Author: Annant Ppangarkar
महाराष्ट्र संवाद न्यूज नेटवर्क संगमनेर : नगरपालिकेच्या ड्रेनेजचे काम करताना म्हाळुंगी नदीवरील स्वामी समर्थ मंदिरालगतच्या पुलास तडे गेल्याने पुल खचला. त्यामुळे पुलावरील रहदारी बंद करण्यात आली असल्याने परिसरातील नागरिकांची मोठी अडचण झाली आहे. त्यामुळे खासदार साहेबांनी या पुलाच्या बांधकामासाठी निधी उपलब्ध करून देण्याची मागणी शिवसेनेच्या माजी नगरसेविका अल्पना तांबे यांनी केली आहे. या प्रभागातील माजी नगरसेविका तांबे यांनी शिर्डी मतदार संघाचे शिंदे गटाचे खासदार सदाशिव लोखंडे यांची भेट घेत ही मागणी केली आहे. म्हाळुंगी नदीवरील पूल खचल्याने गेल्या काही महिन्यापासून वाहतुकीसाठी तसेच नागरिकांना पायी येण्या-जाण्यासाठी बंद करण्यात आला आहे. यामुळे साईनगर, घोडेकर मळा, पंपिंग स्टेशन या परिसरातील नागरिकांसह दिगंबर गणेश…
महाराष्ट्र संवाद न्यूज नेटवर्क नाशिक / संगमनेर : नाशिक पदवीधर मतदारसंघासाठी होणाऱ्या निवडणुकीमध्ये सत्यजीत तांबे हे अपक्ष उमेदवार म्हणून रिंगणात उतरले आहेत. नाशिक पदवीधर मतदारसंघातून त्यांना विविध शिक्षक संघटनांकडून मिळणारा पाठिंबा वाढत चालला आहे. राज्यातील ‘प्राथमिक व उच्च प्राथमिक मुख्याध्यापक सेवा मंडळ’ यांनीदेखील तांबे यांना आपला पाठिंबा जाहीर केला असून, त्याबाबतचे पत्रही त्यांनी दिले आहे. बुधवारी शिक्षक भारती आणि त्यापूर्वीच महाराष्ट्र धर्मनिरपेक्ष शिक्षक संघटना (MUST) आणि महाराष्ट्र राज्य खासगी शिक्षक संघटना यांनी तांबे यांना पाठींबा जाहीर केल्याने अपक्ष उमेदवार सत्यजीत तांबे यांनी नाशिक पदवीधरचा गड काबीज करायला सुरुवात केल्याचे बोलले जात आहे. नाशिक पदवीधर मतदारसंघाचे विद्यमान आमदार डॉ. सुधीर तांबे…
महाराष्ट्र संवाद न्यूज नेटवर्क संगमनेर : नात्याला काळीमा फासत आपल्याच नात्यात असलेल्या सोळा वर्ष वयाच्या अल्पवयीन मुलीवर अत्याचार केल्याप्रकरणी जिल्हा व सत्र न्यायालयाने आरोपीला दहा वर्ष सश्रम कारावास आणि तीस हजार रुपये दंड, दंड न भरल्यास एक वर्ष कारावासाची शिक्षा ठोठावली आहे. छबन मच्छिंद्र खेमनर असे शिक्षा झालेल्या आरोपीचे नाव असून त्याच्या विरोधात संगमनेर येथील जिल्हा व सत्र न्यायालयात न्यायाधीश वाय. पी. मनाठकर यांच्या समोर खटला सुरू होता. न्यायाधीश मनाठकर यांनी मंगळवारी या खटल्याचा निवाडा केला. छबन खेमनर याने आपल्याच नात्यातील सोळा वर्ष वय असलेल्या मुलीच्या घरी जात कोथिंबीर आणण्यासाठी आजच्या दिवस आमच्या शेतात चल. असे पीडित मुलीला आणि तिच्या…
महाराष्ट्र संवाद न्यूज नेटवर्क महाविकास आघाडीने एका पत्रकार परिषदेद्वारे आपले विधान परिषदेचे उमेदवार जाहीर केले आहे. बहुचर्चित ठरलेल्या नाशिक पदवीधर मतदारसंघांमध्ये अपक्ष उमेदवार सत्यजित तांबे यांना काँग्रेसमधून निलंबित करण्यात आले असून शुभांगी पाटील या मविआच्या उमेदवार असल्याचे जाहीर करण्यात आले आहे. नाशिकमध्ये महाविकास आघाडीची उमेदवारी विद्यमान आमदार डॉ. सुधीर तांबे यांना देण्यात आली होती मात्र तांबे यांनी आपला उमेदवारी अर्ज दाखल न करता मुलगा आणि युवक काँग्रेसचे माजी प्रदेशाध्यक्ष सत्यजित तांबे यांचा अपक्ष उमेदवारी अर्ज दाखल केल्यानंतर या मतदारसंघात मोठे राजकीय रणकंदन माजले. आमदार तांबे यांचे निलंबन केल्यानंतर शिवसेनेने या मतदारसंघात भारतीय जनता पक्षाकडून इच्छुक असलेल्या अपक्ष उमेदवार ॲड. शुभांगी…
महाराष्ट्र संवाद न्यूज नेटवर्क शिर्डी : मुंबई उच्च न्यायालय व महाराष्ट्र राज्य लोकसेवा आयोग यांनी घेतलेल्या न्यायिक सेवा परिक्षेच्या निकालात ॲड. कु. तेजस्विनी सयाजीराव कोऱ्हाळे यांची दिवाणी न्यायाधीश कनिष्ठस्तर तथा प्रथमवर्ग न्यायदंडाधिकारी म्हणून निवड झाली आहे. कोपरगाव न्यायालयाचे जिल्हा न्यायाधीश सयाजीराव कोऱ्हाळे यांच्या त्या कन्या आहेत. दिवाणी न्यायाधीश कनिष्ठ स्तर तथा न्यायदंडाधिकारी प्रथमवर्ग पदाच्या परिक्षेतील ६३ उमेदवारांची निवड यादी महाराष्ट्र लोकसेवा आयोगामार्फत प्रसिद्ध करण्यात आली आहे. यात कु. तेजस्विनी कोऱ्हाळे यांचा समावेश आहे. त्यांचे शालेय प्राथमिक शिक्षण न्यायडोंगरी, श्रीरामपूर, जळगाव येथे झाले असून इचलकरंजी येथील इचलकरंजी हायस्कूल (राजवाडा) येथील मराठी शाळेत माध्यमिक शिक्षण पूर्ण झाले आहे. तर औरंगाबाद येथील सरस्वती…
महाराष्ट्र संवाद न्यूज नेटवर्क मुंबई : पंतप्रधान नरेंद्र मोदी आज महाराष्ट्र दौऱ्यावर आहेत. ते महाराष्ट्रात ३८,८०० कोटींपेक्षा जास्त विकासकामाकांचं उद्घाटन आणि लोकार्पण करणार आहेत. यावेळी पंतप्रधान नरेंद्र मोदी मुंबईत रोड शोसुद्धा करणार आहेत. राज्यात शिंदे-फडणवीस यांचे सरकार स्थापन झाल्यानंतर मोदींचा हा पहिलाच मुंबई दौरा आहे. त्यामुळे पंतप्रधानांच्या आजच्या मुंबई दौऱ्यासाठी मोठी तयारी करण्यात आली आहे. पंतप्रधान नरेंद्र मोदी सायंकाळी पाच वाजण्याच्या सुमारास मुंबईत येतील. तर, सायंकाळी साडेसहा वाजण्याच्या सुमारास मुंबई मेट्रो मार्ग २ ए आणि ७ चं उद्घाटन करतील. तसंच, पंतप्रधान नरेंद्र मोदी बीकेसी येथील एमएमआरडीए मैदानात एका रॅलीचेही आयोजन करण्यात आले आहे. या रोड शोमध्ये जवळपास एक लाख लोक…
महाराष्ट्र संवाद न्यूज नेटवर्क संगमनेर : साकुर-शिबलापुर रस्त्यावर मृत अवस्थेत आढळलेल्या बिबट्याचा बछड्याचा मृत्यू वाहनाच्या धडकेने झाला नसून तरसाच्या हल्ल्यात झाल्याचे समोर आले आहे. बुधवारी सकाळी साकुर शिबलापुर रस्त्यावर जिजाबा नागरे यांच्या शेतजमिनीलगत बिबट्याचे एक पिल्लू झोपलेल्या आवश्यक दिसले. त्यामुळे नागरिकांनी थोडे जवळ जात त्याचे निरीक्षण केले असता त्याच्या तोंडातून रक्तस्राव झाला असल्याचे आणि तो मृत असल्याची शंका आल्याने याची माहिती तातडीने वनविभागाच्या अधिकाऱ्यांना देण्यात आली. घटनास्थळी आलेल्या वनविभागाच्या अधिकाऱ्यांनी बिबट्याचे बछडे चार महिने वयाचे असल्याचा आणि त्याचा मृत्यू झाल्याचा निष्कर्ष काढला. मृत बछड्याला ताब्यात घेत त्याची वन विभागाच्या अधिकाऱ्यांनी उत्तरे तपासणी केली असता या बछड्याचा मृत्यू हा वाहनाच्या धडकेने…
महाराष्ट्र संवाद न्यूज नेटवर्क नाशिक : नाशिक पदवीधर मतदारसंघातील अपक्ष उमेदवार सत्यजित तांबे यांनी प्रचारात वेग घेतला असतानाच एकापाठोपाठ एक शिक्षक संघटना त्यांना पाठिंबा देत आहेत. शिक्षक भारती संघटनेचे आमदार कपिल पाटील यांनी तांबे यांना पाठिंबा जाहीर केला आहे. काँग्रेस नेते आमदार सुधीर तांबे, सत्यजीत तांबे आणि कपिल पाटील यांच्यात महत्वाची बैठक झाली. या बैठकीनंतर कपिल पाटील यांनी सत्यजीत तांबेंना पाठिंबा दिला. यापूर्वी तांबे यांना महाराष्ट्र धर्मनिरपेक्ष शिक्षक संघटना (मस्ट) आणि महाराष्ट्र राज्य खासगी शिक्षक संघटनांनी आपला पाठिंबा जाहीर केला आहे. नाशिक विभागातील कार्यकर्ता संवाद मेळाव्यातून सुधीर तांबे यांनी संबोधित केलं. त्यावेळी ते म्हणाले की, मी नाशिक पदवीधर मतदारसंघातून तीन…
महाराष्ट्र संवाद न्यूज नेटवर्क संगमनेर : भरधाव स्विफ्ट कार चालकाने नाशिक पुणे बाह्यवळण रस्त्यावर दोघा परप्रांतीय मजुरांना उडविल्याची घटना संगमनेरमध्ये मंगळवारी संध्याकाळी घडली. अपघातामध्ये दोघाही मजुरांचा मृत्यू झाला. संगमनेर शहराबाहेरून जाणाऱ्या नाशिक पुणे महामार्गावर दुरुस्तीचे काम सुरू आहे. रस्त्यावर बॅरिकेट लावून काही मजूर हे काम करत आहेत. मंगळवारी संध्याकाळी पाच वाजण्याच्या सुमारास मालपाणी इस्टेट जवळ या मार्गावरून भरधाव वेगाने जाणाऱ्या स्विफ्ट कार चालकाने डिव्हायडरला लावलेले बॅरिकेट तोडून रस्त्यावर काम करणाऱ्या गिरीजा मुनसी तुरिया, वय 52 वर्ष आणि सुरेश चेतू खैरवार वय 55 वर्ष (दोघे रा. गहलोर बडकी, मरकाना बिहार) यांना गंभीर जखमी केले. अपघातात दोघेही मजुरांचा मृत्यू झाला आहे. यासंदर्भात…
महाराष्ट्र संवाद न्यूज नेटवर्क अहमदनगर / संगमनेर : नगर जिल्ह्यातील चार शिक्षकांसह दोघा केंद्र प्रमुखांवर निलंबनाची कारवाई करण्यात आली आहे. यात संगमनेर तालुक्यातील दोन शिक्षकांचा समावेश असून त्यांनी आपल्या जागेवर परस्पर डमी बेरोजगार शिक्षकांच्या नियुक्ती केल्याचे, तसेच कामात हलगर्जीपणा केल्याचे स्पष्ट झाले आहे. त्यामुळे मुख्य कार्यकारी अधिकारी आशिष येरेकर यांनी या सर्वांवर निलंबनाची कारवाई केली. सीईओ येरेकर यांनी यासंबंधीचे आदेश मंगळवारी काढले आहेत. या शिक्षकांच्या धक्कादायक करामती यामुळे समोर आल्या आहेत. यांच्यावर झाली कारवाई उपाध्यापक रमेश शिवाजी आहेर (कारेवाडी, संगमनेर), प्रभाकर सखाराम रोकडे (जवळे बाळेश्वर संगमनेर), उपाध्यापक मदन रंगनाथ दिवे (राहुरी), पारनेरचे केंद्रप्रमुख अविनाश गुलाबराव गांगर्डे, उपाध्यापक बाजीराव शंकर पानमंद…
महाराष्ट्र संवाद न्यूज नेटवर्क मुंबई – नासिक पदवीधर मतदार संघामध्ये घडलेल्या राजकीय घडामोडीनंतर काँग्रेसमध्ये वातावरण फारसे समाधानकारक नसल्याचे समोर आले आहे. राज्यात गेल्या काही वर्षांपासून काँग्रेसची वाताहत झाली आहे. नासिक पदवीधरचे आमदार सुधीर तांबे यांनी उमेदवारी मिळून देखील अर्ज न भरणे आणि त्यांचे चिरंजीव सत्यजित तांबे यांनी बंडखोरी करणे, उमेदवारीवरून काँग्रेस अंतर्गत असलेल्या दोन गटातील मतप्रवाहांचे जाहीरपणे प्रदर्शन होणे, काँग्रेसचे ज्येष्ठ नेते माजी महसूल मंत्री बाळासाहेब थोरात यांनी मौन बाळगणे यासह कारणा निमित्ताने काँग्रेसमधील वादही चव्हाट्यावर आला. या पार्श्वभूमीवर बंडखोर उमेदवार सत्यजित तांबे यांचे कुटुंबीय व काँग्रेसमधील अनेक नेते भाजपाच्या वाटेवर असल्याच्या चर्चा सुरू आहे. काँग्रेस प्रदेशाध्यक्ष नाना पटोले यांच्यामुळे…
महाराष्ट्र संवाद न्यूज नेटवर्क अहमदनगर : जिल्ह्यात सार्वजनिक शांतता आणि सुरक्षितता राखण्यासाठी जिल्ह्याच्या महसूल स्थळ सीमेमध्ये महाराष्ट्र पोलीस अधिनियम कलम ३७(१) अन्वय प्रतिबंधात्मक आदेश जारी करण्यात आले आहे. २९ जानेवारीच्या मध्यरात्री बारा वाजेपर्यंत हे आदेश लागू असतील. अहमदनगरचे जिल्हाधिकारी डॉ. राजेन्द्र भोसले यांनी यासंबंधीचे आदेश काढले आहेत. या आदेशा अन्वये २९ जानेवारीच्या मध्यरात्रीपर्यंत कोणत्याही व्यक्तीस शस्त्रे, मोटे, तलवारी, भाले, दंडुके, बंदुका, सुरे, काठ्या किंवा लाठ्या किंवा शारीरिक इजा करण्यासाठी वापरता येईल अशी कोणतीही वस्तू जवळ बाळगता येणार नाही. कोणताही दाहक पदार्थ किंवा स्फोटक पदार्थ जवळ बाळगता येणार नाही. दगड किंवा इतर क्षेपणास्त्रे, किंवा क्षेपणास्त्रे सोडावयाची किंवा फेकावयाची उपकरणे किंवा साधने…
महाराष्ट्र संवाद न्यूज नेटवर्क नाशिक / अहमदनगर : ३० जानेवारीला होणाऱ्या नाशिक पदवीधर मतदार संघाच्या निवडणुकीसाठी अंतिम मतदार यादी जाहीर करण्यात आली आहे. नाशिक विभागात एकून २ लाख ६२ हजार ७३१ मतदार आहेत, अशी माहिती सहाय्यक निवडणूक निर्णय अधिकारी नाशिक विभाग पदवीधर मतदार संघ तथा उपायुक्त (सा.प्र.) रमेश काळे यांनी दिली. पदवीधर निवडणुकीत महाविकास आघाडी आणि भारतीय जनता पार्टी या दोन्ही प्रमुख पक्षाचे उमेदवार निवडणूक रिंगणात नसले तरी देखील अपक्ष म्हणून दोन्ही पक्षाकडून इच्छुक असलेले उमेदवार निवडणूक रिंगणात आहेत. त्यांना कोणाचा पाठिंबा मिळतो हे अद्याप स्पष्ट झाले नसले तरी देखील अपक्ष म्हणून रिंगणात उतरलेल्या उमेदवारांनी आपला प्रचार सुरू केला आहे.…
महाराष्ट्र संवाद न्यूज नेटवर्क संगमनेर : नाशिक पदवीधर मतदारसंघातील अपक्ष उमेदवार सत्यजित तांबे यांच्या पक्षीय उमेदवारीची सस्पेन्स मुव्ही अद्यापही सुरू असली तरी त्यांना महाराष्ट्र धर्मनिरपेक्ष शिक्षक संघटना (MUST) आणि महाराष्ट्र राज्य खासगी शिक्षक संघटनेने आपला पाठिंबा दर्शविला आहे. नाशिक पदवीधर मतदारसंघासाठी होणाऱ्या निवडणुकीमध्ये सत्यजीत तांबे हे अपक्ष म्हणून निवडणुकीच्या रिंगणात उतरले आहेत. त्यांना महाराष्ट्र धर्मनिरपेक्ष शिक्षक संघटना (MUST) आणि महाराष्ट्र राज्य खासगी शिक्षक संघटनेने पाठिंबा दिला असून त्याबाबतचे पत्रही त्यांनी दिले आहे. नाशिक, अहमदनगर, धुळे, नंदुरबार, जळगावमधील सगळ्या पदवीधर मतदारांनी सत्यजीत तांबे यांना निवडणुकीत पहिली पसंती दर्शविण्याचे आवाहन शिक्षकांच्या मस्ट या संघटनेने केले. महाराष्ट्र राज्य खासगी शिक्षक संघटनेने सत्यजीत तांबे…
महाराष्ट्र संवाद न्यूज नेटवर्क संगमनेर : शहरानजीकच्या वडगाव पान येथील एका लॉजवरील वेश्या व्यवसायावर श्रीरामपूरच्या पोलीस उपाधीक्षकांनी सोमवारी रात्री नऊ वाजण्याच्या सुमारास छापा टाकला. कारवाई पोलिसांना येथे वेश्या व्यवसाय सुरू असल्याचे आढळून आले. या प्रकारामुळे संगमनेरमध्ये सर्रासपणे लॉजवर वेश्या व्यवसाय सुरू असल्याचे समोर आले आहे. याप्रकरणी तिघांवर अनैतिक व्यापारास प्रतिबंधक कायदा 1956 चे कलम 3, 4, 5, 7, 8 प्रमाणे गुन्हा दाखल करण्यात आला आहे. आरोपीमध्ये एका महिलेचा देखील समावेश आहे. शहरालगतच्या वडगाव पान शिवारामध्ये वडगाव पान फाटा ते कोपरगाव रोडलगत असलेल्या हॉटेल विशाल गार्डनच्या मागे साईमाया लॉजमधील खोलीत हा व्यवसाय सुरू असल्याची माहिती श्रीरामपूरचे पोलीस उपाधीक्षक संदीप मिटके यांना…
महाराष्ट्र संवाद न्यूज नेटवर्क संगमनेर : नोकरीमध्ये कायम करण्याची ऑर्डर मिळवून देण्यासाठी घटस्फोटीत महिला शिक्षिकेकडून ५ लाख ८० हजार रुपये घेऊन ऑर्डर न देणाऱ्या महिलेविरोधात शहर पोलीस ठाण्यात फसवणुकीचा गुन्हा दाखल करण्यात आला आहे. अमिना सलीम शेख रा. कुरण ह. मु. मालदाड रोड, संगमनेर असे फसवणूक करणाऱ्या महिलेचे नाव आहे. फसवणूक झालेल्या शिक्षिकेने दिलेल्या तक्रारीवरून अमिना शेख हिच्या विरोधात संगमनेर शहर पोलीस ठाण्यात फसवणुकीचा गुन्हा दाखल करण्यात आला आहे. यासंदर्भात अधिक माहिती अशी, शहरातील जोर्वे रोडवरील उस्मतनगरमध्ये राहणाऱ्या महिला शिक्षिका शहरातील एका शाळेमध्ये गेल्या दहा वर्षांपासून उपशिक्षिका म्हणून नोकरीस आहे. पतीसोबत घटस्फोट झाल्याने संबंधित शिक्षिका आपल्या दोन मुलांसह वडिलांकडे राहावयास…
महाराष्ट्र संवाद न्यूज # वाढदिवस विशेष संगमनेर तालुक्यातील जोर्वे माझे माहेर. गावातील थोरात कुटुंबाला मोठी प्रतिष्ठा. गावची पाटीलकी. आजोबा संतुजी पाटील पुरोगामी विचारांचे इंग्रजी मेट्रीक झालेले. जातपात न पाळणारे. वाचनाची आवड. वडील भाऊसाहेब थोरात व आई मथुराबाई यांची मी सर्वात धाकटी मुलगी. नाजूक उंचीने जरा कमी, घरात सामाजिक वातावरण, पाहुणे, कार्यकर्त्यांची मोठी गर्दी, माझी आई सर्वांची विचारपूस करायची. चहा, जेवण, मुक्कामी कार्यकर्त्यांच्या अंथरूण, पांघरुणाची सोय लावली की नाही. हे ती स्वत: पाहायची. त्यांच्या कृतीतून आम्ही भांवड घडत गेलो. शिक्षण पूर्ण झाले आणि माझ्यासाठी स्थळ सूचविली जावू लागली. माझे आतेभाऊ अनिल अण्णासाहेब शिंदे यांनी डॉ. सुधीर तांबे यांना सेट लूक हॉस्पीटलला…
निरोगी समाजानिर्मीतीसाठी जयहिंद लोकचळवळीच्या माध्यमातून युवा संघटन,युवा उपक्रम, आरोग्य शिबीरे, बचत गट चळवळ, क्रिडा स्पर्धा, सांस्कृतीक स्पर्धा, नोकरी विषयक मेळावे, व्यक्तीमत्व विकास शिबिरे, वाचन मंडळ, अभ्यास मंडळ असे विविध उपक्रम राबवून समाजातील अज्ञान, अंधश्रध्दा, अस्वच्छता या विषयांवर जागृती करुन करुन निकोप व निरोगी समाज निर्मीतीसाठी कार्यरत असणारे नाशिक पदवीधर मतदार संघाचे मनमिळावू स्वभावाचे आ. डॉ. सुधीर तांबे हे समाजकारणातील अभ्यासू व सृजनशील व्यक्तीमत्व म्हणून संपुर्ण महाराष्ट्राला परिचीत आहे. प्रत्येकासाठी आरोग्य हि जगातील सर्वात मोठी संपत्ती असून वैद्यकिय सेवाही जनसेवा म्हणून काम करतांना जनतेच्या आग्रहाखातर नगराध्यक्ष ते विधान परिषद सदस्य या काळात साहित्य संस्कृती वाचन यांची आवडही त्यांनी जपली. 2009 मध्ये…
महाराष्ट्र संवाद न्यूज नेटवर्क संगमनेर : ह्यूमन राईटचा पदाधिकारी व पुरोगामी पत्रकार संघाचा सदस्य असल्याचे सांगत महिलेकडे सहा लाख रुपयांची खंडणी मागणाऱ्या शौकत पठाण याच्या विरोधात शहर पोलीस ठाण्यात खंडणीचा गुन्हा दाखल करण्यात आला आहे. या संबंधात शहरातील एकता चौकात राहणाऱ्या संबंधित महिलेने दिलेल्या तक्रारीनुसार आरोपी पठाण याने १८ डिसेंबरच्या रात्री महिलेला फोन करून तुमच्याबद्दल माझ्याकडे लेखी तक्रार आली आहे, तुम्ही लोकांना त्रास देतात. त्याबाबत माझ्याकडे ऑडिओ व्हिडिओ रेकॉर्डिंग आणि तुमचे अश्लील फोटो माझ्याकडे आले आहेत. मला अर्जंट भेटा असे सांगत फोन कट केला. या संदर्भात संबंधित महिलेने अधिक माहिती घेतली असता, शौकत पठाण व त्याला मदत करणारी मोसिन मणियार,…
महाराष्ट्र संवाद न्यूज नेटवर्क संगमनेर: ग्रामीण भागातील विद्यार्थी आजच्या प्रगत विज्ञानवादी स्पर्धेत टिकला पाहिजे, यासाठी त्याच्यातील व्यवहार ज्ञानाचा विकास होणे आवश्यक आहे, हे ओळखून तालुक्यातील देवगड विद्यालयात “बाल आनंद मेळावा” आयोजित करण्यात आला होता. विद्यार्थ्यांचा सर्वांगीण विकास डोळ्यांसमोर ठेवून अनेक नाविन्यपूर्ण उपक्रम राबविण्यात हे विद्यालय नेहमीच अग्रेसर असते. मेळाव्यात विद्यालयातील विद्यार्थ्यांनी 43 खाऊची, 38 भाजीपाल्याची छोटी-छोटी दुकानं लावली होती. तसेच घोडसवारीदेखील या बाल आनंद मेळाव्यात करण्यात आली होती. कार्यक्रमाची सुरवात सरस्वती पूजन व पाहुण्यांचे स्वागत करण्यात आले. संस्थेचे रजिस्ट्रार एम. एम.फटांगरे यांनी आजची बदलेली शिक्षण प्रणाली व आपली जबाबदारी या संदर्भात मार्गदर्शन करताना शाळा ही आदर्श नागरिक घडवणारी प्रयोगशाळा असल्याचे…