Author: अनंत पांगारकर
शनिवार, ०२ नोव्हेंबर पुणे – दोन महिन्यांपूर्वी संगमनेर मधील झरेकाठी येथील विवाहितेने पुण्यामध्ये आत्महत्या केली होती. पतीसह सासू-सासऱ्या विरोधात यासंदर्भात गुन्हा दाखल करण्यात आला होता. याप्रकरणी पुण्याच्या वडगाव मावळ न्यायालयाने सासू-सासऱ्याचा जामीन अर्ज मंजूर केला आहे.हुंड्याच्या मागणीच्या कारणावरून झरेकाठी येथील विवाहित महिलेने पुण्यामध्ये आपल्या आईच्या घरी आत्महत्या केल्याची घटना दोन महिन्यांपूर्वी ०१ सप्टेंबरला पुण्यात घडली होती. यासंदर्भात पुण्याच्या रावेत पोलीस ठाण्यात विवाहितेचा पती आणि सासू-सासऱ्यांविरोधात गुन्हा दाखल करण्यात आला होता.रावेत पोलिसांनी याप्रकरणी विवाहितेच्या पती आणि सासर्याला १९ सप्टेंबरला पहाटेच्या वेळी संगमनेर तालुक्यातील झरेकाठी येथून अटक केली होती.संगमनेर येथील वकील ऋषिकेश वाणी यांच्या वतीने आरोपी पती आणि सासऱ्याने नियमित जामिनासाठी तर…
दीपावली पाडवा आजच्या दिवसाचे राशिभविष्य मेष – आज आपण खूप धाडसी असाल, आक्रमकही असाल. आज कार्यमग्न असाल. कामांमध्ये प्रगती होईल. आजचा दिवस आपल्यासाठी अनुकूल असल्यामुळे संधीचा फायदा घ्या. अध्यात्मिक प्रगती होईल. वृषभ – आज आपणाला अडचणीतून आणि तणावातून मुक्तता मिळणार आहे सहकाऱ्यांकडून आणि कुटुंबातील व्यक्तींकडून पूर्णपणे सहकार्य मिळणार आहे. आपल्या धैर्याने सर्व कामे पूर्ण करणार आहात. मिथुन – आज आपल्यामध्ये भरपूर आत्मविश्वास असणार आहे. आपला दृष्टिकोणही सकारात्मक असेल. आपल्या भावंडांच्या प्रकृतीविषयी कुरबुरी असू शकतील. कोणतेही मोठे बदल टाळा. कर्क – आजचा दिवस चांगला जाणार आहे. आपल्या कार्यावर प्रकाश पडणार आहे. घरातील जबाबदाऱ्या पूर्ण करणार आहात. आर्थिक प्राप्ती चांगल्यापैकी होणार आहे.…
शुक्रवार, ०१ नोव्हेंबर पुणे – कोलकत्ता न्यायालयाने काढलेल्या तक्रारदार आणि त्याच्या मुलाला अटक न करण्यासाठी १० हजार रुपयांची लाच घेणारा पोलीस उपनिरीक्षकाला लाच लुचपतच्या जाळ्यात अडकला आहे. शरद दशरथ कणसे असे या पोलीस उपनिरीक्षकाचे नाव आहे. शरद कणसे याला लाच घेतल्याप्रकरणी अटक करण्यात आली आहे. तक्रारदार व त्यांचा मुलगा यांच्या विरुद्ध कोलकत्ता ज्युडिशियल मॅजिस्ट्रेट यांनी वॉरंट काढले आहे. हे वॉरंट बजावणीकामी हडपसर पोलीस ठाण्यातील पोलीस उपनिरीक्षक शरद कणसे याच्याकडे देण्यात आले होते. या वॉरंटमध्ये तक्रारदार व त्यांचा मुलगा यांना अटक न करण्यासाठी शरद कणसे याने २५ हजार रुपयांची लाच मागितली होती. त्यातील ५ हजार रुपये अगोदरच घेतले होते. उर्वरित लाचेच्या…
शुक्रवार, ०१ नोव्हेंबर महायुती सर्वाधिक १४८ जागा घेऊन देखील मित्र पक्षांचा सतरा जागांवर भारतीय जनता पक्षाने आपले उमेदवार उभे केले आहे. त्यामुळे भारतीय जनता पक्षाचे तब्बल १६५ उमेदवार मैदानात उतरले आहे. यात पहिल्या नगर जिल्ह्यात भाजपच्या वसंत देशमुख या नेत्याच्या बेताल वक्तव्यामुळे सर्वाधिक चर्चेचा ठरलेल्या संगमनेरसह नेवासे मतदारसंघाचा समावेश आहे. संगमनेरमध्ये महायुतीकडून भाजपचे अमोल खताळ आणि नेवासेमध्ये भारतीय जनता पक्षाचे जिल्हाध्यक्ष विठ्ठलराव लंघे शिवसेनेकडून निवडणुकीच्या मैदानात उतरले आहे. शिवसेनेला मिळालेल्या दोन्ही जागांवर भारतीय जनता पक्षाचे उमेदवार उभे आहेत. याशिवाय जिल्ह्यातील प्रत्येकी पाच-पाच जागांवर भाजप आणि अजित पवारांचे राष्ट्रवादी काँग्रेस लढत आहे. शिवसेनेच्या कोट्यातील दोन जागांवर शिवसेनेकडे मेरीट नसलेले, निवडून येण्याचे…
शुक्रवार, ०१ नोव्हेंबर संगमनेर – संगमनेरमध्ये काँग्रेस कार्यकर्त्यांवर दाखल झालेल्या खोट्या गुन्ह्याच्या अनुषंगाने नाशिक पदवीधर मतदार संघाचे आमदार सत्यजित तांबे यांनी शुक्रवारी एक मोठे विधान केलं आहे. यावर्षीची दिवाळी अतिशय साध्या पद्धतीने साजरी करणार असल्याचे त्यांनी म्हटले आहे. या संदर्भात ट्विट करत त्यांनी सविस्तर भूमिका मांडली केसेस कोणत्याही ‘मेडल’पेक्षा कमी नसल्याचे त्यांनी म्हटले आहे. ट्विटमध्ये आमदार तांबे नेमकं काय म्हणाले वाचा… संगमनेर येथे घडलेल्या घटनेनंतर खोट्या गुन्ह्यांमध्ये माझ्या ५० हून अधिक सहकाऱ्यांना विनाकारण गुंतवले, दिवाळीसारख्या महत्वाच्या सणात ते सहकारी मित्र घरी राहू शकत नाहीत यापेक्षा मोठे दुःख माझ्या मनात नाही व त्यामुळेच ही दिवाळी अतिशय साध्या पध्दतीने साजरी करण्याचे मी…
शुक्रवार, ०१ नोव्हेंबर निवडणूक आचारसंहिता काळात अहिल्यानगर जिल्ह्यातील अहिल्यानगर-पुणे मार्गावरील सुपे टोल नाक्यावर पथकाला कोट्यावधी रुपयांचे घबाड हाती लागले. प्राथमिक माहितीनुसार पथकाला आढळून आलेल्या सोने, चांदी, डायमंड, दागिन्यांची किंमत २३ कोटी ७१ लाख ९४ हजार रुपये आहे. गुरुवारी पुणे मार्गावरील सुपा टोल नाक्यावर निवडणूक आयोगाचे अधिकारी, तपासणी पथक व सुपा पोलिसांनी ही एकत्रित कारवाई केली. विधानसभा निवडणुकीच्या पार्श्वभूमीवर अहिल्या नगर जिल्ह्यातील आतापर्यंतची ही सर्वात मोठी कारवाई मानली जात आहे. कारवाई दरम्यान पकडण्यात आलेला ऐवज कोषागारात ठेवण्यात येणार आहे. मिळालेल्या माहितीनुसार गुरुवारी सकाळी साडेनऊ वाजता अहिल्यानगर-पुणे महामार्गावरून पुण्याहून अहिल्यानगर मार्गे छत्रपती संभाजीनगरकडे बीबीसी लॉजिस्टिक कुरिअर कंपनीची बोलेरो व्हॅन जात होती. ही…
दीपावली – लक्ष्मीपूजन आजच्या दिवसाचे राशिभविष्य मेष : आज कुटुंबातील सदस्याकडून चांगली बातमी ऐकायला मिळू शकते. आज तुम्हाला परदेशात राहणाऱ्या नातेवाईकाकडून काही माहिती मिळू शकते. जर तुम्ही एखाद्याला पैसे उधार देण्याचा विचार करत असाल तर ते अजिबात देऊ नका कारण ते परत मिळण्याची शक्यता खूपच कमी आहे. नोकरदारांच्या सूचनांचे कार्यालयात स्वागत होईल आणि अधिकारीही तुम्हाला सहकार्य करतील. तुमचे कोणतेही सरकारी काम प्रलंबित असेल तर ते आज पूर्ण होऊ शकते. मुलाची तब्येत बिघडू शकते, पण संध्याकाळपर्यंत त्यात सुधारणा होईल. वृषभ : सामाजिक आणि धार्मिक कार्यक्रमात उत्साहाने सहभागी व्हाल, ज्यामुळे तुम्हाला मानसिक शांती मिळेल. तुमचे कोणतेही महत्त्वाचे काम असेल तर त्यासाठी वेळ…
गुरुवार, ३१ ऑक्टोबर महात्मा गांधी राष्ट्रीय रोजगार हमी योजनेअंतर्गत मंजूर विहिरीच्या कामाच्या बिलाची फाईल मंजूर करून देण्यासाठी सहा हजार रुपयांची लाच मागणाऱ्या लाचखोर अधिकाऱ्याला एसीबीने सापळा रचून ताब्यात घेत अटक केली आहे. महेश गजानन देवगिरीकर (वय ३५ वर्ष) असे लाचखोर अधिकाऱ्याचे नाव आहे. छत्रपती संभाजी नगरच्या सिल्लोड पंचायत समितीमध्ये एसीबीने बुधवारी (३० ऑक्टोबर) लाचेची ही कारवाई केली. तक्रारदाराच्या आईच्या नावावर असलेल्या शेतीमध्ये महात्मा गांधी राष्ट्रीय ग्रामीण रोजगार हमी योजनेअंतर्गत मंजूर विहिरीचे काम करण्यात आले होते. या कुशल कामाच्या एक लाख पाच हजार रुपयांच्या बिलाची फाईल मंजूर करून देण्यासाठी आरोपी महेश देवगिरीकर याने सहा हजार रुपये लाचेची तक्रारदाराकडे मागणी केली होती.…
गुरुवार, ३१ ऑक्टोंबर संगमनेर – बांगलादेशची निर्मिती, बँकांचे राष्ट्रीयीकरण, संस्थांचे विलीनीकरण यासारखे अनेक महत्त्वपूर्ण निर्णय घेणाऱ्या इंदिरा गांधी यांचे व्यक्तिमत्व धाडसी व पराक्रमी होते .देशाच्या एकात्मता व अखंडतेसाठी त्यांनी बलिदान दिले असून आंतरराष्ट्रीय पातळीवर भारताचा मोठा दबदबा निर्माण करणाऱ्या स्वर्गीय इंदिराजी या देशाचे सर्वात कणखर नेतृत्व ठरले असल्याचे गौरवोद्गार काँग्रेस विधिमंडळ पक्षाचे नेते आमदार बाळासाहेब थोरात यांनी काढले आहे. सहकार महर्षी भाऊसाहेब थोरात सहकारी साखर कारखानाच्या शक्ति स्थळावर इंदिरा गांधी यांच्या चाळीसाव्या स्मृतिदिन व सरदार वल्लभभाई पटेल यांच्या जयंतीनिमित्त ते बोलत होते. यावेळी माजी आमदार डॉ. सुधीर तांबे, दुर्गाताई तांबे, बाबा ओहोळ, सुधाकर जोशी, आर. बी. राहणे, राजेंद्र गुंजाळ, निर्मलाताई…
गुरुवार, ३१ ऑक्टोबर पुणे – वंचित बहुजन आघाडीचे संस्थापक अध्यक्ष प्रकाश (बाळासाहेब) आंबेडकर यांच्या छातीत दुखू लागल्याने त्यांना गुरुवारी पहाटे पुण्याच्या रुग्णालयात उपचारासाठी दाखल करण्यात आले आहे. सध्या त्यांची प्रकृती स्थिर असून, त्याच्यावर अँजिओग्राफी करण्यात येणार आहे, अशी माहिती बाळासाहेब आंबेडकर यांचा मुलगा सुजात आंबेडकर यांनी दिली आहे. आंबेडकर यांना पहाटे साडेचार वाजता रुग्णालयात दाखल करण्यात आले असून त्यांच्यावर आयसीयूमध्ये उपचार सुरू असल्याची माहिती समजताच वंचित बहुजन आघाडीच्या कार्यकर्ते पदाधिकाऱ्यांनी सजवून रुग्णालयात गर्दी केली होती. पहाटे प्रकाश आंबेडकर यांना उपचारांसाठी रूग्णालयात दाखल केल्यानंतर त्यांची तपासणी कऱण्यात आली. दरम्यान, डॉक्टरांची एक टीम सध्या त्यांच्यावर उपचार करत आहे. तर प्रकाश आंबेडकर यांची…