महाराष्ट्र संवाद न्यूज
मुंबई – राज्य सरकारने शुक्रवारी गेल्या तीन वर्षांपासूनचे क्रीडा पुरस्कार जाहीर केले आहेत. क्रीडा क्षेत्रात उल्लेखनीय कामगिरी बजावलेल्यांचा सन्मान या पुरस्काराद्वारे राज्य सरकारकडून करण्यात आला आहे. यामध्ये संगमनेरची कन्या सायकलपटू प्रणिता सोमण हिच्यासह राज्यातील 116 जणांचा समावेश आहे. सन 2019-20, 2020-21 आणि 2021-22 या तीन वर्षातील एकत्रित पुरस्काराची घोषणा क्रीडा व युवक कल्याण मंत्री गिरीश महाजन यांनी एका पत्रकार परिषदेद्वारे केली.
प्रणिता प्रफुल्ल सोमण हिला सायकलिंग साठी सन 2019-20 चा शिवछत्रपती राज्य क्रीडा पुरस्कार खेळाडू म्हणून हा पुरस्कार जाहीर करण्यात आला आहे. प्रणिता ही संगमनेर मधील वैद्यकीय व्यावसायिक प्रफुल्ल सोमण यांची कन्या आहे.
महाजन म्हणाले, राज्यात क्रीडा संस्कृतीचा वारसा जपला जाऊन त्याचे संवर्धन व्हावे, क्रीडा क्षेत्रात उल्लेखनीय कार्य करणाऱ्या क्रीडा महर्षी, मार्गदर्शक, खेळाडू यांच्या कार्याचा गौरव करण्यासाठी हे पुरस्कार देण्यात येतात. या पुरस्कारामध्ये तीन वर्षातील शिवछत्रपती राज्य क्रीडा जीवनगौरव पुरस्कार, उत्कृष्ट क्रीडा मार्गदर्शक पुरस्कार, शिवछत्रपती राज्य क्रीडा पुरस्कार (खेळाडू) साहसी पुरस्कार, शिवछत्रपती राज्य क्रीडा पुरस्कार (दिव्यांग खेळाडू) या पुरस्कारांचा समावेश आहे.
बघा कोणाकोणाचा आहे पुरस्कारामध्ये समावेश…
राज्य शासनातर्फे जाहीर झाले 'शिवछत्रपती राज्य क्रीडा जीवनगौरव पुरस्कार' !
श्रीकांतजी वाड, दिलीप वेंगसरकर जी, आदिल सुमारीवाला जी यांचे मनःपूर्वक अभिनंदन !
तसेच
‘उत्कृष्ट क्रीडा मार्गदर्शक – जिजामाता पुरस्कार', 'शिवछत्रपती साहसी क्रीडा पुरस्कार' आणि दिव्यांग बांधवांसाठी…— Devendra Fadnavis (@Dev_Fadnavis) July 14, 2023
