Author: अनंत पांगारकर
मेष (Aries): मेष राशीच्या लोकांसाठी हा दिवस भाग्याची साथ घेऊन येईल. तुम्ही तुमच्या कामाची पद्धत अधिक व्यवस्थित आणि शिस्तबद्ध करण्याचा प्रयत्न कराल. वैवाहिक जीवनात सुधारणा होण्याची चिन्हे आहेत आणि संबंध अधिक दृढ होतील. व्यवसायात अचानक धनलाभ होण्याची शक्यता आहे, ज्यामुळे आर्थिक बाजू मजबूत होईल, परंतु कोणालाही उधार देणे टाळावे. आपल्या आरोग्यावर पूर्ण लक्ष देणे आवश्यक आहे. वृषभ (Taurus): नोकरी करणाऱ्यांसाठी सोयीस्कर ठिकाणी बदली होण्याची शक्यता आहे, ज्यामुळे मानसिक समाधान मिळेल. कुटुंबातील सदस्यांचे चांगले सहकार्य मिळाल्याने सर्व कौटुंबिक बाबी सहजपणे सोडवता येतील. आज तुम्ही स्वतःसाठी एकांत पसंत कराल आणि भविष्यातील ध्येये साध्य करण्याचे मार्ग शांतपणे शोधाल. मित्रांकडून वेळेवर मदत मिळू शकते.…
संगमनेर – थोर स्वातंत्र्यसेनानी सहकारमहर्षी भाऊसाहेब थोरात व हरितक्रांतीचे प्रणेते डॉ. अण्णासाहेब शिंदे यांच्या जयंती महोत्सवानिमित्त, मंगळवार ११ नोव्हेंबर २०२५ रोजी सायं. ६ वाजता ‘जाणता राजा मैदान’ येथे महाराष्ट्राच्या तरुणाईचा ‘ट्रेंड’ असलेला ‘फोक आख्यान’ हा लोकप्रिय कार्यक्रम सर्वांसाठी मोफत आयोजित करण्यात आला आहे. ही माहिती कॅन्सरतज्ञ डॉ. जयश्रीताई थोरात यांनी दिली. लोकनेते बाळासाहेब थोरात यांच्या मार्गदर्शनाखाली संगमनेर शहरात सातत्याने विविध दर्जेदार सांस्कृतिक कार्यक्रमांचे आयोजन केले जाते. याच परंपरेनुसार, राज्यभरातील तरुणांच्या पसंतीस उतरलेल्या ‘फोक आख्यान’च्या आयोजनाबद्दल अधिक माहिती देताना डॉ. जयश्रीताई थोरात म्हणाल्या, लोकनेते बाळासाहेब थोरात यांच्या मार्गदर्शनाखाली दरवर्षी राज्य व देश पातळीवरील अत्यंत दर्जेदार कार्यक्रम संगमनेरमध्ये होतात. सध्या महाराष्ट्रात सर्वत्र…
मुंबई: फलटण येथील डॉ. संपदा मुंडे यांच्या संशयास्पद मृत्यू प्रकरणात राज्य महिला आयोगाच्या अध्यक्षा रुपाली चाकणकर यांनी केलेल्या कथित असंवेदनशील, स्त्रीविरोधी आणि अन्यायकारक विधानाच्या विरोधात वंचित बहुजन आघाडी आक्रमक झाली आहे. या विधानाचा तीव्र निषेध करण्यासाठी वंचित बहुजन आघाडीच्या वतीने मुंबईत आज गुरुवारी (6 नोव्हेंबर) दुपारी 12 वाजता मंत्रालयासमोर, राष्ट्रवादी काँग्रेस (अजित पवार गट) कार्यालयाच्या बाजूला असणाऱ्या A-4, राजगड, मॅडम कामा रोड या ठिकाणी निषेध मोर्चा आयोजित करण्यात आला आहे. या निषेध मोर्च्याला वंचित बहुजन आघाडीच्या राज्य प्रवक्ता आणि राज्य महिला आयोगाच्या माजी सदस्य असलेल्या उत्कर्षा रूपवते यांची प्रमुख उपस्थिती असणार आहे. एका पीडित महिलेच्या प्रकरणात रुपाली चाकणकर यांनी केलेल्या…
शिर्डी – राज्याचे माजी मंत्री आणि काँग्रेसचे ज्येष्ठ नेते बाळासाहेब थोरात साहेब आणि शिर्डी लोकसभा मतदारसंघाचे खासदार भाऊसाहेब वाकचौरे यांच्या उपस्थितीत शिर्डी नगरपंचायत आणि राहाता नगरपरिषदेच्या आगामी निवडणुकांच्या पार्श्वभूमीवर महाविकास आघाडीच्या सर्व पदाधिकारी आणि कार्यकर्त्यांची एक अत्यंत महत्त्वाची बैठक आज गुरुवारी आयोजित करण्यात आली आहे. या महत्त्वपूर्ण बैठकीत आगामी शिर्डी आणि राहाता नगरपरिषद निवडणुकांमध्ये महाविकास आघाडीला प्रभावीपणे यश मिळवण्यासाठी रणनीती आखणे, संघनात्मक बांधणी मजबूत करणे आणि कार्यकर्त्यांना निवडणुकीसाठी सज्ज करणे, या प्रमुख विषयांवर सखोल चर्चा व मार्गदर्शन केले जाणार आहे. माजी मंत्री बाळासाहेब थोरात आणि खासदार भाऊसाहेब वाकचौरे हे उपस्थित पदाधिकारी व कार्यकर्त्यांना योग्य दिशा व मार्गदर्शन करतील. महाविकास आघाडीच्या…
मेष राशी (Aries): आज तुम्हाला जीवनात येणाऱ्या अचानक बदलांसाठी तयार राहावे लागेल. प्रेमसंबंधात मनमोकळ्या संवादातून नातेसंबंध दृढ होतील. कामाच्या ठिकाणी सहकार्यावर लक्ष केंद्रित करा. आर्थिक वाढीसाठी नवीन कल्पनांचा विचार करा. वृषभ राशी (Taurus): आज तुम्हाला जीवनात संतुलन साधण्यावर भर द्यावा लागेल. प्रेमाच्या नात्यात तुमची निष्ठा दिसून येईल; प्रियजनांचे कौतुक करा. दीर्घकालीन आर्थिक लाभांसाठी नियोजन करा आणि कामात तुमच्या सहाव्या इंद्रियावर विश्वास ठेवा. मिथुन राशी (Gemini): आजचा दिवस तुमच्यासाठी ज्ञानवर्धक असेल! अनपेक्षित अंतर्दृष्टीमुळे रोमांचक संधी उपलब्ध होतील. नवीन जबाबदाऱ्या स्वीकारून कामात वाढ मिळवा आणि मानसिक शांतीसाठी आर्थिक व्यवस्थापन व्यवस्थित ठेवा. गुंतवणुकीसाठी वेळ खूप अनुकूल आहे. कर्क राशी (Cancer): आज तुमचा काळजी…
मुंबई (विशेष प्रतिनिधी) – विधान परिषद सदस्य आमदार सत्यजित तांबे यांच्या सततच्या पाठपुराव्यामुळे संगमनेर तालुक्यातील तांडा वस्त्यांमध्ये मोठ्या प्रमाणावर विकासकामे होण्याचा मार्ग मोकळा झाला आहे. त्यांनी केलेल्या मागणीनुसार, वसंतराव नाईक तांडा वस्ती सुधार योजना अंतर्गत संगमनेर तालुक्यातील विविध गावांमधील रस्त्यांच्या कामांसाठी तब्बल ७६ लाख रुपयांचा निधी मंजूर झाला आहे. आमदार सत्यजित तांबे यांनी दिनांक ०६ ऑक्टोबर २०२५ रोजी इतर मागास प्रवर्ग व बहुजन कल्याण मंत्री, अतुल सावे साहेब यांच्याकडे संगमनेर तालुक्यातील विविध कामांना मंजुरी देऊन निधीची तरतूद करण्याची विनंती केली होती. स्थानिक नागरिकांकडून वारंवार विकासकामांची मागणी होत असल्याने, तांबे यांनी ही महत्त्वपूर्ण मागणी शासनाकडे केली होती. तांबे यांनी एकूण ३३…
संगमनेर – एकेकाळी ‘एअरपोर्ट’ म्हणून राज्यात गौरवपूर्ण उल्लेख होणारे आणि संगमनेर शहराचे वैभव असलेले हायटेक बसस्थानक मागील वर्षभरापासून अनाधिकृत फ्लेक्सबाजीच्या विळख्यातून अखेर मुक्त झाले आहे. शहरातील नागरिक आणि व्यापाऱ्यांनी वारंवार तक्रारी करूनही हतबल ठरलेल्या पालिका प्रशासनाला जे जमले नाही, ते राज्य निवडणूक आयोगाने लावलेल्या आचारसंहितेमुळे साधले. आचारसंहिता लागू होताच रातोरात हे सर्व फ्लेक्स हटले आणि तब्बल एक वर्षानंतर संगमनेरच्या या देखण्या बसस्थानकाने मोकळा श्वास घेतला आहे. वर्षभर फ्लेक्सचा विळखा आणि प्रशासनाची ‘हतबलता’- लोकनेते तत्कालीन मंत्री बाळासाहेब थोरात यांच्या संकल्पनेतून साकारलेले हे हायटेक बसस्थानक शहराची ओळख आणि अभिमान आहे. प्रशस्त जागा, शॉपिंग कॉम्प्लेक्स, आधुनिक इमारत आणि आकर्षक प्रवेशद्वार यामुळे हे ठिकाण…
संगमनेर – शेतकऱ्यांचा विश्वास संपादन करून, त्यांच्या कागदपत्रांच्या आधारे फायनान्स कंपन्यांकडून कर्ज काढून ट्रॅक्टर खरेदी करायचे आणि त्यानंतर शेतकऱ्यांना गंडा घालून ते ट्रॅक्टर परस्पर विक्री करणाऱ्या दोघांना श्रीरामपूर पोलिसांच्या अपर पोलीस अधीक्षक कार्यालयाच्या पथकाने जेरबंद केले असल्याची माहिती अपर पोलीस अधीक्षक सोमनाथ वाघचौरे यांनी दिली आहे. या कारवाईत पोलिसांनी भालचंद्र अशोक साळवी (रा. वनकुटे, ता. पारनेर, जि. अहिल्यानगर) व अभिजीत सुनील भांडवलकर (रा. सिव्हिल हडको अहिल्यानगर) दोन आरोपींना अटक केली असून, त्यांच्याकडून तब्बल ९ ट्रॅक्टर आणि २ मोटारसायकल असा एकूण ७१ लाख ७० हजार रुपये किमतीचा मुद्देमाल जप्त करण्यात आला आहे. या कारवाईमुळे अन्य शेतकऱ्यांची मोठी फसवणूक टळली आहे. भालचंद्र…
अहिल्यानगर – अहिल्यानगर जिल्ह्यातील नगरपरिषदा आणि नगरपंचायतींच्या आगामी सार्वत्रिक निवडणुकांच्या तयारीला वेग आला आहे. जिल्हाधिकारी डॉ. पंकज आशिया यांनी शासकीय निकषांनुसार निवडणूक निर्णय अधिकारी आणि सहायक निवडणूक निर्णय अधिकारी यांच्या नेमणुकीस मंजुरी देणारे आदेश नुकतेच जारी केले आहेत. प्रशासकीय अधिकाऱ्यांवर निवडणुकीची मोठी जबाबदारी… निवडणुकांचे सर्व कामकाज शांततेत, पारदर्शकतेने आणि सुव्यवस्थित पार पाडण्यासाठी प्रशासकीय सेवेतील अनुभवी अधिकाऱ्यांची निवड करण्यात आली आहे. यामध्ये उपजिल्हाधिकारी, उपविभागीय अधिकारी, तहसीलदार तसेच महाराष्ट्र शहरी प्रशासकीय सेवेतील मुख्याधिकारी यांचा समावेश आहे. हे नियुक्त अधिकारी निवडणुकीदरम्यान राज्य निवडणूक आयोग आणि जिल्हाधिकारी कार्यालयाच्या मार्गदर्शक सूचनांचे तंतोतंत पालन करतील. जिल्ह्यातील विविध नगरपरिषदांसाठी नियुक्त करण्यात आलेल्या निवडणूक निर्णय अधिकारी आणि सहायक…
मेष (Aries) – आज तुम्हाला संयम आणि धीराने काम करावे लागेल, ज्यामुळे कठीण समस्यांवरही सहज उपाय मिळू शकेल. कुटुंबाशी संबंधित कामासाठी प्रवास होण्याची शक्यता आहे. कामावर लक्ष केंद्रित करणे आवश्यक आहे. सरकारी कामांमध्ये चांगल्या वकिलाचा सल्ला घ्यावा लागेल. वृषभ (Taurus) – आज तुम्हाला घर आणि कामाच्या जगातून बाहेर पडून निसर्गाचा आनंद घ्यावासा वाटेल. जुन्या मौल्यवान वस्तूंसाठी केलेले सौदे फायदेशीर ठरतील. अपूर्ण कामे पूर्ण करण्यासाठीही आजचा दिवस चांगला आहे. काही खर्चाचा सामना करावा लागेल. मिथुन (Gemini) – व्यवसायात वाढ होण्याची शक्यता आहे. तुमचे काम अत्यंत काळजीपूर्वक करा आणि इतरांची मदत घ्या. तुम्ही नवीन इलेक्ट्रॉनिक वस्तू खरेदी करू शकता. अनावश्यक वादात अडकणे…