महाराष्ट्र संवाद न्यूज
संगमनेर – संगमनेरमधील ऑर्थोपेडिक सर्जन डॉ. सौरभ पगडाल यांनी इंग्लंडच्या बर्मिंगहॅमच्या एन.एच.एस. फाउंडेशन या नामांकित संशोधन संस्थेच्या दि रॉयल ऑर्थोपेडिक हॉस्पिटलमध्ये जॉईंट रिप्लेसमेंट व ऑर्थोस्कोपिक सर्जरीमधील फेलोशिप पूर्ण केल्याची माहिती डॉ. प्रदीप कुटे यांनी दिली.
इंग्लंड मधील सर्वात जुन्या व सुप्रसिद्ध असलेल्या एन.एच.एस. फाउंडेशन ट्रस्टचे दि रॉयल ऑर्थोपेडिक हॉस्पिटलची स्थापना 1909 मध्ये झालेली असून या हॉस्पिटलमध्ये सुपर स्पेशालिटी ऑर्थोपेडिक हॉस्पिटल असून तेथे असलेल्या 17 सुसज्ज ऑपरेशन थिएटरमध्ये नामांकित व निष्णात ऑर्थोपेडिक सर्जनद्वारा दररोज सुमारे 50 मोठ्या व जखमेच्या आर्थोपेडिक सर्जरी होत असतात.
या हॉस्पिटलमध्ये सर्जन डॉ. सौरभ पगडाल यांनी जॉईंट रिप्लेसमेंट व ऑर्थोस्कोपिक सर्जरीचे महिनाभराचे विशेष प्रशिक्षण तसेच ऑर्थोस्कोपिक जॉईंट रिप्लेसमेंट सर्जरी मधील प्रगत व आधुनिक तंत्रज्ञान अवगत करत यातील फेलोशिप मिळविली आहे. याचा फायदा संगमनेरसह आसपासच्या शहरांना होणार आहे. डॉ. पगडाल यांच्या माध्यमातून अवघड आणि जोखमीच्या सांधेरोपण शस्त्रक्रिया आता संगमनेरमध्ये करणे शक्य होणार आहे.
सौरभ पगडाल यांनी यशस्वीरित्या प्रशिक्षण घेत फेलोशिप मिळविल्याबद्दल माजी मंत्री आमदार बाळासाहेब थोरात, माजी आमदार डॉ. सुधीर तांबे, माजी नगराध्यक्ष दुर्गाताई तांबे, दिलीप पुंड व विश्वास मुर्तडक, उद्योजक राजेश मालपाणी, संगमनेर मर्चंट बँकेचे अध्यक्ष संतोष करवा, माजी नगरसेवक गणेश मादास, भाऊसाहेब कुटे, शरदनाना थोरात, सिताराम राऊत, माजी जिल्हा परिषद सदस्य रामहरी कातोरे, डॉ. सुचित गांधी, राणीप्रसाद मुंदडा, इसहाकखान पठाण, इमरान गणी, उमर बेग, बाळासाहेब देशमाने, हिरालाल पगडाल आदींनी अभिनंदन केले आहे.
