Author: अनंत पांगारकर
महाराष्ट्र संवाद न्यूज संगमनेर – स्वतःसह कुटुंबातील सदस्य व अन्य सहकाऱ्यांच्या मदतीने तब्बल 81 कोटी रुपयांच्या अपहारात सहभागी असलेल्या मुख्य आरोपी भाऊसाहेब कुटे याने स्वतःच्या व्यक्तिगत शुभेच्छांच्या लाखो रुपयांच्या जाहिराती ठेवीदारांच्या पैशातून वृत्तपत्रांना दिल्याचे समोर आले आहे. कारनामे: दूधगंगा नागरी सहकारी पतसंस्थेचा तब्बल 81 कोटी रुपयांचा घोटाळा समोर आल्यानंतर या घोटाळ्यामागील मुख्य आरोपी असलेल्या भाऊसाहेब कुटे याचे एक-एक कारनामे समोर येत आहे. यातील बहुतेक कारनामे पोलिसांकडे दाखल असलेल्या फिर्यादीत (FIR मध्ये) नोंदविण्यात आले आहे. कुटुंबातील सात जणांचा समावेश: संगमनेरच्या सहकारी पतसंस्था विश्वातील सर्वात मोठा आर्थिक अपहार म्हणून दूधगंगा नागरी सहकारी पतसंस्थेच्या 81 कोटी रुपयांच्या गैरव्यवहाराकडे बघितले जाते. विशेष म्हणजे या…
महाराष्ट्र संवाद न्यूज संगमनेर – शिक्षण घेणाऱ्या अल्पवयीन मुलीशी मैत्री करत तिच्यावर वारंवार अत्याचार करणाऱ्या दोघा आरोपींना अटक केल्यानंतर पोलिसांनी याप्रकरणी मोठे पाऊल उचलले होते. अत्याचारासाठी आरोपींना मदत केल्याच्या कारणावरून सहा जणांना पोलिसांनी सहआरोपी केले आहे. यातील कॅफे मालकाला मंगळवारी पोलिसांनी अटक केली. आत्तापर्यंत पोलिसांनी या प्रकरणात अत्याचार करणाऱ्या दोन आरोपींसह लॉज चालक, कॅफे मालक अशा पाच जणांना अटक केली आहे. मंगळवारी अटक केलेल्या राहुल गौतम भालेराव या कॅफे मालकाला बुधवारी संगमनेरच्या जिल्हा व अतिरिक्त सत्र न्यायालयाचे न्यायाधीश प्रशांत कुलकर्णी यांनी एक दिवसांची पोलीस कोठडी दिली आहे. विविध ठिकाणी यांनी केला अत्याचार: संगमनेर शहरालगत राहावयास असलेल्या एका अंदाजे १७ वर्षे…
महाराष्ट्र संवाद न्यूज संगमनेर – केवळ संगमनेरच नव्हेतर आसपासच्या चार जिल्ह्यांमधील उद्योग, व्यवसाय आणि व्यापार क्षेत्राला नवसंजीवनी देवून देशाच्या अर्थकारणात महत्त्वाची भूमिका बजावणार्या संगमनेर मर्चन्ट्स सहकारी बँकेची 58 वी सर्वसाधारण सभा उत्साहात पार पडली. गतआर्थिक वर्षाचे चेअरमन ओंकार सोमाणी व विद्यमान चेअरमन संतोष करवा यांच्या अध्यक्षतेखाली झालेल्या या सभेत भारतीय अवकाश संशोधन संस्थेने (इस्त्रो) चांद्रयान 3 मोहीमेत मिळवलेल्या यशाबद्दल अभिनंदनाचा ठरावही करण्यात आला. मावळलेल्या आर्थिक वर्षात संस्थेला 8 कोटी 31 लाखांचा विक्रमी नफा झाल्याचे यावेळी जाहीर करण्यात आले. यावर्षी संस्थेच्या सभासदांना 12 टक्के लाभांश वाटप केले जाणार आहे. प्रतिमा पूजन: प्रारंभी संस्थेचे ज्येष्ठ सभासद डॉ.अशोक पोफळे, नीलेश जाजू, नंदकुमार भडांगे,…
महाराष्ट्र संवाद न्यूज शिर्डी – विनयभंगाच्या दाखल असलेल्या गुन्ह्याच्या तपासामध्ये मदत करण्यासाठी, तडीपार व एम.पी.डी.ए. अन्वये कारवाई न करण्यासाठी पोलीस निरीक्षकांकरता तीस हजार रुपये लाच स्वीकारण्याची तयारी दाखविणाऱ्या शिर्डी पोलीस ठाण्याच्या पोलीस हवालदार विरोधात नाशिकच्या लाच लूचपत विभागाने भ्रष्टाचार प्रतिबंधक कायद्यानुसार कारवाई केली आहे. एक ते दीड लाखाची मागणी: संदीप गडाख असे शिर्डी पोलीस ठाण्याच्या कारवाई झालेल्या पोलीस हवालदाराचे नाव आहे. यासंदर्भात नासिक लाच लूचपतकडे तक्रार दाखल करण्यात आली होती. नाशिकच्या तक्रारदाराविरोधात शिर्डी पोलीस ठाण्यात दाखल असलेल्या विनयभंगाच्या एका गुन्ह्यात तक्रारदाराला मदत करण्यासाठी तसेच तक्रारदारावर तडीपारीची व एम.पी.डी.ए. नुसार कारवाई करू नये यासाठी पोलीस हवालदार संदीप गडाख यांनी पंचासमक्ष शिर्डीचे…
महाराष्ट्र संवाद न्यूज संगमनेर – काँग्रेसचे नेते, आमदार बाळासाहेब थोरात यांच्या मार्गदर्शनाखाली 3 सप्टेंबर ते 13 सप्टेंबर या कालावधीमध्ये संगमनेर तालुक्यातील प्रत्येक गावात व वाडी वस्तीवर व संगमनेर शहरातील प्रत्येक वार्डात काँग्रेसची जनसंवाद यात्रा होणार असून या माध्यमातून केंद्र व राज्य सरकारच्या अपयशाचा उलगडा केला जाणार असल्याची माहिती काँग्रेसचे तालुकाध्यक्ष मिलिंद कानवडे व शहराध्यक्ष सोमेश्वर दिवटे यांनी दिली आहे. येथे झाली बैठक: यशोधन कार्यालय येथे तालुका व शहर काँग्रेस कमिटीच्यावतीने आयोजित जनसंवाद यात्रेच्या बैठकीत ते बोलत होते. यावेळी सहकार महर्षी भाऊसाहेब थोरात कारखान्याचे संचालक इंद्रजीत थोरात यांच्यासह काँग्रेसचे पदाधिकारी उपस्थित होते. केंद्र सरकारच्या अपयशाचा पाढा वाचणार: केंद्र सरकार हे संपूर्ण…
महाराष्ट्र संवाद न्यूज मुंबई – गेल्या काही दिवसांपासून राज्यात पावसाने पाठ फिरविल्याने राज्य दुष्काळाच्या उंबरठ्यावर आहे. समाधानकारक पाऊस न झाल्याने शेतकरीही अडचणीत सापडला आहे. या पार्श्वभूमीवर राज्यात दुष्काळाची परिस्थिती उद्भवू नये यासाठी राज्य सरकारने मंत्रालयातील सातव्या मजल्यावर दुष्काळ नियंत्रण वॅार रुम बनवण्याचा मोठा निर्णय घेतला आहे. वॅार रूममधून हे कामकाज होणार: राज्यातील दुष्काळाच्या छायेत असलेली गावे, तालुके, जिल्हा, विभाग या सर्वांवर या दुष्काळ नियंत्रण वॅार रुमच्या माध्यमातून नजर ठेवली जाणार आहे. तसेच या सर्वांना दुष्काळी परिस्थितीतून बाहेर काढण्यासाठी उपाययोजना केल्या जाणार आहे. या वॅार रुममधून मुख्यमंत्री एकनाथ शिंदे यांच्यासह उपमुख्यमंत्री देवेंद्र फडणवीस आज राज्यातील दुष्काळी परिस्थितीचा आढावा घेतील. पाणीसाठ्याचे आरक्षण…
जनतेला दिलासा देण्यासाठी अधिकारी, कर्मचाऱ्यांनी अधिक संवेदनशीलपणे काम करावे के.के. रेंज व अहमदनगर-मनमाड राष्ट्रीय महामार्गाच्या कामाचा पालकमंत्र्यांनी घेतला आढावा महाराष्ट्र संवाद न्यूज अहमदनगर – गत वर्षीच्या तुलनेत आतापर्यंत जिल्ह्यात सरासरी पावसाचे प्रमाण अत्यंत कमी आहे. या परिस्थितीत उपलब्ध पाण्याचा काटकसरीने वापराबरोबरच उपलब्ध संसाधनांचा प्रभावीपणे वापर करावा. जनतेला दिलासा देण्याच्या दृष्टीने अधिकारी, कर्मचाऱ्यांनी अधिक संवेदनशीलपणे काम करण्याचे निर्देश राज्याचे महसूल, पशुसंवर्धन, दुग्धव्यवसाय विकास मंत्री तथा जिल्ह्याचे पालकमंत्री राधाकृष्ण विखे पाटील यांनी दिले. यांच्या उपस्थितीत झाली बैठक: सोमवारी जिल्हाधिकारी कार्यालयात आयोजित टंचाई आढावा बैठकीत ते बोलत होते. यावेळी आमदार बबनराव पाचपुते, आमदार प्रा. राम शिंदे, आमदार लहू कानडे, आमदार आशुतोष काळे, आमदार…
महाराष्ट्र संवाद न्यूज संगमनेर – साखर कारखानदारीत सहकारासाठी मापदंड ठरलेल्या सहकार महर्षी भाऊसाहेब थोरात सहकारी साखर कारखान्याने स्वच्छ व गुणवत्तेच्या पेट्रोलबरोबर आता नव्याने गरजेचा असलेल्या पर्यावरण पूरक सीएनजी पंप कार्यान्वित केला आहे. काँग्रेस विधिमंडळ पक्षाचे नेते आमदार बाळासाहेब थोरात यांच्या हस्ते या सीएनजी पंपाचा शुभारंभ करण्यात आला. यांची होती उपस्थिती: सहकार महर्षी भाऊसाहेब थोरात सहकारी साखर कारखाना कार्यस्थळ येथे हा सीएनजी पंप सुरू करण्यात आला असून यावेळी कारखान्याचे चेअरमन बाबासाहेब ओहोळ, उपाध्यक्ष संतोष हासे, रामहरी कातोरे, बीपीसीचे गोविंद जागीर, संचालक गणपतराव सांगळे, संपतराव गोडगे, मीनानाथ वर्पे, विनोद हासे, माणिकराव यादव, ॲड. दादासाहेब हजारे, तानाजी आहेर, कार्यकारी संचालक जगन्नाथ घुगरकर, सेक्रेटरी…
महाराष्ट्र संवाद न्यूज संगमनेर – संगमनेरातील बहुचर्चित ठरलेल्या आणि सहकारी चळवळीवर आधारित असलेल्या पतसंस्था विश्वातील सर्वात मोठ्या 81 कोटीच्या अपहार प्रकरणी अटकेत असलेल्या पाचही आरोपींना न्यायालयाने आज न्यायालयीन कोठडी दिली आहे. आर्थिक गुन्हे शाखेकडे गुन्हा वर्ग: दरम्यान गुन्हा दाखल झाल्यानंतर त्याचा प्राथमिक तपास संगमनेर शहर पोलीस ठाण्याचे पोलीस निरीक्षक भगवान मथुरे यांनी केला होता. मात्र गुन्ह्याचे स्वरूप लक्षात घेता अपहाराची रक्कम मोठी असल्याने, गुन्हा गुंतागुंतीचा क्लिष्ट व किचकट स्वरूपाचा असल्याने तसेच आरोपींची संख्या देखील मोठी असल्याने जिल्हा पोलीस अधीक्षकांनी हा गुन्हा शहर पोलिसांकडून काढून अहमदनगरच्या आर्थिक गुन्हे शाखेकडे सोमवारी वर्ग केला आहे. त्यामुळे या गुन्ह्याचा पुढील तपास आता आर्थिक गुन्हे…
महाराष्ट्र संवाद न्यूज @ अनंत पांगारकर संगमनेर – चारित्र्याच्या संशयावरून रागाच्या भरात पत्नीस लोखंडी पहारीने मारहाण करीत तिचा खून करणाऱ्या आणि तिला सोडविण्यासाठी मध्ये आलेल्या व्यक्तीला मारहाण करीत जीवे मारण्याचा प्रयत्न करणाऱ्या आरोपीला संगमनेरच्या जिल्हा व अतिरिक्त सत्र न्यायालयाने सात वर्षे सश्रम कारावास आणि पाच हजार रुपये दंडाची शिक्षा ठोठावली आहे. या आरोपीला झाली शिक्षा: बाळासाहेब तुळशीराम फटांगरे (रा. लक्ष्मी नगर, संगमनेर) असे शिक्षा झालेल्या आरोपीचे नाव आहे. आरोपी विरोधात पोलिसांनी खून आणि सदोष मनुष्यवधाचा गुन्हा दाखल केला होता. न्यायालयाने आरोपीला सदोष मनुष्य वधाच्या तसेच घातक हत्याराने दुखापत करण्याच्या आरोपात दोषी ठरविले आहे. संगमनेरचे जिल्हा व अतिरिक्त सत्र न्यायाधीश पी.…