Author: Annant Ppangarkar

संगमनेर – संगमनेर शहर पोलिसांनी अंमली पदार्थविरोधात आतापर्यंतची आणखी एक मोठी आणि निर्णायक मोहीम यशस्वी केली आहे. मध्यरात्रीच्या सुमारास मिळालेल्या गुप्त माहितीच्या आधारे पोलिसांनी तब्बल 3,09,000 रुपये किमतीचे ‘मेफेड्रोन’ (Mephredone – M.D.) हे उच्चभ्रू ड्रग्ज जप्त केले आहे. या कारवाईत नाशिक येथील एका तरुणाला अटक करण्यात आली असून, तस्करीसाठी वापरलेली 40 लाख रुपये किमतीची टोयोटा फॉर्च्युनर (क्र. MH 15 FF 9630) ही आलिशान गाडीही जप्त करण्यात आली आहे. जप्त केलेल्या ड्रग्ज आणि वाहनाची एकूण किंमत सुमारे 43 लाख रुपये इतकी आहे. संगमनेरचे पोलीस उपाधीक्षक डॉ. कुणाल सोनवणे यांच्या नेतृत्वाखालील तपास पथकात असलेले पोलिस कॉन्स्टेबल राहुल कैलास सारबंदे यांच्या फिर्यादीनुसार, ही…

अहिल्यानगर: मातोश्री ग्राम समृद्धी पानंद रस्ते योजनेच्या कामाचे देयक मंजूर करण्यासाठी पारनेर पंचायत समितीचे उपअभियंता आणि दोन कर्मचारी लाचलुचपत प्रतिबंधक विभागाच्या (ACB) जाळ्यात अडकले आहेत. यापैकी पॅनल तांत्रिक अधिकारी विलास नवनाथ चौधरी आणि तांत्रिक सहायक दिनकर दत्तात्रय मगर या दोघांना अटक करण्यात आली आहे, तर उपअभियंता अजय विठ्ठल जगदाळे हे पसार झाले आहेत. लाचलुचपत प्रतिबंधक विभागाने दिलेल्या माहितीनुसार, तक्रारदाराच्या नातेवाईकांच्या फर्मला पारनेर येथील ‘मातोश्री ग्राम समृद्धी पानंद रस्ते योजने’ अंतर्गत कारेगाव ते वाघोबा रस्ता खडीकरण व मजबुतीकरणाचे काम मिळाले होते. या कामाचे मोजमाप करणे, देयके तयार करणे आणि मंजुरीसाठी पाठवणे ही जबाबदारी उपअभियंता अजय जगदाळे, पॅनल तांत्रिक अधिकारी विलास चौधरी…

मेष –  आज तुमचा आत्मविश्वास उच्च असेल. कार्यस्थळी तुमच्या कल्पनांना आणि योजनांना यश मिळेल, ज्यामुळे तुमच्या कामाची प्रशंसा होईल. आर्थिक बाबतीत दिवस शुभ आहे आणि उत्पन्नाचे नवीन स्रोत मिळू शकतात. तब्येत चांगली राहील, उत्साह कायम असेल. वृषभ –  हा दिवस तुमच्यासाठी सकारात्मक आणि लाभदायक आहे. तुमच्या बुद्धीचा आणि अनुभवाचा योग्य वापर केल्यास मोठे यश मिळेल. कुटुंबाचे उत्तम सहकार्य मिळेल. धनलाभ होण्याची शक्यता आहे. नोकरीत पदोन्नती किंवा वेतनवाढीचे संकेत आहेत. मिथुन – आज तुमचे लक्ष विचलित होण्याची शक्यता आहे, त्यामुळे कामावर पूर्ण एकाग्रता ठेवा. प्रवास संभवतो, परंतु काळजीपूर्वक करा. भागीदारीच्या कामात विचारपूर्वक निर्णय घ्या. सायंकाळपर्यंत कुटुंबासोबत वेळ घालवल्यास मनःशांती मिळेल. कर्क…

संगमनेर – शासनाने नागरी क्षेत्रांतील कोट्यवधी नागरिकांना मोठा दिलासा देणारा एक महत्त्वपूर्ण निर्णय घेतला आहे. या निर्णयानुसार, नागरी भागांमध्ये तुकडेबंदी कायद्याचे उल्लंघन करून झालेले जमिनीचे व्यवहार आता विनाशुल्क नियमित करण्याचा मार्ग मोकळा झाला आहे. यामुळे राज्यातील सुमारे ३ कोटी लोकांना थेट कायदेशीर आणि आर्थिक संरक्षण मिळणार आहे. या संदर्भात आमदार खताळ यांच्या कार्यालयाकडून माहिती देण्यात आली आहे. मागील अनेक वर्षांपासून, तुकडेबंदी कायद्याचे उल्लंघन करून झालेले जमीन खरेदी-विक्रीचे व्यवहार कायद्याच्या कचाट्यात अडकले होते, ज्यामुळे लाखो सर्वसामान्य नागरिक आर्थिक आणि कायदेशीर अडचणीत सापडले होते. हेच लक्षात घेऊन, आमदार खताळ यांनी विधानसभेत या समस्येकडे लक्ष वेधले आणि हे व्यवहार शुल्क न आकारता त्वरित…

संगमनेर – अनंत पांगारकर संगमनेर नगरपालिकेच्या होऊ घातलेल्या नगराध्यक्षपदाच्या निवडणुकीत शिवसेनेच्या उमेदवार श्रीमती सुवर्णा विठ्ठल रहाणे उर्फ सुवर्णा संदीप खताळ यांच्या उमेदवारी अर्जावर नगराध्यक्षपदाच्या दुसऱ्या अपक्ष उमेदवार सुषमा तवरेज यांनी कायदेशीर आक्षेप नोंदवत अर्ज अवैध ठरविण्याची मागणी केल्याने निवडणुकीच्या रिंगणात मोठी खळबळ उडाली आहे. हा आक्षेप थेट ‘दुहेरी मतदार नोंदणी’शी संबंधित असून, यामुळे उमेदवारी अर्जाची वैधता धोक्यात येण्याची चिन्हे निर्माण झाली आहे. संगमनेर नगर परिषद निवडणुकीसाठी नियुक्त केलेले निवडणूक निर्णय अधिकारी अरुण मुंडे यांच्याकडे तवरेज यांनी हा आक्षेप नोंदविला आहे. यात त्यांनी म्हटले आहे की, श्रीमती सुवर्णा विठ्ठल रहाणे उर्फ सुवर्णा संदीप खताळ यांनी नगराध्यक्षपदासाठी उमेदवारी अर्ज दाखल केला आहे.…

संगमनेर: (प्रतिनिधी) – राज्याच्या राजकारणात मोठी उलथापालथ होण्याची शक्यता माजी महसूलमंत्री व काँग्रेसचे ज्येष्ठ नेते बाळासाहेब थोरात यांनी वर्तवली आहे. राज्यातील महायुतीमध्ये गेल्या काही दिवसांपासून सुरू असलेली अंतर्गत घुसमट आता तीव्र होत चालली असून, या मतभेदांचा मोठा स्फोट लवकरच पाहायला मिळेल, असा दावा त्यांनी केला. ते संगमनेर येथे प्रसार माध्यमांशी संवाद साधत होते. माजीमंत्री थोरात म्हणाले की, महायुतीतील घटकपक्षांमध्ये गेल्या काही आठवड्यांपासून प्रचंड वाद-विवाद, आरोप-प्रत्यारोप आणि नाराजीचे वातावरण आहे. हे मतभेद आता उघडपणे समोर येत आहेत. ही केवळ सुरुवात आहे; पुढे याचा मोठा राजकीय स्फोट दिसेल. थोरात यांच्या या विधानामुळे महायुतीतील अस्थिरतेच्या चर्चांना पुन्हा एकदा बळ मिळाले आहे. भाजपकडून काँग्रेस…

महाराष्ट्र संवाद न्यूज ऑनलाईन: लाच घेणाऱ्यांवर न्यायालयात कारवाई करण्याची जबाबदारी असताना, त्याच सहायक सरकारी वकिलाने लाचेची मागणी केल्याचा धक्कादायक प्रकार उघडकीस आला आहे. एका लाच प्रकरणातील आरोपीला निर्दोष मुक्तता मिळाल्यानंतर, त्या निकालाविरुद्ध उच्च न्यायालयात अपील न करण्यासाठी लाच मागणाऱ्या सहायक सरकारी वकील शरद बन्सी बांगर (वय ४३) यांच्याविरुद्ध गुन्हा दाखल करण्यात आला आहे. तक्रारदाराची एका लाच प्रकरणात १९ नोव्हेंबर २०२४ रोजी निर्दोष मुक्तता झाली होती. या निकालाला शासनातर्फे उच्च न्यायालयात आव्हान न देण्यासाठी वकील बांगर यांनी तक्रारदाराकडे २ लाख रुपयांची लाच मागितली होती. धक्कादायक बाब म्हणजे, तक्रारदाराने यापूर्वीच बांगर यांना १ लाख ५० हजार रुपये दिले होते आणि उर्वरित ५०…

मेष (Aries): आजचा दिवस उत्साहवर्धक असेल. भाग्याची साथ मिळेल. अडकलेली कामे मार्गी लागतील. आध्यात्मिक कार्यात रुची वाढेल. नोकरीच्या शोधात असलेल्यांना दिलासा मिळू शकतो. व्यवसायात चांगला नफा होण्याची शक्यता आहे. वृषभ (Taurus): आजचा दिवस उत्तम राहील. नवीन योजनांवर काम सुरू करू शकता. कामाच्या ठिकाणी नवीन जबाबदारी मिळण्याची शक्यता आहे. खर्चात वाढ होऊ शकते, पण अडकलेले पैसे परत मिळण्याचीही शक्यता आहे. मिथुन (Gemini): आज तुम्हाला चांगल्या बातम्या मिळू शकतात. नोकरीत नवीन ऑफर मिळू शकतील. व्यवसायाशी संबंधित नवीन करार होऊ शकतो. कर्क (Cancer): कौटुंबिक बाबींवर लक्ष देण्याची गरज आहे. घरातील वातावरण चांगले ठेवण्याचा प्रयत्न करा. प्रशासकीय बाबी तुमच्या बाजूने राहतील. सिंह (Leo): आर्थिक…

संगमनेर: संगमनेर नगरपरिषद निवडणुकीसाठी उमेदवारी अर्जांची छाननी प्रक्रिया पूर्ण झाल्यानंतर आता निवडणुकीचे मैदान सोडणाऱ्या उमेदवारांची अर्थात ‘रणछोडदास’ बनणाऱ्यांची चर्चा सुरू झाली आहे. बुधवारी अर्ज मागे घेण्याच्या पहिल्याच दिवशी तीन उमेदवारांनी आपले अर्ज मागे घेत निवडणुकीतून माघार घेतली आहे. अनेक इच्छुकांनी अर्ज दाखल केले असले तरी, ‘मनधरणी’नंतर अर्ज मागे घेणाऱ्यांची संख्या वाढू लागली आहे. उमेदवारी अर्ज मागे घेण्याचा अखेरचा दिवस शुक्रवार, 21 नोव्हेंबर असल्याने, अंतिम दिवसापर्यंत किती उमेदवार निवडणुकीचे मैदान सोडून ‘रणछोडदास’ बनतात, याकडे संगमनेरकरांचे लक्ष लागले आहे. बुधवारी नगरसेवक पदासाठी अर्ज दाखल केलेल्या दिड्डी रूपाली अभिजीत आणि जहागीरआली जावेदअली सय्यद या दोन अपक्ष उमेदवारांनी तर नगराध्यक्षपदासाठी अर्ज भरणाऱ्या डॉ. रूपाली…

संगमनेर – शहरातील नामांकित संजीवन हॉस्पिटलचे संस्थापक आणि भाजपचे स्थानिक नेते डॉ. भानुदास डेरे यांनी कौटुंबिक वादातून अत्यंत धक्कादायक कृत्य केले आहे. मुलीने पत्नीला सपोर्ट केल्याचा राग मनात धरून डेरे यांनी आपल्या पी.ए. सोमनाथ पवार यांच्यासह थेट फाॅर्च्युनर गाडी हॉस्पिटलच्या वेटिंग रूममध्ये वेगाने घुसवली, काचेचा दरवाजा तोडला आणि एका कर्मचाऱ्याला चिरडून ठार मारण्याचा प्रयत्न केला. सुदैवाने तो तरुण बचावला. या घटनेने शहरात मोठी खळबळ उडाली असून, डॉ. डेरे यांच्याच कन्या डॉ. एकता वाबळे यांनी वडिलांविरोधात पोलीस ठाण्यात तक्रार दिल्यानंतर डॉ. डेरेना गंभीर कलमांखाली तात्काळ अटक करण्यात आली आहे. ही धक्कादायक घटना मंगळवारी (१८ नोव्हेंबर) सायंकाळी ७:२० वाजण्याच्या सुमारास संगमनेर येथील…

मेष (Aries): आजचा दिवस तुमच्यासाठी शुभ फलदायी राहील. कामात प्रगतीचे योग आहेत. वरिष्ठांशी वाद होणार नाही याची काळजी घ्या. वृषभ (Taurus): आजचा दिवस सामान्य राहील. प्रॉपर्टीमध्ये गुंतवणूक करताना सावधगिरी बाळगा. मिथुन (Gemini): आजचा दिवस चांगला राहील. तुमच्या बुद्धिमत्तेमुळे आणि विश्लेषणाच्या जोरावर काही गुंतागुंतीची कामे सोडवू शकता. कर्क (Cancer): आजचा दिवस शुभ राहील. आध्यात्मिक कार्यांमध्ये तुमची रुची वाढेल. सिंह (Leo): आजचा दिवस सामान्य राहील. मुलांच्या भविष्याबद्दल जोडीदारासोबत महत्त्वाची चर्चा होऊ शकते. कन्या (Virgo): आजचा दिवस मिश्र (मिला-जुला) राहील. तुम्हाला मित्रांचे सहकार्य लाभेल. प्रभावशाली व्यक्तीचे मार्गदर्शन मिळेल. तूळ (Libra): आजचा दिवस लाभदायक राहील. आर्थिक स्थिती मजबूत राहील आणि मनोरंजक प्रवासाचा योग आहे.…

संगमनेर: अनंत पांगारकर संगमनेर नगर परिषद निवडणुकीसाठी उमेदवारी अर्ज दाखल करण्याची प्रक्रिया सोमवारी (काल) पूर्ण झाली असून, प्रशासनाच्या विस्कळीतपणामुळे उमेदवारांची अधिकृत यादी समोर येण्यास मंगळवारी पहाटे पावणे तीन वाजेपर्यंतचा विलंब लागला. सोमवारी शेवटच्या दिवशी मोठ्या संख्येने अर्ज दाखल झाल्याने प्रशासकीय गोंधळ उडाला. अखेर समोर आलेल्या आकडेवारीनुसार, नगराध्यक्ष पदासाठी २० तर नगरसेवक पदासाठी १७७ उमेदवारी अर्ज दाखल झाले आहेत. प्रशासनाच्या गोंधळावर प्रश्नचिन्ह – अर्ज दाखल करण्याच्या शेवटच्या दिवशी मोठी गर्दी झाल्याने निवडणूक निर्णय अधिकाऱ्यांच्या विस्कळीत कारभाराचे चित्र समोर आले. सोमवारी अर्ज दाखल होऊनही उमेदवारांची अधिकृत नावे जाहीर होण्यासाठी तब्बल दुसऱ्या दिवशी पहाटेपर्यंत वाट पाहावी लागली. एवढ्या मोठ्या विलंबाचे ठोस कारण प्रशासनाने…

मेष : दैनंदिन कामे मार्गी लावू शकाल. वैवाहिक जीवनात सुसंवाद साधाल. कामाचा दबाव राहील, पण कमाईच्या संधी मिळतील. सरकारी कामात थोडी अडचण येऊ शकते.  वृषभ : शासकीय कामे रखडण्याची शक्यता आहे. प्रियजनांसाठी खर्च करावा लागेल. धनलाभाचे योग आहेत, काम वेळेत पूर्ण होईल.  मिथुन : विद्यार्थ्यांना सुयश लाभेल, शैक्षणिक क्षेत्रात प्रगती होईल. उदास होण्याचे टाळा, आत्मसन्मानाला प्रोत्साहन मिळेल.  कर्क : प्रॉपर्टी आणि गुंतवणुकीचे नवीन प्रस्ताव समोर येतील. विरोधकांवर मात कराल. व्यावसायिक योजना यशस्वी होतील.  सिंह : एखादी महत्त्वाची जबाबदारी येऊन पडेल. जिद्द व चिकाटी वाढेल. कामाच्या ठिकाणी बदल होण्याची शक्यता आहे (प्रमोशन/वेतनवाढ). कन्या : जुनी येणी वसूल होतील, आर्थिक लाभ होतील.…

संगमनेर – अनंत पांगारकर प्रचंड राजकीय उत्सुकता निर्माण केलेल्या संगमनेर नगरपालिकेच्या नगराध्यक्षपदाच्या सार्वत्रिक निवडणुकीसाठी उमेदवारी अर्ज दाखल करण्याच्या अंतिम दिवशी मोठी राजकीय उलथापालथ झाली. नगराध्यक्षपदासाठी तब्बल १६ महिलांनी २० उमेदवारी अर्ज दाखल करत निवडणुकीच्या रिंगणाला मोठे वळण दिले आहे.  विशेष म्हणजे, महायुतीच्या राज्यस्तरीय नेत्यांनी ‘एकत्रित लढण्या’चे संकेत देऊनही स्थानिक महायुतीत मात्र ऐनवेळी मोठा गोंधळ उडाला आणि भाजप, शिवसेना व राष्ट्रवादी (अजित पवार गट) या तिन्ही घटकपक्षांनी आपले स्वतंत्र उमेदवार उभे केले, यामुळे महायुतीचा ‘बेबनाव’ उघड झाला आहे. आमदार खताळ यांच्याकडून सुरू करण्यात आलेल्या घराणेशाहीमुळे महायुतीतील कार्यकर्ते पदाधिकारी नाराज झाले आहे. ही नाराजी समाज माध्यमातून व्यक्त होत आहे. निवडणुकीपूर्वी महायुतीकडून सुकाणू…

संगमनेर – संगमनेर नगरपालिकेच्या निवडणुकीसाठी उमेदवारी अर्ज दाखल करण्याच्या अखेरच्या दिवशी राजकीय चित्र स्पष्ट झाले आहे. महाविकास आघाडी पुरस्कृत ‘संगमनेर सेवा समिती’ने आपले सर्वच्या सर्व उमेदवार जाहीर करत विकासाचा एक ठोस आराखडा संगमनेरकरांसमोर ठेवला आहे. तर दुसरीकडे, महायुतीनेही नगराध्यक्षपदासाठी आपला उमेदवार निश्चित केला आहे. या निवडणुकीतील नगराध्यक्षपदाची मुख्य लढत आता लक्षवेधी ठरली आहे. महाविकास आघाडीचे समर्थन असलेल्या संगमनेर सेवा समितीकडून नाशिक पदवीधर मतदारसंघाचे अपक्ष आमदार सत्यजित तांबे यांच्या पत्नी डॉ. मैथिली तांबे यांना उमेदवारी देण्यात आली आहे. त्यांच्याविरोधात महायुतीकडून नगराध्यक्ष पदासाठी आमदार अमोल खताळ यांच्या भावजयी सुवर्णा संदीप खताळ (सुवर्णा विठ्ठल राहणे) यांचे नाव निश्चित करण्यात आले आहे. यामुळे संगमनेरमधील…

मेष (Aries): व्यवसायाच्या दृष्टीने आजचा दिवस चांगला आहे आणि व्यवसायानिमित्त प्रवास संभवतो, ज्यामुळे भविष्यात फायदा मिळेल. कमाई आणि खर्चाचा ताळमेळ साधल्यास आर्थिक स्थिती सुधारेल. वैवाहिक जीवन सुखकर राहील, जोडीदाराचा पाठिंबा मिळेल. संध्याकाळी घरी पाहुणे येण्याची आणि त्यांच्यावर खर्च होण्याची शक्यता आहे. मात्र, कोणत्याही मोठ्या अधिकाऱ्याशी बोलताना किंवा वाद घालताना जपून बोला, अन्यथा प्रकरण कायदेशीर वळण घेऊ शकते. वृषभ (Taurus): कामाच्या ठिकाणी शत्रूंवर मात करण्यासाठी आजचा दिवस उत्तम आहे. तुमचा सामाजिक संपर्क वाढेल, ज्यामुळे मित्र संख्या वाढेल. कौटुंबिक व्यवसायासाठी भावाची मदत घ्यावी लागेल. संध्याकाळी कुटुंबात वाद होण्याची शक्यता आहे; बोलण्यावर नियंत्रण ठेवा, अन्यथा नात्यांमध्ये दुरावा येऊ शकतो. घरात काही वस्तू खरेदी…

संगमनेर – युवासेना (उद्धव बाळासाहेब ठाकरे) शिवसेना पक्षाचे उपतालुकाप्रमुख सचिन साळवे यांनी आज आपल्या पदाचा राजीनामा देत राजकारणातून माघार घेतली आहे. गेल्या अनेक वर्षांपासून पक्षाच्या कार्याला वाहून घेतलेल्या साळवे यांनी ‘कौटुंबिक कारणांमुळे’ पक्षाच्या कामासाठी पुरेसा वेळ देणे शक्य नसल्याचे स्पष्ट करत आपला राजीनामा तालुका, जिल्हाप्रमुखांकडे सुपूर्द केला असला तरी ते पक्षांतर्गत कुरघोडीचे बळी ठरले असल्याची चर्चा आहे. अधिक माहितीनुसार, साळवे हे युवासेनेमध्ये अनेक वर्षांपासून कार्यरत होते. पक्षाच्या पत्रामध्ये त्यांनी नमूद केले आहे की, त्यांनी पक्षात अनेक चढ-उतार पाहिले असून विविध विषयांवर न्याय मिळवण्यासाठी ते अनेकदा इतरांसोबत रस्त्यावर उतरून आंदोलनांत सहभागी झाले आहेत. याच संघर्षातून त्यांच्यावर काही खटलेसुद्धा दाखल झाले आहेत.…

संगमनेर: संगमनेर नगरपरिषद निवडणुकीचे चित्र आता अधिक स्पष्ट होण्याच्या दिशेने वाटचाल करत आहे. नगराध्यक्ष आणि नगरसेवक पदांसाठी अर्ज दाखल करण्याची प्रक्रिया अंतिम टप्प्यात पोहोचली असून, अर्ज भरण्याची अंतिम मुदत सोमवारी (दुपारी तीन वाजेपर्यंत) असल्याने आता अवघे काही तास उरले आहेत. सहाय्यक निवडणूक निर्णय अधिकारी तथा मुख्याधिकारी दयानंद गोरे यांनी दिलेल्या माहितीनुसार, शनिवारपर्यंत नगराध्यक्ष पदासाठी एक आणि नगरसेवक पदासाठी सात अर्ज दाखल झाले होते. महत्त्वाचे म्हणजे, रविवार सुट्टीचा दिवस असूनही उमेदवारी अर्ज दाखल करण्याची प्रक्रिया सुरू होती, आणि या दिवशी १३ इच्छुकांनी आपले अर्ज दाखल केले. यामुळे आतापर्यंत नगराध्यक्ष पदासाठी एक तर नगरसेवक पदासाठी एकूण २० उमेदवारी अर्ज दाखल झाले आहेत.…

संगमनेर – संगमनेर नगरपालिकेच्या निवडणुकीच्या पार्श्वभूमीवर आमदार अमोल खताळ यांच्याविरोधात सोशल मीडियावर बदनामीकारक आणि आचारसंहितेच्या काळात दिशाभूल करणारा मजकूर प्रसारित केल्याप्रकरणी संगमनेर शहर पोलिसांनी एका अज्ञात व्यक्तीविरोधात गुन्हा दाखल केला आहे. अक्षय दिलीप चिलप यांनी याबाबत संगमनेर शहर पोलीस ठाण्यात १४ नोव्हेंबर २०२५ रोजी दुपारी अडीच वाजता तक्रार दाखल केली. दाखल झालेल्या तक्रारीनुसार, अज्ञात व्यक्तीने बोगस फेसबुक अकाउंट वापरून ‘Sangamner Politics’ या नावाच्या फेसबुक अकाउंटवरून आमदार खताळ यांचा फोटो संपादित करून, बनावट आणि खोटी माहिती असलेली पोस्ट प्रसारित केली. तक्रारदाराच्या म्हणण्यानुसार, ही पोस्ट पूर्णपणे चुकीची असून ती केवळ राजकीय हेतूने प्रेरित आहे. या पोस्टद्वारे आमदारांची बदनामी करणे, तसेच निवडणुकीच्या आचारसंहितेचे…

प्रचंड बोलबाला झालेली बिहारची निवडणूक एकदाची पार पडली. अपेक्षेप्रमाणे भाजप आणि नितीश कुमार यांच्या जेडीयूला तिथे अनपेक्षित असं यश मिळालं. या दोन्ही पक्षांचं अभिनंदन. मात्र या विजयानंतरही मतचोरीचे प्रश्‍न तसेच आहेत. नव्हे ते अधिक गहिरे बनलेत. देशासह बिहारमध्ये झालेली मतचोरीे दुर्लक्षित करता येणार नाही. कालच्या बिहार निवडणुकीत सुमारे अडीच कोटी मतांची बेरीजच जुळता जुळत नाहीए. 6 आक्टोबरच्या दिवशी निवडणुकीची घोषणा झाली तेव्हा या राज्यात 7 कोटी 23 लाख मतदारांची नोंद स्वत: ज्ञानेशकुमार गुप्तांनी जाहीर केली होती. तर अखेरच्या टप्प्याचं मतदान पार पडल्याच्या 11 नोव्हेंबरला आयोगाच्या वेबसाईटवर 7 कोटी 45 लाख मतदारांनी मतदान केल्याचं म्हटलं. मतदार संख्येतच 22 लाखांची तफावत. मतदानाची…