Author: Annant Ppangarkar

संगमनेर – राज्यातील सहकार क्षेत्रासाठी नेहमीच दिशादर्शक ठरलेल्या सहकार महर्षी भाऊसाहेब थोरात सहकारी साखर कारखान्याच्या सन २०२५-२६ या गळीत हंगामाचा शुभारंभ गुरुवारी (३० ऑक्टोबर) सकाळी ९.०० वाजता होणार आहे. कारखान्याचे चेअरमन, लोकनेते व माजी मंत्री बाळासाहेब थोरात आणि कांचनताई थोरात यांच्या प्रमुख उपस्थितीत हा समारंभ पार पडेल, अशी माहिती व्हा. चेअरमन पांडुरंग पाटील घुले यांनी दिली आहे. यावेळी माजी आमदार डॉ. सुधीर तांबे, आमदार सत्यजित तांबे, माधवराव कानवडे, आणि डॉ. जयश्री थोरात हे देखील उपस्थित राहणार आहेत. माजी मंत्री बाळासाहेब थोरात यांच्या मार्गदर्शनाखाली हा कारखाना केवळ सभासदच नव्हे, तर कार्यक्षेत्राबाहेरील ऊस उत्पादकांचाही मोठा विश्वास संपादन करत आहे.  व्हा. चेअरमन पांडुरंग…

संगमनेर – अहिल्यानगर जिल्ह्याच्या वाढत्या गुन्हेगारी आणि ढासळलेल्या कायदा व सुव्यवस्थेबद्दल तीव्र चिंता व्यक्त करत आमदार सत्यजीत तांबे यांनी जिल्ह्याच्या पोलीस अधीक्षकांना एक सविस्तर पत्र लिहिले असून यात त्यांनी ‘अहिल्यानगर जिल्हा कायद्याचा बालेकिल्ला’ म्हणून प्रतिष्ठा प्रस्थापित करण्याची मागणी केली आहे. अहिल्यानगरचे जिल्हा पोलीस अधीक्षक सोमनाथ घार्गे यांना आमदार तांबे यांनी लिहिलेल्या पत्रात म्हटले आहे की, पुण्यश्लोक अहिल्यादेवी होळकर यांचे नाव नुकतेच जिल्ह्याला देण्यात आले आहे. अहिल्यादेवींचे उत्तम प्रशासनाचे कार्य देशाला दिशादर्शक ठरले आहे, परंतु त्यांच्या नावाने ओळखल्या जाणाऱ्या या जिल्ह्यात आता गुंडगिरी, महिलांवरील अत्याचार, चोऱ्या, दरोडे, अवैध धंदे आणि अमली पदार्थांची तस्करी वाढल्याने सामान्य नागरिक अस्वस्थ झाले आहेत. ड्रग्सचा वाढता…

संगमनेर – संगमनेर शहरातील अवैध धंद्यांमध्ये आता थेट नशेसाठी वापरल्या जाणाऱ्या औषधांची ‘ड्रग्स’ अर्थात अमली पदार्थांची भर पडल्याची अत्यंत धक्कादायक माहिती समोर आली आहे. आतापर्यंत चर्चा सुरू असलेल्या या व्यवसायासंदर्भात आता पोलीस कारवाईमुळे शिक्कामोर्तब झाले आहे. शहरातील एका नामांकित चौकातील ‘सप्लिमेंट शॉप’मध्ये डॉक्टरांच्या चिठ्ठीशिवाय तरुणाईला नशेसाठी लागणारे ड्रग्स (इंजेक्शन) विनापरवाना विकले जात असल्याचे पोलिसांच्या कारवाईत समोर आले आहे. संगमनेरमधील तरुण पिढीला नशेच्या जाळ्यात ओढणाऱ्या या प्रकाराने शहरात मोठी खळबळ उडाली आहे. दरम्यान याप्रकरणी गुन्हा दाखल होऊ नये म्हणून मोठा राजकीय हस्तक्षेप झाला, त्यामुळे साडेतीन वाजता घडलेल्या या घटनेत तब्बल सहा तासांच्या प्रतीक्षेनंतर रात्री उशिरा सव्वानऊ वाजता गुन्ह्याची नोंद झाली. संगमनेर…

संगमनेर – संगमनेर शहर पोलिसांच्या नाकासमोर सुरू असलेल्या बेकायदेशीर कत्तलखान्यावर पोलीस उपअधीक्षकांच्या पथकाने मंगळवारी पहाटेच्या वेळी छापेमारी केली आहे. शहरातील मदिना नगरमध्ये करण्यात आलेल्या या कारवाईत तीन लाख रुपये किमतीचे तब्बल दीड हजार किलो गोमांस पोलिसांनी हस्तगत केले आहे. संगमनेर मधील कत्तलखाने बंद असल्याचे भासविले जात असले तरी ते सुरूच आहे. पोलीस उपअधीक्षक डॉ. कुणाल सोनवणे यांना मंगळवारी पहाटे ०३.१० वाजण्याच्या सुमारास गोपनीय माहिती मिळाली की, संगमनेर शहरातील मदिनानगर या ठिकाणी सालीम साटम कुरेशी आणि गुलाम फरीद साबिर कुरेशी (दोघे रा. बुध्दविहार शेजारी, संगमनेर) हे पत्र्याच्या शेडमध्ये गोवंश कत्तल करत आहेत. मिळालेल्या माहितीच्या आधारे, उपाधीक्षक कुणाल सोनवणे यांनी आपल्या पथकातील…

संगमनेर – संगमनेर विधानसभा मतदारसंघातील मतदार याद्यांची सखोल पडताळणी (Systematic Inspection of Rolls – SIR) मोहीम राबवावी, या मागणीसाठी ‘राहुल गांधी समर्थक संघ’ आक्रमक झाला आहे. संघाच्या पदाधिकाऱ्यांनी आज (मंगळवारी 28 ऑक्टोबर) संगमनेरच्या तहसीलदारांना याबाबत लेखी निवेदन देऊन तातडीने कार्यवाहीची मागणी केली आहे. निवेदनात म्हटले आहे की, मतदार याद्यांमध्ये घोळ असल्याच्या तक्रारी वारंवार विविध माध्यमांतून समोर आल्या आहेत. निवडणूक प्रक्रिया निष्पक्ष आणि निर्भय वातावरणात पार पाडण्यासाठी या याद्यांची SIR द्वारे सखोल पडताळणी होणे अत्यंत आवश्यक आहे. राज्यव्यापी संघटनेने निवेदनात केरळ राज्याच्या परिस्थितीचा दाखला दिला आहे. पुढच्या महिन्यात केरळमध्ये स्थानिक स्वराज्य संस्थांच्या निवडणुका होणार असून, तेथे सध्या मतदार याद्यांची सखोल पडताळणी…

मेष (Aries): आजचा दिवस तुमच्यासाठी सकारात्मक परिणाम देणारा असेल. व्यवसायात चांगला नफा मिळू शकतो. वडिलोपार्जित संपत्तीचा वाद कोर्टात असल्यास विजय मिळण्याची शक्यता आहे. कामाच्या ठिकाणी अनुभवाचा फायदा होईल. कोणत्याही व्यक्तीवर डोळे झाकून विश्वास ठेवू नका आणि वादग्रस्त परिस्थितीत शांत राहा. वृषभ (Taurus): आजचा दिवस चांगला राहील. तुम्ही कामावर लक्ष केंद्रित कराल. व्यवसायातील अडथळे दूर करण्यासाठी मोठा निर्णय घेऊ शकता. मोठे निर्णय घेण्यासाठी हा दिवस चांगला आहे. अनावश्यक खर्चावर नियंत्रण ठेवावे लागेल. मिथुन (Gemini): व्यवसाय करणाऱ्यांनी आज संधींचा फायदा घ्यावा. घरात धार्मिक यात्रेशी संबंधित योजना आखली जाऊ शकते. कुटुंबासोबत जास्त वेळ घालवल्याने आराम आणि आनंद मिळेल. खर्चात वाढ झाल्यामुळे थोडा तणाव…

संगमनेर – आमदार सत्यजीत तांबे यांच्या सातत्यपूर्ण पाठपुराव्यामुळे संगमनेरमधील कष्टकरी आणि बेघर कुटुंबांना आता स्वतःचे हक्काचे घर मिळण्याच्या प्रशासकीय कामांना मोठा वेग आला आहे. आज (सोमवारी, २७ ऑक्टोबर) आमदार तांबे यांनी येथील उपविभागीय अधिकारी यांच्या कार्यालयात एक महत्त्वपूर्ण बैठक घेऊन या गृहनिर्माण प्रकल्पांचा सविस्तर आढावा घेतला. बेघरांना त्वरित घर देण्यासाठी शासकीय पातळीवर तातडीने कार्यवाही सुरू झाली असल्याची माहिती या बैठकीत मिळाली आहे. बैठकीसाठी संगमनेरचे उपविभागीय अधिकारी अरुण उंडे, गटविकास अधिकारी प्रवीण सिनारे, संगमनेर नगर परिषदेच्या प्रभारी मुख्याधिकारी धनश्री पवार यांच्यासह महाराष्ट्र कामगार संघटनेचे अध्यक्ष सचिन साळुंखे आणि मोठ्या संख्येने गरजू महिला उपस्थित होत्या. प्रशासकीय पातळीवर सर्व संबंधित प्रलंबित कामांची माहिती…

संगमनेर: एकेकाळी ‘सुरक्षित, सुसंस्कृत आणि वैभवशाली’ अशी ओळख असलेल्या संगमनेर शहरात सध्या प्रशासकीय पातळीवर वाढलेली अस्वच्छता, अनियमित पाणी-वीज पुरवठा, अवैध फ्लेक्सबाजी आणि मोकाट जनावरांच्या त्रासाला नागरिक अक्षरशः कंटाळले आहेत. या गंभीर समस्यांकडे नगर परिषदेचे होत असलेले दुर्लक्ष पाहून संगमनेरकरांनी आज सोमवारी नगर परिषदेवर भव्य मोर्चा काढून ‘हल्लाबोल’ केला. येत्या आठ दिवसांत या समस्यांवर प्रभावी उपाययोजना न झाल्यास शहरवासीय भव्य ‘चक्का जाम’ आंदोलन करतील, असा आक्रमक इशारा आंदोलकांनी दिला आहे. माजी नगराध्यक्ष दुर्गाताई तांबे, सोमेश्वर दिवटे, गजेंद्र अभंग, शैलेश कलंत्री, डॉ. दानिश रईस खान, शुभम परदेशी, बादल जेधे, सिद्राम दिड्डी, निखिल पापडेजा, हैदरअली सय्यद, संदीप लोहे, बाजीराव शेरमाळे, नाना वाघ, सतीश…

संगमनेर – निळवंडे धरण व कालवे आपण पूर्ण केले; मात्र याचे श्रेय दुसरेच घेत आहेत. भोजापूर चारी कामासाठी पाठपुरावा करून या भागातील गावांकरिता सुरू केलेल्या उपसा जलसिंचन योजना विद्यमान सत्ताधाऱ्यांनी रद्द केल्या असून, या योजनांवरील स्थगिती तातडीने उठवून पाणी द्यावे, अशी मागणी काँग्रेसच्या राष्ट्रीय वर्किंग कमिटीचे सदस्य तथा माजी मंत्री बाळासाहेब थोरात यांनी केली. तसेच, छत्रपती शिवाजी महाराजांचा विचार हा जगाला मानवतेचा संदेश देणारा असल्याचे प्रतिपादन त्यांनी केले. काकडवाडी येथे छत्रपती शिवाजी महाराजांच्या पुतळा सुशोभीकरण व सेवा सोसायटीच्या लोकार्पण सोहळा कार्यक्रमात ते बोलत होते. यावेळी अध्यक्षस्थानी खासदार भाऊसाहेब वाकचौरे होते. व्यासपीठावर बी. आर. चकोर, शिवसेनेचे अमर कतारी, संपतराव गोडगे, सुभाष…

मका, कांदा, कापूस, डाळिंब आणि झेंडू पिकांचे मोठे नुकसान; उर्वरित शेतकऱ्यांच्या खात्यात लवकरच रक्कम जमा होणार संगमनेर – सप्टेंबर महिन्यात अहिल्यानगर जिल्ह्यात झालेल्या अतिवृष्टीमुळे संगमनेर तालुक्यातील शेतकरी हवालदिल झाले होते. मात्र, आता या नुकसानग्रस्त शेतकऱ्यांसाठी एक मोठी आणि दिलासादायक बातमी आहे. तालुक्यातील १०८ गावांमध्ये अतिवृष्टीमुळे बाधित झालेल्या २५,९७१ हेक्टरवरील पीक नुकसानीपोटी २२ कोटी २० लाख रुपये इतकी भरपाईची रक्कम महसूल विभागाने थेट शेतकऱ्यांच्या बँक खात्यावर वर्ग केली आहे, अशी माहिती तालुका कृषी अधिकारी रेजा बोडके यांनी दिली. सप्टेंबर महिन्यात झालेल्या या अतिवृष्टीने संगमनेर तालुक्यात मोठे नुकसान झाले. विशेषतः आश्वी खुर्द, आश्वी बुद्रुक, शिबलापूर, पानोडी, उबरी बाळापुर, रहिमपूर, कोकणगाव, वडगावपान, जोर्वे,…

संगमनेर – संगमनेर नगरपालिकेच्या आगामी निवडणुकीसाठी जाहीर झालेल्या मतदार याद्या वादाच्या भोवऱ्यात सापडल्या आहेत. १५ प्रभागांतील मतदार यादीत नाव समाविष्ट करण्याबाबत तब्बल १७३० हरकती (आक्षेप) दाखल झाल्या असून, यावर मंगळवारी (दि. २८) प्रांताधिकारी कार्यालयात निर्णायक सुनावणी होणार आहे. नगरपालिकेच्या निवडणुकीसाठी अंतिम प्रभाग रचना जाहीर झाल्यानंतर मतदार याद्या प्रसिद्ध करण्यात आल्या होत्या. या याद्यांमध्ये अनेक प्रभागांतील मतदारांची नावे चुकीने दुसऱ्या प्रभागात समाविष्ट झाल्याचे उघड झाले. यामुळे, आपले नाव योग्य प्रभागात समाविष्ट करून घेण्यासाठी स्वतः मतदारांनी आणि इच्छुक नगरसेवकांनी/कार्यकर्त्यांनी मोठ्या संख्येने हरकती नोंदवल्या.  पालिकेच्या प्रभारी मुख्याधिकारी धनश्री पवार यांनी दिलेल्या माहितीनुसार, पंधरा प्रभागांत एकूण १७३० हरकती नोंदविण्यात आल्या आहेत. दाखल झालेल्या हरकती…

संगमनेर – पुणे-नाशिक राष्ट्रीय महामार्गावर संगमनेर तालुक्यातील चंदनापुरी शिवारात काल रविवारी सकाळी मालवाहतूक कंटेनर उलटल्याने मोठी वाहतूक कोंडी झाली होती. हा प्रमुख महामार्ग बराच वेळ वाहतुकीसाठी पूर्णपणे ठप्प झाला होता, यामुळे महामार्गाच्या दोन्ही बाजूंना वाहनांच्या मोठ्या अंतरापर्यंत लांब रांगा लागल्या होत्या. या अपघातात कंटेनरचालकासह तिघे किरकोळ जखमी झाले आहेत. मिळालेल्या माहितीनुसार, पुण्याकडून नाशिकच्या दिशेने जात असलेला मालवाहतूक कंटेनर चंदनापुरी शिवारातील जावळे वस्तीजवळ आला असता, त्याचे ब्रेक अचानक फेल झाले. ब्रेक निकामी झाल्यामुळे चालकाचे कंटेनरवरील नियंत्रण सुटले आणि वाहन थेट रस्त्याच्या मध्यभागी असलेल्या दुभाजकावर जाऊन आदळले. या जोरदार धडकेमुळे कंटेनर रस्त्यावरच उलटला आणि त्याने महामार्गावरील दोन्ही लेन अडवून टाकल्या. हा अपघात…

मेष: आज तुम्ही ठरवलेली कामे सहज पूर्ण करू शकाल, पण प्रयत्न चुकीच्या दिशेने होत आहेत असे वाटेल. व्यवसायात धोका पत्करल्यास तो फायदेशीर ठरेल. कुटुंबात मतभेद होऊ शकतात, ते चांगले वागून दूर करा. रागावर नियंत्रण ठेवा. नोकरी/व्यवसायात बुद्धिमत्तेचा वापर करून यश मिळवाल. एखादे मंगल कार्य किंवा प्रवासाचे योग संभवतात. वृषभ: आज हाती घेतलेले काम पूर्ण न झाल्याने थोडी निराशा येऊ शकते. कार्यात यश मिळायला विलंब लागेल. नवीन काम सुरू करण्यासाठी आजचा दिवस अनुकूल नाही. प्रवासात अडथळे येऊ शकतात. कामाच्या व्यापामुळे थकवा जाणवेल, मानसिक शांततेसाठी प्रयत्न करावे लागतील. मिथुन: आजचा दिवस शुभ आणि आनंददायी असेल. आर्थिक लाभ होण्याची दाट शक्यता आहे. गुंतवणुकीतून…

संगमनेर – थोरात परिवाराने सात दशकांहून अधिक काळ महाराष्ट्राची सेवा केली असून सर्वांना सोबत घेऊन जाणारे, अत्यंत स्वच्छ व पारदर्शी काम करणारे बाळासाहेब थोरात यांच्या नेतृत्वामुळेच संगमनेर तालुक्याची सर्व क्षेत्रात मोठी प्रगती झाली आहे, असे गौरवोद्गार शरद पवार राष्ट्रवादी काँग्रेस पक्षाच्या खासदार व संसदरत्न सुप्रिया सुळे यांनी काढले. खासदार सुप्रियाताई सुळे यांनी रविवारी संगमनेरला सदिच्छा भेट दिली. यावेळी त्या बोलत होत्या. युवक काँग्रेसच्या अध्यक्ष डॉ. जयश्री थोरात यांनी त्यांचे स्वागत केले. याप्रसंगी माजी मंत्री बाळासाहेब थोरात, राष्ट्रवादी शरद पवार पक्षाचे जिल्हाध्यक्ष संदीप वर्पे, तालुकाध्यक्ष अजय फटांगरे, सुधीर म्हस्के, कार्यकारी संचालक जगन्नाथ घुगरकर, मुख्य कार्यकारी अधिकारी अनिल शिंदे, डॉ. सुजित खिलारी…

आपल्या खोटारडेपणाला लगाम न घालणार्‍या राज्य आणि देशाच्या निवडणूक आयोगाला आता राज ठाकरे यांची भाषाच आवश्यक आहे, असं दिसतं. असंख्य चुकांचं गाठोडं घेऊन तरीही स्वत:ला साव समजणार्‍या निवडणूक आयोगाला राज ठाकरे यांनी थेट आव्हान दिलं आहे. तुम्ही केलेल्या चुका सुधारल्याशिवाय निवडणुका घ्यायच्या नाहीत, असे खडेबोल राज ठाकरे यांनी सुनावले आहेत. देशभर मतचोरीचा आरोप होत असताना निवडणूक आयोग दगडाच्या मूर्तीसारखा निस्तेज आहे. आपणच खरे, असा रुबाब आयोगाच्या अधिकार्‍यांचा आहे. सेवेतून निवृत्त झालेल्या यातल्या बर्‍याचशा अधिकार्‍यांची आयोगावर वर्णी लावण्यात आली, हे सरकारने आपल्यावर केलेले उपकारच आहेत, अशा मश्गुलीत अधिकारी वावरत आहेत. सरकार आणि सत्ताधारी पक्षाच्या वाटचळणीला त्यांनी आपली बुध्दी टाकली आहे. यामुळेच…

मेष (Aries): महत्त्वाची कामे दुपारनंतर मार्गी लागतील. धार्मिक कार्यात सहभाग वाढेल. आपले विचार स्पष्ट ठेवणे फायद्याचे ठरेल. वृषभ (Taurus): आरोग्याच्या लहान-सहान तक्रारी जाणवतील. तुमचा इतरांवर प्रभाव राहील. कामात सावधगिरी बाळगा. मिथुन (Gemini): हितशत्रूंचा त्रास संभवतो, सावध रहा. जोडीदाराची अपेक्षित साथ लाभेल. उत्पन्नाचे नवे स्रोत निर्माण होतील. कर्क (Cancer): महत्त्वाची कामे दुपारपूर्वी उरकून घ्यावीत. आर्थिक क्षेत्रात धाडस करण्यास हरकत नाही, उत्तम लाभ मिळण्याची शक्यता आहे. सिंह (Leo): बौद्धिक आणि शैक्षणिक क्षेत्रात प्रगती होईल. व्यवसायात वाढ होण्याची शक्यता आहे. आत्मविश्वास वाढेल. कन्या (Virgo): राहत्या जागेचे प्रश्न मार्गी लागतील. मनोबल आणि आत्मविश्वास वाढेल. अनावश्यक वाद टाळा. तूळ (Libra): एखादी महत्त्वाची जबाबदारी येऊन पडेल.…

संगमनेर – विधानसभा निवडणुकीप्रमाणेच आगामी स्थानिक स्वराज्य संस्थांच्या निवडणुकीतही मोठे परिवर्तन होईल, भारतीय जनता पक्षात (भाजप) जिल्ह्यातून अनेकजण प्रवेश करण्यास इच्छुक असून, पक्षाची क्षमता वाढवणाऱ्या लोकांना बरोबर घेण्याचे धोरण आहे. या दृष्टीने स्थानिक स्वराज्य संस्थांच्या निवडणुकीपूर्वी पक्षाच्या विस्ताराचे काम सुरू आहे, अशी माहिती जलसंपदा तथा पालकमंत्री ना. राधाकृष्ण विखे पाटील यांनी माध्यमांशी बोलताना दिली.  महायुतीच्या संगमनेरमधील दिपावली स्नेहमिलन कार्यक्रमानंतर ते माध्यमांशी संवाद साधत होते. राष्ट्रवादी शरद पवार गटाच्या नेत्यांच्या भेटीबाबत विचारलेल्या प्रश्नावर बोलताना विखे पाटील म्हणाले की, श्रीमती सुनिता भांगरे आणि अमित भांगरे यांनी भेट घेतली, यावेळी माजी आमदार वैभव पिचड उपस्थित होते. जिल्ह्यात स्थानिक स्वराज्य संस्थांच्या निवडणुकीपूर्वी ‘ऑपरेशन लोटस’…

संगमनेर: स्थानिक स्वराज्य संस्थेच्या निवडणुकीच्या पार्श्वभूमीवर संगमनेरमध्ये मोठा राजकीय फेरबदल घडला आहे. नगरपालिका निवडणुकीमध्ये एमआयएम (AIMIM) पक्ष आपले उमेदवार उभे करणार असल्याची व त्यासाठी पक्षप्रमुख माजी खासदार इम्तियाज जलील हे संगमनेरात लवकरच यासंबंधीची घोषणा करणार असल्याची माहिती एमआयएमचे शहराध्यक्ष दानिश मिर्झा यांनी दिली आहे. आगामी नगरपालिका निवडणुकीत एमआयएमची एन्ट्री झाल्यास राजकीय गणिते बदलू शकतात. नगरसेवकांचे थेट नगराध्यक्ष पदासाठी एमआयएम कडून उमेदवार मैदानात उतरवला जाण्याची चिन्ह निर्माण झाली आहे. यासाठी छत्रपती संभाजीनगरमध्ये नुकत्याच पार पडलेल्या एका बैठकीत संगमनेरचे राष्ट्रवादी काँग्रेसचे माजी नगरसेवक शरीफ शेख यांच्या पत्नीचे नाव चर्चेत आले आहे. शहरात मुस्लिम मतदारांची लक्षणीय संख्या असल्याने एमआयएम पक्षाने ही निवडणूक लढवण्याचा…

संगमनेर – पठारभागातील भाजपचे सक्रिय कार्यकर्ते बुवाजी भागाजी खेमनर (वय ४९) यांचे हृदयविकाराच्या तीव्र झटक्याने दुर्दैवी निधन झाले. खेमनर यांच्या निधनाचे वृत्त समजताच, काँग्रेस पक्षाचे ज्येष्ठ नेते आणि माजी मंत्री बाळासाहेब थोरात यांनी आज खेमनर यांच्या निवासस्थानी जाऊन त्यांच्या शोकाकुल कुटुंबीयांची भेट घेतली व त्यांचे सांत्वन केले. यावेळी थोरात यांनी खेमनर यांच्या निधनाबद्दल तीव्र दुःख व्यक्त केले आणि त्यांच्या कुटुंबीयांना धीर दिला. खेमनर यांच्या अकाली जाण्याने संपूर्ण परिसरात आणि राजकीय, सामाजिक वर्तुळात शोककळा पसरली आहे. समाजकारण, लोकसेवा आणि कार्यकर्त्यांशी आपुलकीचे व जिव्हाळ्याचे संबंध जपणारे व्यक्तिमत्त्व म्हणून त्यांची ओळख होती. खेमनर यांच्या निधनामुळे साकूर पठारभागातील राजकीय, सामाजिक आणि लोकसेवेच्या क्षेत्रात मोठी…

संगमनेर – संगमनेरच्या विकासासाठी सामाजिक क्षेत्रात कार्यरत असलेल्या ‘आय लव्ह संगमनेर’ या संस्थेच्या माध्यमातून दि. १६ नोव्हेंबर रोजी संगमनेर ‘श्री’ म्हणजेच शरीरसौष्ठव (बॉडी बिल्डिंग) स्पर्धेचे आयोजन करण्यात आले आहे. शहरातील युवक-युवतींना फिटनेस, स्नायूंचा विकास आणि शरीरसौष्ठव प्रदर्शन करण्याची संधी देण्यासाठी ही स्पर्धा आयोजित केली जात आहे. या स्पर्धेचे आयोजन संगमनेर शहरातील मालपाणी लॉन्स येथे होणार आहे. स्पर्धेत पुरुष आणि महिला Classic, Physique व Fitness अशा विविध विभागांमध्ये सहभागी होऊ शकतील. इच्छुक स्पर्धकांनी ‘ilovesangamner.org’ या संकेतस्थळावर जाऊन लवकरच नोंदणी करावी आणि आपला सहभाग सुनिश्चित करावा, अशी माहिती प्रकल्प प्रमुख नचिकेत खोले यांनी दिली. यावेळी बोलतांना खोले म्हणाले की, आमदार सत्यजीत तांबे…