे, शहर प्रमुख इस्माईल शेख, उप तालुका अध्यक्ष गणेश अरगडे, जिल्हा सरचिटणीस गौरव जगताप, तालुका संघटक दत्तू वर्पे, युवक उप तालुकाप्रमुख सुफियान पठाण यांनीही पक्षाची ताकद आंदोलनात उभी केली.
वंचित बहुजन आघाडीचे जिल्हा अध्यक्ष संदीप मोकळ, जिल्हा सचिव अजिज ओहरा, शहर अध्यक्ष अरबाज शेख, तालुका महा सचिव बाबा मोकळ हे देखील आपल्या कार्यकर्त्यांसह उपस्थित होते.
वाहतूक सेना तालुकाप्रमुख अशोक बढे, उपशहर प्रमुख राजू सय्यद, रिक्षा सेनेचे विजय माघाडे, सुनील मोरे, विलास काळे, कैलास गायके, नितीन पारखे यांच्यासह शिवसेनेचे ज्येष्ठ नेते बाळासाहेब देशमुख, भाऊसाहेब भागवत, चंद्रकांत वर्पे या सर्व पदाधिकाऱ्यांनी व शिवसैनिकांनी रस्ता रोको आंदोलनात सक्रिय सहभाग नोंदवून निवडणूक आयोगाच्या मनमानी कारभाराविरोधात एल्गार पुकारला.