Author: Annant Ppangarkar

रविवार, २० ऑक्टोबर २०२४ मेष – आपल्या महत्वाच्या कामांना क्रमवारी द्या, त्याप्रमाणे कार्य करा. कुठल्याही कामाला विलंब होत नाही याची काळजी घेणे महत्त्वाचे आहे. कामाचा वेग वाढणार आहे. आपणास सामाजिक कामे मिळतील. वृषभ – आपणास भरपूर काम आहे. मनाची तशी तयारी ठेवा, मात्र काम करताना मन शांत राहील याची दक्षता घेणे आवश्यक आहे. नाहीतर कामामध्ये चुका होऊ शकतील. पेंडिंग कामे करून घ्या. मिथुन – आपणास आजचे ग्रहमान चांगले आहे. दैनंदिन व्यवहार चालू राहतील. आर्थिक व्यापार व्यवसाय चांगल्या प्रकारे होतील. काम जास्त असल्यामुळे जोडीदाराचे सहकार्य चांगले मिळेल. कर्क – आजचा आपला दिवस नोकरदारांसाठी खूपच चांगला आहे. नोकरीमध्ये आपल्या कामाचे कौतुक होणार…

शनिवार, १९ ऑक्टोबर  संगमनेर बस स्थानकाच्या गाळ्यात असलेल्या शिर्डी लोकसभा मतदारसंघाचे खासदार भाऊसाहेब वाकचौरे यांच्या संपर्क कार्यालयाचा नाम फलक ‘महाराष्ट्र संवाद न्यूज’च्या वृत्तानंतर काढण्यात आला आहे. कापडाने झाकलेला नाम फलक वाऱ्यामुळे उघडा पडला होता तो काढून टाकल्याची माहिती प्रांताधिकारी तथा संगमनेर विधानसभा मतदारसंघाचे निवडणूक निर्णय अधिकारी शैलेश हिंगे आणि खासदारांचे स्वीय सहाय्यक प्रमोद कुलट यांनी दिली. २० नोव्हेंबरला होणाऱ्या विधानसभा निवडणुकीसाठी राज्यभरात १५ ऑक्टोंबरपासून आदर्श आचारसंहितेची अंमलबजावणी सुरू झाली आहे. त्यामुळे संगमनेरमधील राजकीय पक्षाच्या कार्यालयांवर लावण्यात आलेले नामफलक कापडाने तात्पुरत्या स्वरूपात झाकण्यात आले आहेत. मात्र बस स्थानकाच्या मालकीच्या गाळ्यात खासदार भाऊसाहेब वाकचौरे यांचे संपर्क कार्यालय आहे. या कार्यालयाचा नामफलकदेखील कापडाने…

शनिवार, १९ ऑक्टोबर  विधानसभा निवडणुकीसाठी आचारसंहिता लागू झाली असून या आचारसंहितेचे कठोरपणे पालन केले जात असल्याचे भासविले जात असल्याचे समोर आले आहे. संगमनेर बस स्थानकाच्या गाळ्यात शिर्डी लोकसभा मतदार संघाच्या विद्यमान खासदारांचे संपर्क कार्यालय असून या संपर्क कार्यालयाचा नामफलक मात्र आचारसंहितेतून वगळला गेला की काय असा प्रश्न उपस्थित झाला आहे. राज्यात विधानसभा निवडणुकीसाठी १५ ऑक्टोबरला आदर्श आचारसंहिता लागू झाली आहे. राज्यासह संगमनेर मतदार संघात २० नोव्हेंबरला मतदान होत आहे. राजकीय पक्षांचे फलक आचारसंहिता लागू होतात तातडीने काढण्यात आले असले तरी शिर्डी लोकसभा मतदारसंघाचे विद्यमान खासदार भाऊसाहेब वाकचौरे यांच्या संपर्क कार्यालयाचा नामफलक मात्र अद्यापही दर्शनी भागावर आहे त्या स्थितीत आहे. हा…

शनिवार, १९ ऑक्टोबर शिर्डी – विधानसभा सार्वत्रिक निवडणूक २०२४ च्या अनुषंगाने आहिल्यानगर जिल्हा निवडणूक प्रशासनाच्यावतीने तयार करण्यात आलेल्या निवडणूक पूर्वपीठिकेचे प्रकाशन राज्याच्या मुख्य सचिव सुजाता सौनिक यांच्या हस्ते शिर्डीत करण्यात आले. माध्यम प्रतिनिधींना निवडणूक विषयक संदर्भांसाठी पुस्तिका उपयुक्त असल्याचे श्रीमती सौनिक यावेळी म्हणाल्या.याप्रसंगी महारेराचे अध्यक्ष मनोज सौनिक, सेवानिवृत्त पोलीस महासंचालक दत्तात्रय पडसलगीकर, विभागीय आयुक्त डॉ. प्रवीण गेडाम, जिल्हाधिकारी सिद्धाराम सालीमठ, पोलीस अधीक्षक राकेश ओला, साईबाबा संस्थानचे मुख्य कार्यकारी अधिकारी गोरक्ष गाडीलकर, अपर जिल्हाधिकारी बाळासाहेब कोळेकर, शिर्डी उपविभागीय अधिकारी माणिक आहेर आदी उपस्थित होते. आहिल्यानगर जिल्हा माहिती कार्यालयाने माध्यम प्रतिनिधींच्या सुलभ संदर्भासाठी या पुस्तिकेची निर्मिती केली आहे. निवडणूक आचारसंहितेबाबत तरतुदी, निवडणूक…

शनिवार, १९ ऑक्टोबर संगमनेर – रोटरी क्लब संगमनेर व इनरव्हील क्लब ऑफ संगमनेरच्यावतीने आयोजित फुलझडी एक्स्पोचे उद्घाटन शुक्रवारी (दि. १८) आमदार बाळासाहेब थोरात, माजी आमदार डॉ. सुधीर तांबे, मालपाणी उद्योग समूहाचे संचालक मनिष मालपाणी, माजी नगराध्यक्षा दुर्गाताई तांबे, तसेच या एक्स्पोला आर्थिक रुपाने सहकार्य करणारे महालक्ष्मी नेक्सा शोरुमचे मॅनेजर तेजस पवार, कडलग इन्व्हेस्टमेंटचे संचालक सुनिल कडलग, ओम मयूर ज्वेलर्सचे संचालक महेश मयूर आदी मान्यवरांच्या हस्ते झाले. रविवारपर्यंत (२० ऑक्टोबर) मालपाणी लॉन्स येथे फुलझडीचे आयोजन केलेले आहे. पार पडलेल्या अनोख्या फुलझडी प्रकल्पाला संगमनेरकरांनी पसंतीची मोहर उमटवली आहे. दिवाळी सणाच्या पार्श्वभूमीवर सुरु झालेल्या या प्रकल्पात महिला, पुरुष व लहान मुलांचा विचार करुन…

शनिवार, १९ ऑक्टोंबर  संगमनेर – इनरव्हील व रोटरी क्लब ऑफ संगमनेर आयोजित फुलझडी दीपावली उत्सवात कडलग इन्व्हेस्टमेंटच्या दालनास संगमनेरकरांनी उत्स्फूर्त प्रतिसाद दिला. त्यामुळे फुलझडीमध्ये कडलग इन्व्हेस्टमेंट’च्या दालनाचा बोलबाला दिसून येत आहे. मालपाणी लॉन्स येथे दि. १८ ते २० पर्यंत फुलझडी दीपावली उत्सवाचे आयोजन करण्यात आले आहे. धम्माल, मस्ती, मनोरंजनाबरोबरच संगमनेरकरांनी मुलांचे शिक्षण, लग्न, पेन्शनसारख्या काही अल्पकालीन व दीर्घकालीन उद्दिष्टांसाठी म्युच्युअल फंडांच्या माध्यमातून संपत्ती निर्माण करण्याकरिता कडलग इन्व्हेस्टमेंटच्या प्रतिनिधींशी चर्चा केली व भविष्यकालीन उपायोजनांकरिता क्यू आर कोड स्कॅन करून आपले नाव नोंदविले. संपत्ती निर्माणाची २८ वर्षांची विश्वासार्ह व समृद्ध परंपरा असलेल्या व अर्थ, आरोग्य आणि अध्यात्म ही मूल्ये जपणाऱ्या कडलग इन्व्हेस्टमेंटचा…

शनिवार, १९ ऑक्टोबर  संगमनेर – संगमनेरची बाजारपेठ हे जिल्ह्यातील सर्वात मोठी बाजारपेठ असून दिवाळी सणाच्या पार्श्वभूमीवर बाजारपेठेत मोठ्या प्रमाणात कोट्यावधी रुपयांची आर्थिक उलाढाल होत असते. त्यामुळे दिवाळी सणाच्या पार्श्वभूमीवर शहरात येणाऱ्या नागरिकांसाठी नगर परिषदेने मूलभूत सुविधा उपलब्ध करून देण्याची मागणी संगमनेर शहर काँग्रेसचे अध्यक्ष सोमेश्वर दिवटे यांच्या नेतृत्वाखाली मुख्याधिकारी तथा प्रशासक रामदास कोकरे यांच्याकडे करण्यात आली आहे. खरेदीच्या निमित्ताने शहरात येणाऱ्या नागरिकांना पार्किंगची व्यवस्था व्हावी, घनकचऱ्याचे व्यवस्थापन व्हावे, शहरातील रस्त्यांवर पडलेले खड्डे बुजविण्यात यावे तसेच शहरातील सर्व स्ट्रीट लाईट सुरू असाव्यात आदी मागण्या निवेदनाद्वारे करण्यात आल्या आहे. दिवटे यांच्यासह माजी नगराध्यक्ष दिलीप पुंड व विश्वास मुर्तडक, माजी उपनगराध्यक्ष शैलेश कलंत्री,…

शनिवार, १९ ऑक्टोबर २०२४ मेष – आपली कामातली मरगळ दूर होईल. काम करण्यास आनंद वाटल्याने महत्त्वाची कामे हातावेगळी करण्याचा प्रयत्न कराल. आपल्याला परदेशातून अपेक्षित असलेले संदेश येतील. वृषभ – दैनंदिन कामे सातत्याने पूर्ण करावी लागणार आहेत. मानसिक तणाव किंवा प्रकृती अस्वस्थ यामुळे काम करण्यास उत्साह नसेल. एखादी महत्त्वाची बातमी समजण्याची शक्यता आहे. मिथुन – आजचा दिवस आपल्याला सावधतेने घालवावा लागणार आहे. आपला कामाचा वेग चांगला राहणार आहे. आर्थिक व्यवहार होतील, मात्र दुसऱ्यावर जास्त विश्वास ठेवू नका. कर्क – नवीन कामे मिळतील, पण त्याचा पूर्णपणे आधी आपण अभ्यास करून घ्यावा. अडचणींना सामोरे जावे लागणार आहे, चिकाटी आणि सातत्य यांनी तुमची काम…

शुक्रवार, १८ ऑक्टोबर  संगमनेर – संगमनेर तालुक्याच्या विविध भागात बिबट्याने धुमाकूळ घातला आहे. मानवांवर केलेल्या हल्ल्यात अनेकांचे जीव गेले. नदीपात्रालगच्या पट्ट्यात सर्रासपणे वावर असलेल्या बिबट्यांमुळे नागरिकांमध्ये भीतीचे वातावरण निर्माण झाले आहे. गेल्या काही दिवसात निमगाव टेंभीसह परिसरातील गावांमध्ये ऊस पट्ट्यात बिबट्यांकडून झालेल्या लागोपाठच्या दोन महिलांचा मृत्यू झाला. यामुळे ग्रामस्थांमध्ये संतापाचे वातावरण निर्माण झाले होते. नरभक्षक बिबट्याला पकडण्यासाठी रेस्क्यू पथकांची देखील मदत घेण्यात आली. तसेच वनविभागाने श्वानांची देखील मदत घेतली. दोन दिवसांपूर्वी एका बिबट्याला पकडण्यात यश आले असताना शुक्रवारी आणखी एक बिबट्या जाळ्यात सापडला. बिबट्या पकडण्यासाठी पिंजरे लावले असले तरी सराईत बिबटे आता पिंजऱ्यांना देखील चकवा देत आहे. त्यामुळे बिबट्यांना पकडण्यासाठी…

निवडणूक विशेष वृत्त | मोहसीन शेख शुक्रवार, १८ ऑक्टोंबर सत्ताधारी महायुती आणि विरोधी महाविकास आघाडीच्या जागा वाटपाचा अद्याप तिढा कायम असतानाच वंचित बहुजन आघाडीने मात्र विधानसभा निवडणुकीसाठी उमेदवार जाहीर करण्यात आघाडी घेतली आहे. वंचित चे आतापर्यंत ५१ उमेदवार जाहीर झाले असून तिसऱ्या यादीत अहिल्यानगर जिल्ह्यातील संगमनेर आणि राहुरी मतदार संघासाठी उमेदवार जाहीर करण्यात आले आहे. वंचितने उमेदवार जाहीर करत संगमनेरच्या निवडणुकीत रंगत वाढविली आहे. वंचित बहुजन आघाडीने राज्यात आत्तापर्यंत सर्वाधिक ५१ जातनिहाय उमेदवार जाहीर केले असून सुरुवातीपासूनच काँग्रेसचा बालेकिल्ला राहिलेल्या आणि सलग आठ टर्म आमदार, माजी मंत्री असलेल्या बाळासाहेब थोरात यांच्या विरोधात मुस्लिम समाजाचे अजीझ अब्दुल व्होरा यांना वंचित ने…

शुक्रवार, १८ ऑक्टोंबर  अहिल्यानगर – विधानसभा सार्वत्रिक निवडणुकीच्या अनुषंगाने आदर्श आचारसंहिता लागू झाल्यापासूनच्या ४८ तासामध्ये जिल्ह्यातील शासकीय कार्यालय परिसर, सार्वजनिक ठिकाणे तसेच खाजगी मालमत्तेवरील भित्तीपत्रके, घोषणा फलक, रंगविलेल्या जाहिराती, कोनशिला, झेंडे काढण्याची कार्यवाही पूर्ण करण्यात आली. जिल्ह्यातील शासकीय कार्यालय परिसरातील ११,६४१, सार्वजनिक ठिकाणच्या ९,५०२ तर खाजगी मालमत्तेवरील ३,८२६ अशा एकूण २४ हजार ९६९ जाहिराती काढण्यात आल्या असल्याची माहिती आचारसंहिता कक्षातर्फे देण्यात आली आहे. अकोले विधानसभा मतदारसंघामध्ये शासकीय कार्यालय परिसर १,८६४, सार्वजनिक ठिकाण ३९१ तर खाजगी मालमत्तेवरील ३२०, संगमनेर मतदारसंघ शासकीय कार्यालय परिसर ८१६, सार्वजनिक ठिकाण १,०८८, खाजगी मालमत्तेवरील २५५, शिर्डी मतदारसंघ कार्यालय परिसर ९१६, सार्वजनिक ठिकाण १,६४१, खाजगी मालमत्तेवरील ३५१,…

शुक्रवार, १८ ऑक्टोबर  नाशिक – १८ शिक्षकांची वेतन पडताळणी करून त्याची नोंद सेवा पुस्तकात करण्याकरिता प्रत्येकी सातशे रुपये प्रमाणे लाचेची मागणी करून तडजोडीअंती ११ हजार रुपयांची लाच घेणाऱ्या जिल्हा परिषदेतील दोघा अधिकाऱ्यांना लाच लुचपतच्या अधिकाऱ्यांनी रंगेहात पकडले असून त्यांना अटक करण्यात आली आहे. किरण रंगनाथ दराडे (वय ४० वर्ष, कनिष्ठ लेखाधिकारी, वित्त विभाग) व सचिन प्रभाकर पाटील (वय ४० वर्ष, कनिष्ठ सहाय्यक (लेखा) वित्त विभाग) असे जिल्हा परिषदेतील दोघा लाचखोर अधिकाऱ्यांची नावे आहेत. लाच लुचपत विभागाकडे तक्रार करणारे तक्रारदार हे शिक्षक असून त्यांच्यासह अठरा शिक्षकांची वेतन पडताळणी करून त्याची नोंद सेवा पुस्तकात करण्यासाठी या सर्वांची सेवा पुस्तके लेखा अधिकारी किरण…

शुक्रवार, १८ ऑक्टोबर  अहिल्यानगर : जिल्ह्यातील १२ विधानसभा मतदारसंघाच्या निवडणुकीसाठी जिल्हाधिकारी तथा जिल्हा निवडणूक अधिकारी सिद्धाराम सालीमठ यांच्या उपस्थितीत प्रथमस्तरीय तपासणी झालेल्या ३ हजार ७६३ मतदान केंद्रांसाठी द्यावयाच्या ४ हजार ५१२ मतदान यंत्रांची पहिली जिल्हास्तरीय सरमिसळ (रँडमायझेशन) प्रक्रिया करण्यात आली. जिल्हाधिकारी कार्यालयात झालेल्या या सरमिसळ प्रक्रियेच्यावेळी उप जिल्हा निवडणूक अधिकारी राहुल पाटील, ईव्हीएम समन्वयक शारदा जाधव, जिल्हा सूचना विज्ञान अधिकारी गजानन नकासकर आणि विविध राजकीय पक्षांचे प्रतिनिधी उपस्थित होते. जिल्ह्यातील बारा विधानसभा मतदारसंघाच्या आवश्यकतेनुसार ४ हजार ५१२ बॅलेट युनिट, ४ हजार ५१२ कंट्रोल युनिट आणि ४ हजार ८८७ व्हीव्हीपॅट यंत्रांची पहिली सरमिसळ (रँडमायझेशन) संगणकीय प्रणालीच्या माध्यमातून करण्यात आली. तत्पूर्वी राजकीय…

शुक्रवार, १८ ऑक्टोबर २०२४ मेष – कामाचे नियोजन करावे लागणार आहे. नाहीतर खूप धावपळ होण्याची शक्यता आहे. सहकारी सहकार्य करण्यास नाराज असतील. त्यामुळे गोड बोलूनच काम करून घ्यावे लागणार आहे. वृषभ – व्यापार-व्यवसायात देण्याघेण्याचे व्यवहार सुरळीत होतील. कामाचा व्याप वाढणार आहे. भागीदाराचे सहयोग मिळेल. त्यामुळे कामातील अडचणी कमी होतील व मार्ग सापडतील. कामे पूर्ण होतील. मिथुन – तुमच्या मनातील तणाव दूर करा, तरच काम सुरळीत होतील. आनंदी राहा आणि कामाला लागा. उत्साहाने काम केल्यास सुरळीत कामे होतील. जास्तीची कामे मात्र तुम्हाला करावी लागणार आहेत. कर्क – आपल्या कल्पकतेचा व सृजनशीलतेची साहित्यिक लेखक कवी यांना चांगला फायदा होईल. नवी कामे मिळतील,…

गुरुवार, १७ ऑक्टोंबर संगमनेर – विधानसभा निवडणुकीची धामधूम सुरू झाली असतानाच संगमनेरमध्ये अहिल्यानगर गुन्हे शाखेच्या पथकाने तब्बल ४२ लाख १५ हजार रुपयांची बेहिशोबी रक्कम हस्तगत करण्यात यश मिळविले. पोलिसांनी पकडलेली रक्कम हवाल्याची असल्याचा संशय असून त्या दृष्टीने पोलीस तपास करत आहे. अहिल्या नगरचे पोलीस अधीक्षक राकेश ओला यांच्या मार्गदर्शनाखाली गुन्हे शाखेचे पोलीस निरीक्षक दिनेश आहेर यांच्या पथकाने ही कारवाई केली असल्याची माहिती समोर येते. पोलीस अधीक्षकांनी विधानसभा निवडणुकीच्या पार्श्वभूमीवर जिल्ह्यात अवैध व्यावसायिकांचा, बेहिशोबी मालमत्ता बाळगणाऱ्या इसमांचा शोध घेऊन कारवाई करण्याचे आदेश दिल्यानंतर गुन्हे शाखेच्या पथकाला मिळालेल्या माहितीनुसार संगमनेरमध्ये ही कारवाई करण्यात आली. पोलीस निरीक्षक दिनेश आहेर यांच्या मार्गदर्शनाखाली स्थानिक गुन्हे…

गुरुवार, १७ ऑक्टोबर अहिल्यानगर – जिल्ह्याच्या सर्वच भागात बिबट्याचा वावर वाढला असल्याने आणि सध्या ऊसतोडीचा हंगाम सुरू झाला असल्याने ऊसतोड करत असताना शेतकरी व मजुरांनी आवश्यक ती काळजी घेण्याचे आवाहन उपवनसंरक्षक धर्मवीर साळविठ्ठल यांनी केले आहे. ऊसतोड सुरू असताना मजुरांनी व शेतकऱ्यांनी आपल्या लहान मुलांना सुरक्षित ठिकाणी ठेवावे. अनेकदा त्यांना ऊसतोड सुरू असलेल्या भागातच खेळायला मोकळे सोडले जाते. मुलांना ठेवलेल्या ठिकाणी हातात घुंगराची काठी घेऊन मोठ्या व्यक्तीस थांबवावे, जेणेकरून बिबट्या दिसल्यास मुलांची सुरक्षा करता येते. खूप वाकुन ऊसतोड करू नये. अशा वेळी दुसराच एखादा प्राणी आहे असे समजून बिबट्याचा पाठमोरा हल्ला होऊ शकतो. ऊसतोड सुरू असताना ट्रॅक्टरमधील टेपरेकॉर्डरवर किंवा चांगल्या…

गुरुवार, १७ ऑक्टोंबर अहिल्यानगर – जिल्ह्याच्या सीमेला लागून असलेल्या जिल्ह्यांमधील पोलीस, उत्पादन शुल्क आणि परिवहन विभागाच्या अधिकाऱ्यांनी समन्वयाने आणि प्रभावीपणे वाहनांची तपासणी करून अवैध मद्य, पैसे किंवा प्रलोभनासाठी उपयोगात येणाऱ्या भेटवस्तूंच्या वाहतूकीला प्रतिबंध करावा, असे आवाहन जिल्हाधिकारी सिद्धाराम सालीमठ यांनी केले. जिल्हाधिकारी कार्यालयात दूरदृष्य प्रणालीद्वारे आयोजित बैठकीत ते बोलत होते. बैठकीस अहिल्यानगरचे अपर पोलीस अधीक्षक प्रशांत खैरे, निवासी उपजिल्हाधिकारी राजेंद्र पाटील, उपजिल्हा निवडणूक अधिकारी राहुल पाटील आणि दूरदृष्य प्रणालीद्वारे जिल्हाधिकारी अविनाश पाठक, डॉ.सचिन ओम्बासे, पोलीस अधीक्षक संजय जाधव, अविनाश बारगळ, उपजिल्हा निवडणूक अधिकारी डॉ. शशिकांत मंगरुळे, देवेंद्र कटके आदी उपस्थित होते. शेजारील जिल्ह्यातील यंत्रणांनी समन्वयाने काम केल्यास त्याचे चांगले परिणाम…

गुरुवार, १७ ऑक्टोबर  अहिल्यानगर – निवडणूक आयोगाने अहिल्यानगर जिल्ह्यातील संगमनेर व अहिल्यानगर शहर हे दोन विधानसभा मतदारसंघ “खर्चाच्या दृष्टीने संवेदनशील” ठरविले आहेत. त्यामुळे या दोन्ही मतदारसंघांवर नजर ठेवण्यासाठी निवडणूक आयोगाकडून अतिरिक्त पथके तैनात केली जाणार आहेत. निवडणूक शाखेचे उपजिल्हाधिकारी राहुल पाटील यांनी ही माहिती दिली. गत विधानसभा निवडणुकीत तत्कालीन अहमदनगर आणि सध्याच्या अहिल्यानगर जिल्ह्यातील संगमनेर विधानसभा मतदारसंघ खर्चाच्या दृष्टीने संवेदनशील ठरवला गेला होता. यावेळी मात्र संगमनेरसह अहिल्यानगर शहर मतदारसंघाचाही त्यात समावेश करण्यात आला आहे. खर्चाच्या दृष्टीने संवेदनशील म्हणजे काय?  केंद्रीय निवडणूक आयोगाने गेल्या वर्षी ऑगस्ट २०२३ मध्ये तेलंगणा, राजस्थान, मिझोराम, मध्यप्रदेश आणि छत्तीसगड या पाच राज्यांच्या विधानसभा निवडणुकी वेळी खर्चाच्या…

गुरुवार, १७ ऑक्टोबर अहिल्यानगर – भारत निवडणूक आयोगाने सार्वत्रिक विधानसभा निवडणूकीचा कार्यक्रम घोषित केला असल्याने जिल्हाधिकारी तथा जिल्हा दंडाधिकारी सिद्धाराम सालीमठ यांनी मोठा निर्णय घेतला आहे. भारतीय नागरिक सुरक्षा संहिता २०२३ चे कलम १६३ अन्वये निवडणूकीच्या कालावधीमध्ये जिल्हाधिकारी कार्यालय, सर्व उपविभागीय अधिकारी कार्यालय, सर्व तहसील कार्यालय आणि सर्व शासकीय विश्रामगृहे या ठिकाणी कोणत्याही प्रकारची मिरवणूक मोर्चा काढणे, आंदोलन, निदर्शने आणि उपोषण करण्यास बंदीचे आदेश निर्गमित केले आहेत. विधानसभा निवडणुकीची आदर्श आचार संहिता अंमलात आल्याने जिल्ह्यात निवडणुकीची संपूर्ण प्रक्रीया शांततेत, निर्भयपणे व न्याय्य वातावरणात पार पाडण्याच्या दृष्टीकोणातून हे आदेश देण्यात आले आहेत. वरील नमूद ठिकाणी कोणत्याही प्रकारची घोषणा देणे, वाद्य वाजविणे…

गुरुवार, १७ ऑक्टोबर  आरपीआय (आठवले) पक्षाचे माजी तालुका अध्यक्ष अशोक अभंग यांचे नुकतेच निधन झाले. दलित चळवळीतील कार्यकर्ता म्हणून परिचित असलेल्या अभंग यांच्या कुटुंबियांचे सोमवारी केंद्रीय मंत्री रामदास आठवले यांनी भेट घेत सांत्वन केले. यावेळी आठवले यांच्या समवेत अहिल्या नगर जिल्हा संपर्कप्रमुख श्रीकांत भालेराव, राज्य सचिव विजय वाकचौरे, राजाभाऊ कापसे, भीमा बागुल, शहराध्यक्ष कैलास कासार, आशिष शेळके, शानू बेगमपुरे आदींसह पदाधिकारी व कार्यकर्ते उपस्थित होते. आठवले सोमवारी अहिल्यानगर जिल्हा दौऱ्यावर आले होते. ज्यावेळी त्यांनी अभंग यांच्या कुटुंबियांचे भेट घेत दुःख व्यक्त केले.