महाराष्ट्र संवाद न्यूज
संगमनेर – शिवसेना पक्षप्रमुख माजी मुख्यमंत्री उद्धव ठाकरे यांच्या वाढदिवसानिमित्त संगमनेरमध्ये जनसेवा कॅम्पच्या माध्यमातून विविध योजनांचा लाभ मिळवून देणाऱ्या विविध प्रकारचे कार्ड लाभार्थ्यांना काढून देण्यात आले. याशिवाय शिवसेना आणि पक्षप्रमुख ठाकरे यांची भूमिका मुलाखतीच्या माध्यमातून विषद करणाऱ्या ‘दैनिक सामना’च्या अंकाचेही यावेळी वाटप करण्यात आले.
संगमनेर शिवसेनेच्यावतीने वाढदिवसाचे औचित्य साधून या आगळ्यावेगळ्या उपक्रमाचे आयोजन करण्यात आले होते. शिवसेना कार्यालयात घेण्यात आलेल्या या जनसेवा कॅम्पमध्ये लाभार्थ्यांना आभा कार्ड, आधार कार्ड, नवीन पॅन कार्ड, पॅन कार्ड अपडेट करणे, लहान मुलांचे आधार कार्ड हाताचे ठसे, ई श्रम कार्ड असे विविध कार्ड व शासनाच्या योजनांचा लाभ मोफत मिळवून देण्यात आला.
लाभाच्या योजनांचे कार्ड काढून घेण्यासाठी नागरिकांनी यावेळी गर्दी केली होती. शिर्डी लोकसभा मतदारसंघाचे संपर्कप्रमुख बबन नाना घोलप आणि संगमनेर विधानसभा संपर्कप्रमुख अजय व्हनोळे यांच्या मार्गदर्शनाखाली शिवसेना शहरप्रमुख अमर कतारी व तालुकाप्रमुख भाऊसाहेब हासे यांच्या माध्यमातून या कॅम्पचे आयोजन करण्यात आले होते. शिवसेनेचे जिल्हाप्रमुख मुजीब शेख, पठारभाग तालुकाप्रमुख संजय फड यांचे देखील यासाठी सहकार्य लाभले.
यावेळी शिवसेना शहर प्रमुख अमर कतारी, तालुकाप्रमुख भाऊसाहेब हासे, युवा सेना जिल्हा समन्वयक फैसल सय्यद, तालुका समन्वयक अक्षय बिल्लाडे, विधानसभा प्रमुख अमोल डुकरे, उपशहर प्रमुख इम्तियाज शेख व मुस्लिम मावळा अजिज मोमीन, शहर सचिव अनुप म्हाळस, विद्यार्थी सेना उपजिल्हाप्रमुख परवेज शेख, दीपक साळुंखे, शाखाप्रमुख प्रशांत खजुरे, शहर समन्वयक असिफ तांबोळी, विभाग प्रमुख माधव फुलमाळी, शिवसैनिक धरम कतारी, महेश कतारी आदींचा शिवसैनिक व लाभार्थी नागरिक उपस्थित होते.
