Author: अनंत पांगारकर
मेष – आजचा दिवस तुमच्यासाठी अत्यंत ऊर्जेचा आणि उत्साहाचा असेल. नोकरी करणाऱ्या व्यक्तींना कामाच्या ठिकाणी नवीन जबाबदाऱ्या मिळतील, ज्या तुम्ही यशस्वीरीत्या पार पाडाल. व्यापारात धनलाभाचे योग असून जुन्या गुंतवणुकीतून चांगला परतावा मिळू शकतो. कौटुंबिक आघाडीवर वातावरण आनंदी राहील आणि जोडीदारासोबत सुरू असलेले मतभेद मिटतील. आरोग्याच्या दृष्टीने दिवस चांगला आहे, मात्र कामाच्या गडबडीत विश्रांती घेण्यास विसरू नका. वृषभ – आर्थिक नियोजनासाठी आजचा दिवस अनुकूल आहे. जर तुम्ही नवीन व्यवसाय सुरू करण्याचा विचार करत असाल, तर ज्येष्ठ व्यक्तींचा सल्ला घेणे फायायदे ठरेल. जमीन किंवा मालमत्तेशी संबंधित व्यवहार मार्गी लागण्याची शक्यता आहे. घरातील लहान मुलांच्या प्रगतीमुळे मन प्रसन्न राहील. प्रेमसंबंधांमध्ये अधिक गोडवा येईल.…
अकोले (प्रतिनिधी): माध्यमांच्या बदलत्या स्वरूपाबाबत आपण प्रचंड सकारात्मक व आशावादी असल्याचे प्रतिपादन ज्येष्ठ पत्रकार शीतल पवार यांनी अकोले येथे केले. सध्या माध्यम क्षेत्रात मोठी रचना आणि व्यवस्थापन बदलत आहे, ज्यामुळे काही आव्हाने निर्माण झाली आहेत. मात्र, या बदलांतून संधी शोधणारा माणूस हा पत्रकारच असून तो उत्तम पद्धतीने या बदलांशी जुळवून घेत असल्याचे त्यांनी नमूद केले. पत्रकार दिनानिमित्त अकोले नगर पंचायत व अकोले पत्रकार यांच्या वतीने शीतल पवार यांचा सत्कार करण्यात आला. याप्रसंगी पत्रकारांशी संवाद साधताना त्या म्हणाल्या की, सोशल मीडियावर मिळालेल्या स्वातंत्र्यामुळे व्यक्त होणाऱ्यांची संख्या वाढली आहे. वृत्तपत्रांमध्ये जागेची मर्यादा असल्याने आता या व्यक्त होणाऱ्या विचारांना डिजिटल मीडियावर जागा द्यावी…
महाराष्ट्र संवाद न्यूज: विशेष क्राईम बातमी अहिल्यानगर – राहाता शहरातून बेपत्ता झालेल्या सचिन कल्याणराव गिधे या तरुणाचा अत्यंत निर्घृणपणे खून करून पुरावा नष्ट करण्यासाठी मृतदेह जाळून टाकल्याची धक्कादायक घटना उघडकीस आली आहे. या प्रकरणी अहिल्यानगर स्थानिक गुन्हे शाखेने मोठी कारवाई करत १७ गंभीर गुन्हे दाखल असलेल्या दीपक अंबादास पोकळे या सराईत गुन्हेगाराला संगमनेरमधून त्याच्या साथीदारासह अटक केली आहे. या कारवाईमुळे परिसरात मोठी खळबळ उडाली असून गुन्हेगारी जगतात पोलिसांचा मोठा वचक निर्माण झाला आहे. या घटनेची सविस्तर माहिती अशी की, १० डिसेंबर २०२५ रोजी सचिन गिधे हे शिर्डी येथील हॉटेल साई सुनिता येथे गेले असताना आरोपी प्रवीण वाघमारे याने त्यांच्या पत्नीला…
संगमनेर – विश्वासाचा फायदा घेऊन जनावरे खरेदी केल्यानंतर त्याचे पैसे न देता एका व्यापाऱ्याची ३ लाख ४१ हजार रुपयांची फसवणूक केल्याचा प्रकार संगमनेरमध्ये उघड झाला आहे. याप्रकरणी संगमनेर शहर पोलीस ठाण्यात जुनेद अहमद कुरेशी, यासीन अहमद कुरेशी आणि अहमद अब्बास कुरेशी (सर्व रा. कळंब, ता. मुरबाड, जि. कल्याण) या तिघांविरुद्ध फसवणूक व धमकी दिल्याप्रकरणी गुन्हा दाखल करण्यात आला आहे. फिर्यादी जब्बार हसन शेख (वय ५०, रा. अलकानगर, संगमनेर) हे ग्रामीण भागातून शेळ्या-मेंढ्या खरेदी करून विक्री करण्याचा व्यवसाय करतात. त्यांच्या ओळखीचा व्यापारी जुनेद अहमद कुरेशी याने १ ऑगस्ट २०२४ रोजी शेख यांच्या शेडवर येऊन २ लाख रुपयांची जनावरे खरेदी केली. जुन्या…
संगमनेर (प्रतिनिधी): संगमनेर शहरात गेल्या काही दिवसांपासून चोऱ्यांचा सिलसिला थांबण्याचे नाव घेत नाहीये. नवीन पोलीस निरीक्षकांच्या नियुक्तीनंतर गुन्हेगारीवर वचक निर्माण होईल, अशी अपेक्षा असताना प्रत्यक्षात मात्र परिस्थिती उलट दिसत आहे. बस स्थानकावरील पाकीटमारी असो किंवा रस्त्यावरील चैन स्नॅचिंग, गुन्हेगारांनी आता थेट पोलिसांनाच आव्हान देण्यास सुरुवात केली आहे. शहरातील गणेश नगर भागात भरदिवसा एका महिलेच्या गळ्यातील साडेपाच तोळ्यांचे गंठण ओरबाडून नेल्याची खळबळजनक घटना नुकतीच घडली आहे. राजापूर (संगमनेर) येथील रहिवासी नंदा हासे या गणेशनगरमधील आपल्या मैत्रिणीला भेटण्यासाठी पायी जात होत्या. यावेळी पाठीमागून विना नंबरच्या काळ्या रंगाच्या पल्सर मोटारसायकलवरून दोन अज्ञात हेल्मेटधारी चोरटे आले. त्यांनी संधी साधून नंदा हासे यांच्या गळ्यातील ३…
संगमनेर, प्रतिनिधी – तुम्ही मला कधीही फोन किंवा मेसेज करा, मी स्वतः त्याला उत्तर देईन. माझ्या आणि तुमच्या संवादामध्ये कोणताही पीए (खाजगी सचिव) येणार नाही, अशा शब्दांत महाराष्ट्र विधान परिषदेचे सभापती प्रा. राम शिंदे यांनी संगमनेरमधील भाजप कार्यकर्त्यांना आश्वस्त केले. हल्ली कार्यकर्ते सभापतींचा फोनही उचलत नाहीत, असा मिश्किल टोला लगावत त्यांनी जुन्या आणि निष्ठावान कार्यकर्त्यांना मोठा आधार दिला. सोमवारी पुण्याहून कोपरगावला एका सोहळ्यासाठी जात असताना प्रा. शिंदे यांनी संगमनेर येथील शासकीय विश्रामगृहात थांबून भाजप पदाधिकारी व कार्यकर्त्यांशी संवाद साधला. यावेळी त्यांनी कार्यकर्त्यांच्या मनातील शंका दूर करत त्यांना सक्रिय होण्याचे आवाहन केले. सभापती असलो तरी आधी कार्यकर्ताच- निवडणुकीतील पराभवानंतरही पक्षाने कामाची…
पुणे- पुणे लोकसभा मतदारसंघाचे माजी खासदार आणि ज्येष्ठ काँग्रेस नेते सुरेश कलमाडी यांचे आज पहाटे दीर्घ आजाराने निधन झाले. वयाच्या ८१ व्या वर्षी त्यांनी पुण्यातील आपल्या निवासस्थानी अखेरचा श्वास घेतला. गेल्या काही काळापासून त्यांची प्रकृती खालावली होती, त्यांच्यावर पुण्यातील खासगी रुग्णालयात उपचार सुरू होते. त्यांच्या निधनाने पुण्याच्या राजकीय, सामाजिक आणि क्रीडा क्षेत्रातील एक मोठे नेतृत्व हरपल्याची भावना व्यक्त होत आहे. सुरेश कलमाडी यांनी पुण्याच्या विकासात अत्यंत महत्त्वाची भूमिका बजावली होती. केंद्रीय रेल्वे राज्यमंत्री म्हणून काम करताना त्यांनी पुण्याच्या रेल्वे कनेक्टिव्हिटीसाठी मोठे निर्णय घेतले. पुण्याचा कायापालट करणाऱ्या अनेक उड्डाणपुलांच्या कामात आणि पायाभूत सुविधांच्या निर्मितीत त्यांचे मोठे योगदान राहिले आहे. राजकारणासोबतच क्रीडा…
मेष: आजचा दिवस तुमच्यासाठी खूप उत्साही असेल. रखडलेली कामे पूर्ण करण्यासाठी तुम्ही विशेष प्रयत्न कराल. व्यवसायात प्रगतीचे योग असून आर्थिक लाभ होण्याची शक्यता आहे. जोडीदारासोबतचे संबंध मधुर राहतील, मात्र घरातील ज्येष्ठांच्या प्रकृतीची काळजी घेणे आवश्यक आहे. वृषभ: आज तुम्हाला कामाच्या ठिकाणी नवीन जबाबदाऱ्या मिळू शकतात. मानसिक शांततेसाठी तुम्ही अध्यात्माकडे वळाल. कौटुंबिक जीवनात आनंदाचे वातावरण राहील. जुन्या मित्रांची भेट झाल्याने मन प्रसन्न होईल. खर्चावर थोडे नियंत्रण ठेवणे हिताचे ठरेल. मिथुन: आजचा दिवस संमिश्र फलदायी आहे. आरोग्याच्या तक्रारींकडे दुर्लक्ष करू नका. खाण्यापिण्याच्या सवयींवर ताबा ठेवा. नोकरीत वरिष्ठांशी वाद घालणे टाळावे. अचानक धनलाभाचे योग आहेत, पण गुंतवणूक करताना तज्ज्ञांचा सल्ला नक्की घ्या. कर्क:…
संगमनेर, प्रतिनिधी- पुण्याहून कोपरगावकडे जात असताना विधान परिषदेचे सभापती प्राध्यापक राम शिंदे यांनी सोमवारी संगमनेर येथे माजी आमदार डॉ. सुधीर तांबे यांच्या निवासस्थानी अचानक भेट दिल्याने राजकीय क्षेत्रात मोठ्या चर्चा सुरू झाल्या आहेत. विशेषतः आमदार सत्यजीत तांबे यांच्या राजकीय प्रवासाच्या पार्श्वभूमीवर, भाजपच्या एका बड्या नेत्याने तांबे यांच्या निवासस्थानी जाऊन केलेली ही अनौपचारिक चर्चा महत्त्वपूर्ण मानली जात आहे. सोमवारी दुपारी एक वाजेच्या सुमारास प्रा. राम शिंदे संगमनेर येथे पोहोचले. त्यांनी सुरुवातीला शासकीय विश्रामगृहावर विश्रांती घेऊन भाजपच्या काही निवडक पदाधिकाऱ्यांशी संवाद साधला. त्यानंतर महायुतीचे (शिवसेना) आमदार अमोल खताळ यांच्या जनसंपर्क कार्यालयाला भेट देऊन त्यांनी थेट इंदिरानगर येथील डॉ. सुधीर तांबे यांचे निवासस्थान…
अकोले- पुणे-नाशिक हायस्पीड रेल्वेचा मार्ग बदलून तो पुणतांबामार्गे नेण्याच्या निर्णयाचा मार्क्सवादी कम्युनिस्ट पक्षाने तीव्र निषेध केला असून, मूळ आराखड्यानुसार देवठाण-बोटा स्टेशनसह रेल्वे सुरू करण्यासाठी ६७ गावांत स्वाक्षरी मोहीम सुरू केली आहे. अकोले येथील कार्यशाळेत कार्यकर्त्यांना मार्गदर्शन करताना पक्षाने स्पष्ट केले की, रेल्वे मार्ग बदलल्यामुळे या परिसरातील शेतकरी, विद्यार्थी आणि कामगार वर्गाचे मोठे नुकसान होणार आहे. रेल्वे झाल्यास युवकांना पुण्या-नाशिकसारख्या महागड्या शहरात राहण्याऐवजी गावातूनच नोकरी-व्यवसाय करणे सुलभ होणार असून उद्योगांनाही मोठी चालना मिळणार आहे. या जनआंदोलनाला बळ देण्यासाठी किसान सभा, कामगार संघटना आणि विद्यार्थी-युवक संघटनांनी गावोगाव संपर्क सुरू केला आहे. दरम्यान, ९ जानेवारी रोजी देवठाण येथे होणारा इशारा मेळावा आणि बोटा…