Author: अनंत पांगारकर

रविवार, ०३ नोव्हेंबर  संगमनेर – शनिवारी बलिप्रतिपदेच्या दिवशी संगमनेरमध्ये एका सजविलेल्या बैलगाडीत महात्मा बळीराजाची मिरवणूक काढण्यात आली. मिरवणूक मार्गावर ठिकठिकाणी बळीराजाची पूजा तसेच पुष्पवर्षाव करण्यात आला. छत्रपती शिवाजी महाराज, डॉ. बाबासाहेब आंबेडकर यांच्या पुतळ्याला अभिवादन करून बळीराजाच्या मिरवणुकीची सुरुवात करण्यात आली होती. राजाभाऊ अवसक, सिताराम राऊत यांच्या हस्ते मिरवणूक मार्गावर पुतळ्यांना पुष्पहार अर्पण करण्यात आले. बस स्थानकाच्या प्रवेशद्वारापाशी मिरवणुकीचा समारोप करण्यात आला. मिरवणुकी दरम्यान अनिकेत घुले, राहुल जऱ्हाड, दत्ता ढगे, संदीप काकड, लोकपंचायतचे अध्यक्ष थोरात, शाहीर तुळशीराम जाधव यांनी चळवळीतील गाणी म्हटली. मिरवणुकीमध्ये राष्ट्रसेवा दल, छात्र भारती, अंधश्रद्धा निर्मूलन समिती, लोकपंचायत, भारत ज्ञान विज्ञान समूह आदी क्षेत्रातील मान्यवरांचा सहभाग होता.…

रविवार, ०३ नोव्हेंबर अहिल्यानगर – महाराष्ट्रासाठी भारत निवडणूक आयोगाने नियुक्त केलेले विशेष निवडणूक निरीक्षक राम मोहन मिश्रा यांनी जिल्हाधिकारी कार्यालयात झालेल्या बैठकीत निवडणूक तयारीचा आढावा घेतला. त्यांनी जिल्ह्यातील सर्व मतदारसंघात विविध यंत्रणांमध्ये समन्वय, निवडणूक प्रशासनाची पूर्वतयारी आणि निवडणुका मुक्त वातावरणात पार पाडण्यासाठी करण्यात येत असलेल्या प्रयत्नांबद्दल समाधान व्यक्त केले. जिल्हाधिकारी कार्यालयात मिश्रा यांनी निवडणूक विषयक तयारीचा आढावा घेतला. यावेळी भारत निवडणूक आयोगाने विविध विधानसभा मतदारसंघासाठी नियुक्त केलेले निवडणूक पोलीस निरीक्षक, सर्वसाधारण निवडणूक निरीक्षक, खर्च निरीक्षक, जिल्हाधिकारी तथा जिल्हा निवडणूक अधिकारी सिद्धाराम सालीमठ, जिल्हा पोलिस अधीक्षक राकेश ओला, जिल्हा परिषदेचे मुख्य कार्यकारी अधिकारी आशिष येरेकर, उपजिल्हा निवडणूक अधिकारी राहुल पाटील, निवडणूक…

आजचे राशीभविष्य  मेष – आजचा दिवस आनंदी जाईल. प्रवासाचे योग आहेत. प्रेमिकांना प्रेमप्रकरणात यश मिळेल. वडिलार्जित संपत्तीबाबत काही विशिष्ट निर्णय होतील. महिलांना मैत्रिणी भेटतील. वृषभ – आजचा दिवस जास्त कामाचा आहे, त्यामुळे मनावर ताण येण्याची शक्यता आहे. मन शांत ठेवा आणि मगच काम करा. त्यामुळे कामाचा त्रास जाणवणार नाही. आर्थिक देणी देऊन टाका. मनोबल वाढवा.मिथुन – जोडीदाराशी चांगले संबंध राहतील. एखादे मोठे धाडसाचे काम हाती घ्याल आणि त्यात यश मिळवण्याचा पूर्णपणे प्रयत्न कराल. जुन्या आठवणीत रमाल. मुलांच्या प्रगतीने आनंद वाटेल. कर्क – आई-वडिलांची काळजी घ्यावी, त्यांच्या आरोग्याला जपणे आवश्यक आहे. कायदेशीर कागदपत्रांचे सोपस्कार पूर्ण करून घ्या. कोणत्याही महत्त्वाच्या कागदपत्रांवर सही…

शनिवार, ०२ नोव्हेंबर  संगमनेर बस स्थानकातील व्यापारी गाळे बऱ्याचदा वादाच्या भोवऱ्यात सापडले आहे. संबंधित ठेकेदार, एसटी महामंडळाचे अधिकारी यांच्या दुर्लक्षामुळे व्यापारी गाळ्या बाहेर दुकानदारांनी मोठ्या प्रमाणात अतिक्रमण केली असून ती रोखण्यात संबंधित यंत्रणेला पूर्णतः अपयश आले आहे. याचा परिणाम शनिवारी दोन व्यापाऱ्यांमधील मोठ्या वादात तसेच हाणामारीत झाल्याचे दिसून आले. रात्री उशिरापर्यंत या संदर्भात पोलीस ठाण्यात गुन्हा दाखल करण्याचे काम सुरू असल्याची माहिती मिळाली. दुपारी अडीच ते तीन वाजण्याच्या दरम्यान ही घटना घडली असून या घटनेचे व्हिडिओ समाज माध्यमात मोठ्या प्रमाणात व्हायरल झाले आहे. हाणामारी काठ्यांचा वापर झाल्याचे दिसून येत असून दुपारी घडलेल्या हाणामारीच्या प्रकरणात दुकान मालकाला उपचारासाठी रुग्णालयात दाखल केल्याची…

शनिवार, ०२ नोव्हेंबर राहुरी – भाऊबीजेसाठी बहिणीला साडी घेऊन तो आपल्या दुचाकीवरून संगमनेरला येत होता. बहिणीकडे येऊन भाऊबीज साजरी करण्यापूर्वीच काळाने त्याच्यावर घाला घातला. राहुरीजवळ झालेल्या अपघातात दुचाकीस्वाराचा मृत्यू झाला आहे. या घटनेमुळे ऐन दीपावलीत दुःखद वातावरण निर्माण झाले. अपघातामुळे भाऊबीज साजरी करण्यापूर्वीच या बहिण भावाची ताटातूट झाली. शुक्रवारी संध्याकाळी राहुरी तालुक्यातील चिंचोली फाटा शिवारात दुचाकीस्वाराला अज्ञात वाहनाने दिलेल्या धडकेत मृत्यू झालेल्या तरुणाचे नाव दत्ता पांडुरंग मोरे असे आहे. याबाबत समजलेली माहिती अशी की, बीड जिल्ह्यातील शिरूर कासार येथील कान्होबाची वाडी येथील तरुण दत्ता पांडुरंग मोरे (वय २७) हा १ नोव्हेंबरच्या रात्री एम.एच.१७- सी- यु-३७६४ या क्रमांकाच्या दुचाकीवरून संगमनेर येथे…

शनिवार, ०२ नोव्हेंबर बेलापूर – भारतीय अंतराळ संशोधन संस्था (ISRO) व विज्ञान भारती यांच्यावतीने तसेच गंगाधरशास्त्री बद्रिनारायणशेठ साळुंके सामाजिक प्रतिष्ठान, बेलापूर यांच्या विशेष प्रयत्नाने राम मंदिर ट्रस्टचे कोषाध्यक्ष स्वामी गोविंददेव गिरीजी महाराज यांच्या प्रमुख उपस्थितीमध्ये रविवारी (३ नोव्हेंबर) सकाळी १०. ३० ते सायंकाळी ७. ०० वाजेपर्यंत आझाद मैदान बेलापूर बुद्रुक (ता. श्रीरामपूर) येथे इस्त्रो स्पेस ऑन व्हील हा उपक्रम आयोजित करण्यात आला असल्याची माहिती गंगाधरशास्त्री बद्रिनारायणशेठ साळुंके सामाजिक प्रतिष्ठानचे अध्यक्ष प्रदिप साळुंके, अँड. मयुर साळुंके, अँड. अजिंक्य साळुंके यांनी दिली. या उपक्रमाबाबत अधिक माहिती देताना साळुंके म्हणाले, बेलापूर व परिसरातील विद्यार्थ्यांना अंतराळ विज्ञान आणि तंत्रज्ञानातील अद्ययावत घडामोडींची ओळख करून देण्यासाठी…

शनिवार, ०२ नोव्हेंबर पुणे – वंचित बहुजन आघाडीचे प्रमुख ॲड. प्रकाश आंबेडकर रुग्णालयात उपचार घेत आहे. त्यांच्यावर महत्त्वाच्या शस्त्रक्रिया पार पाडल्या असून त्यांनी रुग्णालयातून कार्यकर्ते, उमेदवार आणि आरक्षणवादी जनतेला एका व्हिडिओ संदेशाच्या माध्यमातून आवाहन केले आहे. त्यांच्या आवाहनाचा हा व्हिडिओ वंचित बहुजन आघाडीच्या ट्विटर हँडलवर टाकण्यात आला आहे. वंचित बहुजन आघाडीच्या राज्य प्रवक्ता उत्कर्षा रुपवते यांनी देखील हा व्हिडिओ आपल्या ट्विटर वरून शेअर केला आहे. https://x.com/URupwate/status/1852640976184979663?s=19 नेमकं काय म्हणाले ॲड. प्रकाश आंबेडकर… मी सध्या आयसीयूमध्ये आहे अँजिओग्राफी आणि अँजिओप्लास्टी दोन्ही झालेले आहेत डॉक्टरने निरीक्षणात ठेवलेले आहे. निवडणुकीची सुरुवात झालेली आहे. ही निवडणुक अत्यंत महत्त्वाची असून ओबीसीसाठीसुद्धा अत्यंत महत्त्वाची आहे, विधानसभेनंतर…

शनिवार, ०२ नोव्हेंबर राहाता – गणेश कारखान्याच्या इतिहासात प्रथमच तीन हजार रुपये उसाला दर मिळाल्याने चैतन्याचे वातावरण पसरले आहे. कारखाना कार्यस्थळावर संचालक मंडळ, कर्मचारी, सभासद, शेतकरी यांनी आनंदोत्सव साजरा केला. कर्मचाऱ्यांना पगार बोनस यासह रिटेन्शन रक्कम मिळाल्याने प्रथमच इतकी आनंदात दिवाळी आम्ही साजरी करतो आहोत, अशा भावना उपस्थितांनी व्यक्त केल्या. या ऐतिहासिक क्षणाचे साक्षीदार होण्यासाठी ज्यांनी योगदान दिले असे ज्येष्ठ काँग्रेस नेते आमदार बाळासाहेब थोरात आणि सहकार महर्षी शंकरराव कोल्हे कारखान्याचे अध्यक्ष विवेक कोल्हे यांचे सर्वांनी आभार व्यक्त केले. यावेळी कारखान्याचे अध्यक्ष सुधीर लहारे, उपाध्यक्ष विजय दंडवते, माजी अध्यक्ष अॅड. नारायण कार्ले, भगवान टिळेकर, डॉ. एकनाथ गोंदकर, संपतराव चौधरी, अनिल…

शनिवार, ०२ नोव्हेंबर पुणे – दोन महिन्यांपूर्वी संगमनेर मधील झरेकाठी येथील विवाहितेने पुण्यामध्ये आत्महत्या केली होती. पतीसह सासू-सासऱ्या विरोधात यासंदर्भात गुन्हा दाखल करण्यात आला होता. याप्रकरणी पुण्याच्या वडगाव मावळ न्यायालयाने सासू-सासऱ्याचा जामीन अर्ज मंजूर केला आहे.हुंड्याच्या मागणीच्या कारणावरून झरेकाठी येथील विवाहित महिलेने पुण्यामध्ये आपल्या आईच्या घरी आत्महत्या केल्याची घटना दोन महिन्यांपूर्वी ०१ सप्टेंबरला पुण्यात घडली होती. यासंदर्भात पुण्याच्या रावेत पोलीस ठाण्यात विवाहितेचा पती आणि सासू-सासऱ्यांविरोधात गुन्हा दाखल करण्यात आला होता.रावेत पोलिसांनी याप्रकरणी विवाहितेच्या पती आणि सासर्‍याला १९ सप्टेंबरला पहाटेच्या वेळी संगमनेर तालुक्यातील झरेकाठी येथून अटक केली होती.संगमनेर येथील वकील ऋषिकेश वाणी यांच्या वतीने आरोपी पती आणि सासऱ्याने नियमित जामिनासाठी तर…

दीपावली पाडवा आजच्या दिवसाचे राशिभविष्य  मेष – आज आपण खूप धाडसी असाल, आक्रमकही असाल. आज कार्यमग्न असाल. कामांमध्ये प्रगती होईल. आजचा दिवस आपल्यासाठी अनुकूल असल्यामुळे संधीचा फायदा घ्या. अध्यात्मिक प्रगती होईल. वृषभ – आज आपणाला अडचणीतून आणि तणावातून मुक्तता मिळणार आहे सहकाऱ्यांकडून आणि कुटुंबातील व्यक्तींकडून पूर्णपणे सहकार्य मिळणार आहे. आपल्या धैर्याने सर्व कामे पूर्ण करणार आहात. मिथुन – आज आपल्यामध्ये भरपूर आत्मविश्वास असणार आहे. आपला दृष्टिकोणही सकारात्मक असेल. आपल्या भावंडांच्या प्रकृतीविषयी कुरबुरी असू शकतील. कोणतेही मोठे बदल टाळा. कर्क – आजचा दिवस चांगला जाणार आहे. आपल्या कार्यावर प्रकाश पडणार आहे. घरातील जबाबदाऱ्या पूर्ण करणार आहात. आर्थिक प्राप्ती चांगल्यापैकी होणार आहे.…