Author: अनंत पांगारकर
मुंबई – अखेर संगमनेरसह राज्यातील २४६ नगरपरिषदा आणि ४२ नगरपंचायतींच्या सार्वत्रिक निवडणुकांचे बिगुल वाजले आहे. राज्य निवडणूक आयोगाने मंगळवारी (४ नोव्हेंबर) पत्रकार परिषदेत निवडणुकीची घोषणा करताच राज्यात तात्काळ आचारसंहिता लागू झाली आहे. निवडणूक आयोगाने दिलेल्या माहितीनुसार, या निवडणुकीसाठी २ डिसेंबर २०२५ रोजी मतदान होणार असून, दुसऱ्याच दिवशी ३ डिसेंबर २०२५ रोजी मतमोजणी होऊन निकाल जाहीर होईल. या प्रक्रियेद्वारे एकूण ६,८५९ सदस्य आणि २८८ अध्यक्षांची निवड होणार आहे. निवडणूक कार्यक्रमानुसार, उमेदवारांना १० नोव्हेंबर ते १७ नोव्हेंबर या दरम्यान अर्ज दाखल करता येतील. दाखल अर्जांची छाननी १८ नोव्हेंबर रोजी होईल, तर माघारीची अंतिम मुदत २१ नोव्हेंबर ठेवण्यात आली आहे. राज्य निवडणूक आयुक्त…
संगमनेर – संगमनेर शहर पोलीस ठाण्याचे पोलीस निरीक्षक रवींद्र नरसिंह देशमुख यांची कार्यकाल पूर्ण होण्याआधीच बदली करण्यात आली आहे. देशमुख यांच्या बदलीमुळे संगमनेरमध्ये सुरू असलेला वरिष्ठ प्रशासकीय अधिकाऱ्यांच्या बदल्यांच ग्रहण अद्यापही सुरूच आहे. देशमुख गेल्या काही दिवसापासून बदलीसाठी प्रयत्न करत असल्याची चर्चा अखेरीस पूर्णत्वास आली आहे. देशमुख यांच्या रिक्त जागेवर पारनेर पोलीस ठाण्याचे पोलीस निरीक्षक समीर बारवकर यांची नियुक्ती करण्यात आली आहे. देशमुख यांची बदली अहिल्यानगरच्या ए. एच. टी. यु. या शाखेकडे करण्यात आली असून त्यांच्याकडे पोलीस उपाधीक्षक (मुख्यालय) अतिरिक्त कार्यभार सोपवण्यात आला आहे. जिल्हा पोलीस अधीक्षकांनी सहा पोलीस निरीक्षक व तिघा सहाय्यक पोलीस निरीक्षकांच्या जिल्हा अंतर्गत केलेल्या अधिकाऱ्यांच्या विनंती…
नान्नज दुमाला-पिंपळे परिसरासाठी मंजूर उपसा जलसिंचन योजनांवरील स्थगिती तातडीने रद्द करण्याची माजी मंत्री बाळासाहेब थोरात यांची मागणी संगमनेर – निळवंडे धरणाचे काम जनतेने विसरावे म्हणून भोजापूर चारीचा बोलबाला केला जात असल्याची टीका काँग्रेस नेते तथा माजी मंत्री बाळासाहेब थोरात यांनी केली आहे. तसेच, त्यांनी नान्नज दुमाला, पिंपळे परिसरासाठी मंजूर केलेल्या उपसा जलसिंचन योजनांवरील स्थगिती तातडीने रद्द करून कामे सुरू करण्याची मागणी केली आहे. पश्चिमेकडील पाणी पूर्वेकडे आणण्याचे स्वप्न जनता खूप दिवसांपासून ऐकत आहे, असेही ते म्हणाले. पिंपळे येथे विविध सहकारी सेवा सोसायटीच्या लोकार्पण समारंभात ते बोलत होते. कार्यक्रमाच्या अध्यक्षस्थानी खासदार भाऊसाहेब वाकचौरे होते. यावेळी जिल्हा बँकेचे माधवराव कानवडे, पांडुरंग पाटील…
संगमनेर – संगमनेर शहरात उघडकीस आलेल्या ड्रग्स इंजेक्शन विक्री प्रकरणासंदर्भात राहुल गांधी समर्थक संघ महाराष्ट्र (RGSS) या संघटनेने कठोर भूमिका घेत पोलीस उपाधीक्षक डॉ. कुणाल सोनवणे व संगमनेर शहर पोलीस निरीक्षक रवींद्र सोनवणे यांना एक निवेदन देत या देशविघातक कृत्याचे समूळ उच्चाटन करण्यासाठी आणि या रॅकेटच्या मुळापर्यंत पोहोचण्यासाठी त्यांनी सध्या सुरू असलेल्या तपासात आणखी सखोल चौकशी करण्याची मागणी केली आहे. संगमनेर शहरात ‘एम.आर. व्हिटॅमिन सप्लिमेंट शॉप’ नावाच्या दुकानावर पोलिसांनी छापा टाकून डॉक्टरांच्या चिठ्ठीशिवाय नशेसाठी वापरली जाणारी औषधे (मेफेनटर्माइन सल्फेट इंजेक्शन्स) विकणाऱ्या आदित्य किशोर गुप्ता याला अटक केली आहे. पोलिसांनी या कारवाईत २.२३ लाखांचा मुद्देमाल जप्त केला आहे. या प्रकरणात राजकीय…
संगमनेर – अवैध धंद्यामुळे आधीपासूनच चर्चेत असलेल्या संगमनेरमध्ये थेट नशेच्या इंजेक्शनची होणारी विक्री समोर आल्यानंतर आता सोमवारी पोलिसांनी केलेल्या कारवाईत गांजासारखा अमली पदार्थ जवळ बाळगून त्याची चोरटी विक्री करणाऱ्या एका आरोपीला जेरबंद करण्यात यश आले आहे. या संदर्भात दोघांवर गुन्हा दाखल करण्यात आला असून एका आरोपीला अटक करण्यात आली आहे. गेल्या आठवड्यामध्ये संगमनेरमध्ये पोलिसांनी राबविलेल्या स्ट्रिंग ऑपरेशनमध्ये नशेचे इंजेक्शन्स विक्री होत असल्याचे समोर आले होते. आदित्य किशोर गुप्ता याला पोलिसांनी पकडल्यानंतर या प्रकरणाचे राजकीय कनेक्शन आणि पोलिसांवर मोठा राजकीय दबाव आल्याचे समोर आल्याने हा विषय शहरात चर्चेचा विषय ठरला. दबावानंतरही पोलिसांनी केलेली कारवाई शहरात कौतुकाचा विषय ठरली होती. गेल्या काही…
मेष (Aries) – महत्त्वाची कामे दुपारनंतर मार्गी लागतील. काहींचा आध्यात्माकडे कल राहील. तुम्हाला अचानक खूप पैसे मिळण्याची शक्यता आहे, ज्यामुळे भविष्याची चिंता कमी होईल. व्यवसायात चांगली प्रगती होईल आणि प्रलंबित कामे पूर्ण होतील. वृषभ (Taurus) – कोणाच्याही सहकार्याची अपेक्षा नको. वाहने जपून चालवावीत. गुंतवणुकीसाठी चांगला दिवस असून नफा मिळू शकतो. उत्पन्नाचे नवे स्रोत निर्माण होतील. मनःशांतीसाठी ध्यान करा. मिथुन (Gemini) – महत्त्वाच्या गाठीभेटी पार पडतील. प्रियजनांचा सहवास लाभेल आणि कुटुंबात आनंदी क्षण असतील. नवीन कल्पना आणि योजनांमुळे करिअर व व्यवसायात यश मिळेल. ताण कमी करण्यासाठी चालणे किंवा योग करा. कर्क (Cancer) – तुमच्या कार्यक्षेत्रात सुसंधी व प्रसिद्धी लाभेल; मानसन्मान व…
संगमनेर – संगमनेर तालुक्यातील १८ गावांतील शेतकरी आणि नागरिकांसाठी एक महत्त्वाची आणि दिलासादायक बातमी आहे. येथील वीजपुरवठा व्यवस्थेतील त्रुटी दूर करून स्थिर व अखंड वीजपुरवठा सुनिश्चित करण्याच्या दृष्टीने आमदार सत्यजीत तांबे यांच्या प्रयत्नातून तब्बल दीड कोटी रुपयांचा निधी नवीन ट्रान्सफॉर्मरसाठी मंजूर झाला आहे. ‘जिल्हा नियोजन’मधून मिळालेल्या या भरीव निधीमुळे ग्रामीण भागातील नागरिकांची आणि विशेषतः शेतकऱ्यांची दीर्घकाळापासूनची समस्या कायमस्वरूपी मार्गी लागणार आहे. या निधीतून नवीन ट्रान्सफॉर्मर बसवण्यात येणाऱ्या १८ गावांमध्ये प्रामुख्याने अंभोरे, कुंभारवाडी, कोळवडे, घुलेवाडी, जाखोरी, जोर्वे, डिग्रस, तळेगाव, नांदुरी दुमाला, मांडवे बु., मालुंजे, रणखांब वाडी, राजापूर, वरवंडी (जनतानगर), हिवरगाव पावसा, मालुंजे आणि संगमनेर खुर्द या गावांचा समावेश आहे. या भागात…
संगमनेर: संगमनेर तालुक्यात गेल्या काही महिन्यात अमली पदार्थ आणि ड्रग्सची वाढती तस्करी अत्यंत चिंतेची बाब बनली असून, यामागे ‘हप्तेखोरी’ हेच एकमेव कारण असल्याची थेट टीका काँग्रेसचे ज्येष्ठ नेते तथा माजी मंत्री बाळासाहेब थोरात यांनी केली आहे. थोरात यांनी ‘हिंदुत्वाचा खोटा बुरखा पांघरून’ तालुक्यात काळे धंदे सुरू करणाऱ्या लोकांवरही सडकून टीका केली. तरुणाईचे भविष्य उद्ध्वस्त करणाऱ्या या गुन्हेगारांवर आणि त्यांना संरक्षण देणाऱ्या शक्तींवर कठोर कारवाई करण्याची मागणी त्यांनी केली. सहकार महर्षी भाऊसाहेब थोरात सहकारी साखर कारखाना कार्यस्थळावर आयोजित कार्यक्रमात ते बोलत होते. यावेळी माजी आमदार डॉ.सुधीर तांबे, रणजीतसिंह देशमुख, पांडुरंग पाटील घुले, कांचनताई थोरात, संपतराव डोंगरे, रामहरी कातोरे, डॉ. जयश्रीताई थोरात,…
मोहसीन रशीद शेख शहरात नगरपालिका निवडणुकीची चाहूल लागताच वातावरण पुन्हा रंगत आलं आहे. यावेळी मात्र रस्त्यांवर आणि सोशल मीडियावर अचानक उगवलेले “समाजसेवक” नागरिकांच्या चर्चेचा विषय ठरले आहेत. गेल्या काही वर्षांत जे चेहरे गल्ल्यांमधून गायब झाले होते, तेच आता पुन्हा “जनतेच्या सेवेसाठी” मैदानात उतरले आहेत. प्रश्न एवढाच — ही सेवा समाजासाठी आहे की निवडणुकीसाठी? प्रत्येक निवडणुकीच्या काळात असे हंगामी समाजसेवक सक्रिय होतात. काहीजण मदतीपेक्षा फोटो काढण्यात जास्त रस घेतात, तर काहींसाठी समाजसेवा म्हणजे फक्त पोस्टर, बॅनर आणि सोशल मीडियावरील प्रसिद्धी. “सेवा” हा शब्दच आजकाल ब्रँडिंगचा भाग झाला आहे. खऱ्या अर्थाने समाजसेवा ही निस्वार्थ भावनेतून होते. ती निवडणुकीच्या तारखांवर अवलंबून नसते. पण…
पुणे – पुणे लाचलुचपत प्रतिबंधक विभागाने (ACB) पिंपरी-चिंचवड पोलीस आयुक्तालयातील आर्थिक गुन्हे शाखेत मोठी धडक कारवाई करत पोलीस उपनिरीक्षक प्रमोद चिंतामणी (वय ३५) याला तब्बल ४६ लाख ५० हजार रुपयांची लाच स्वीकारताना रंगेहात पकडले आहे. या कारवाईमुळे पुणे शहर आणि पिंपरी-चिंचवड पोलीस दलात मोठी खळबळ उडाली आहे. एसीबीच्या माहितीनुसार, आरोपी उपनिरीक्षकाने तक्रारदाराच्या आशिलाला गुन्हेगारी प्रकरणात मदत करण्यासाठी आणि त्याच्या वडिलांचा जामीन मिळवून देण्यासाठी तब्बल २ कोटी रुपयांची लाच मागितली होती. या प्रकरणात तक्रारदाराचे वडील एका गुन्ह्यात अटकेत होते आणि प्रमोद चिंतामणी या प्रकरणाचा तपास अधिकारी होता. त्याने या लाचेच्या रकमेतील १ कोटी रुपये स्वतःसाठी आणि उर्वरित १ कोटी रुपये वरिष्ठ…