Author: Annant Ppangarkar
शुक्रवार, २५ ऑक्टोबर २०२४ मेष – कौटुंबिक सौख्य लाभून संततीकडून त्यांच्या प्रगतीपर बातम्या मिळतील. व्यवसाय-धंद्यात जुनी येणी वसूल होतील. आत्मविश्वासात वाढ होऊन जिद्द व चिकाटी वाढेल. महत्त्वाच्या कामात यश मिळेल. वृषभ – आरोग्य उत्तम राहून उत्साहात भर पडेल. दैनंदिन आपली रोजची कामे आपण वेळेवर पूर्ण करू शकाल. काही महत्त्वाच्या गाठीभेटी झाल्यामुळे दीर्घकाळ रखडलेली कामे पूर्ण करता येतील. मिथुन – महत्त्वाची कामे दुपारपूर्वी उरकून घ्यावीत. नियोजनात आयत्या वेळेस काही महत्त्वाचे बदल करावे लागतील. कुटुंबातून सहकार्य लाभेल. सरकारी कामांना विलंब लागण्याची शक्यता. कर्क – आपल्या कार्यक्षेत्रात वरिष्ठांचे तसेच हाताखालील मंडळींचे अपेक्षित असलेले सहकार्य मिळेल. आर्थिक लाभ होतील. कुटुंबासाठी तसेच स्वतःसाठी काही नवीन…
गुरुवार, २४ ऑक्टोंबर मुंबई – विधानसभा निवडणुकीसाठी काँग्रेसच्या ४८ उमेदवारांची पहिली यादी जाहीर झाली आहे. या यादीत अपेक्षेप्रमाणे बाळासाहेब थोरात, पृथ्वीराज चव्हाण, नाना पटोले, अमित देशमुख, विजय वडेट्टीवार यांच्यासह राज्यातील प्रमुख नेत्यांना स्थान देण्यात आलं आहे. एआयसीसीचे जनरल सेक्रेटरी के सी वेणुगोपाल यांनी गुरुवारी काँग्रेसची ४८ उमेदवारांची पहिली यादी जाहीर केली. शिवसेना (उद्धव ठाकरे), राष्ट्रवादी काँग्रेस शरदचंद्र पवार यांच्या पाठोपाठ काँग्रेसने देखील उमेदवारी यादी जाहीर केल्याने महाविकास आघाडीतील प्रमुख पक्षांचे बहुतांशी उमेदवार स्पष्ट झाले आहेत. विधिमंडळाचे सर्वात ज्येष्ठ सदस्य असलेले राज्याचे माजी मंत्री, काँग्रेसचे ज्येष्ठ नेते आमदार बाळासाहेब थोरात नवव्यांदा संगमनेरमधून निवडणुकीला सामोरे जात आहे. काँग्रेसचे उमेदवार पुढीलप्रमाणे… अक्कलकुवा -…
गुरुवार, २६ ऑक्टोबर मुंबई – उद्धव ठाकरे यांच्या शिवसेना पाठोपाठ गुरुवारी राष्ट्रवादी काँग्रेस शरद चंद्र पवार पक्षाची पहिली यादी जाहीर करण्यात आली. या यादीत ४५ उमेदवारांचा समावेश आहे. अहिल्यानगर जिल्ह्यातील पारनेर, राहुरी, कोपरगाव, शेवगाव आणि कर्जत-जामखेड मतदार संघातील उमेदवार जाहीर करण्यात आले आहे. जयंत पाटील, अनिल देशमुख, राजेश टोपे, जितेंद्र आव्हाड, जयप्रकाश दांडेगावकर, गुलाबराव देवकर, हर्षवर्धन पाटील, बापूसाहेब पठारे, रोहिणी खडसे, युगेंद्र पवार, रोहित आर आर पाटील यांचा प्रमुख उमेदवारांमध्ये समावेश आहे. पारनेरमधून अहिल्या नगरचे विद्यमान खासदार निलेश लंके यांच्या पत्नी राणी लंके, राहुरीमधून विद्यमान आमदार प्राजक्त तनपुरे, कोपरगावमधून संदीप वर्पे, शेवगावमधून प्रताप ढाकणे आणि कर्जत जामखेड मधून विद्यमान आमदार…
गुरुवार, २४ ऑक्टोंबर संगमनेर – संगमनेर विधानसभा मतदारसंघातून गुरुवारी ‘ऑल इंडिया फॉरवर्ड ब्लॉक’ पक्षाच्या वतीने भागवत धोंडीबा गायकवाड यांनी आपला उमेदवारी अर्ज निवडणूक निर्णय अधिकारी शैलेंद्र हिंगे यांच्याकडे दाखल केला. तर आतापर्यंत २६ इच्छुकांनी ५३ उमेदवारी अर्ज नेले आहेत. संगमनेर विधानसभा मतदारसंघातून एकमेव उमेदवारी अर्ज दाखल झाला आहे. शासकीय सुट्ट्यांचा कालावधी वजा जाता उमेदवारी अर्ज भरण्यासाठी शेवटचे तीन दिवस उरले आहेत. त्यामुळे या तीन दिवसात मोठ्या संख्येने उमेदवारी अर्ज दाखल होण्याची चिन्ह आहेत. गुरुवारी भारत संभाजी भोसले, विठ्ठल संतोष अभंग, अब्दुल अजीज अहमद शरीफ व्होरा (वंचित बहुजन आघाडी), संपत मारुती कोटकर (वंचित बहुजन आघाडी), विक्रमसिंह सतीशराव खताळ पाटील (भारतीय जनता…
गुरुवार, २६ ऑक्टोंबर संगमनेर – संगमनेर तालुक्यात विविध सहकारी संस्थांच्या माध्यमातून चांगला सहकार आणि निर्माण झालेली चांगली संस्कृती यापुढील काळात जपायची असल्याचे प्रतिपादन करताना सहकार महर्षी सहकारी साखर कारखान्याच्या कार्यक्षेत्रातील ऊस उत्पादकांसाठी ३०१५ रुपयांचा मागील हंगामाचा प्रति टनाचा ऊस भाव माजी मंत्री, काँग्रेसचे विधिमंडळ पक्ष नेते आमदार बाळासाहेब थोरात यांनी जाहीर केला. गुरुवारी थोरात यांच्या हस्ते सहकार महर्षी भाऊसाहेब थोरात सहकारी साखर कारखान्याच्या गळीत हंगामाचा बॉयलर अग्नी प्रदीपन शुभारंभ झाला. यावेळी ते बोलत होते. अध्यक्षस्थानी कारखान्याचे अध्यक्ष बाबा ओहोळ होते. माजी आमदार डॉ. सुधीर तांबे, कांचनताई थोरात यांच्यासह सहकारातील संस्थांचे पदाधिकारी व कार्यकर्ते उपस्थित होते. थोरात म्हणाले, सहकार महर्षी भाऊसाहेब…
गुरुवार, २४ ऑक्टोंबर विधानसभा निवडणुकीची धामधूम सुरू असताना दीपावली सणाच्या पार्श्वभूमीवर संगमनेर तालुका सहकारी दूध उत्पादक व प्रक्रिया (राजहंस दूध) दूध उत्पादक, कर्मचारी आदींच्या बँक खात्यावर ३७ कोटी रुपये वर्ग केले असल्याची माहिती संघाचे अध्यक्ष रणजीतसिंह देशमुख यांनी दिली आहे. दूध उत्पादक संस्थांनी गेल्या वर्षात पुरविलेल्या चांगल्या गुणप्रतीच्या दुधावर संघामार्फत दूध उत्पादकांना दिपावलीनिमित्त दूध दर फरक, दूधाचे पेमेंट, अनामत, कामगारांना बोनस आणि मेहनताना, व्यापारी देणे, चढ-उतार निधी आदींचा यात समावेश आहे. देशमुख म्हणाले, माजी मंत्री आमदार बाळासाहेब थोरात यांच्या मार्गदर्शनाखाली दूध संघाची वाटचाल कायमच कौतुकास्पद राहिलेली आहे. दूध संघाची मागील वर्षाची उलाढाल ५३८.१० कोटी रूपये झाली. दूध संघाकडून दरवर्षी चांगल्या…
गुरुवार, २४ ऑक्टोंबर अहिल्यानगर – एमआयडीसीमध्ये गॅस पाईपलाईनचे कामकाज सुरू करण्यासाठी ठेकेदाराकडे दहा लाख रुपयांची खंडणी मागणाऱ्या दोघांविरुद्ध एमआयडीसी पोलीस ठाण्यात गुन्हा दाखल करण्यात आला आहे. ऐन निवडणुकीच्या तोंडावर हा प्रकार समोर आला. गॅस पाईपलाईनच्या कामासाठी दोघांनी दहा लाख रुपये खंडणीची मागणी केली असल्याची तक्रार बीपीसीएल गॅस पाईपलाईनचे ठेकेदार अंकित पारस पिचा (वय ३० हल्ली रा. पाईपलाईन रस्ता, सावेडी, अहिल्यानगर) यांनी पोलिसांकडे आहे. ठेकेदाराच्या तक्रारीवरून सोमनाथ कराळे (पूर्ण नाव माहिती नाही, रा. नागापूर, अहिल्यानगर) व एक अनोळखी इसम यांच्याविरूध्द हा गुन्हा दाखल करण्यात आला आहे. गॅस कंपनीचे ठेकेदार ५ ऑक्टोबरला एमआयडीसी कार्यालय बाहेर उभे असताना तेथे आलेल्या सोमनाथ कराळे याने…
गुरुवार, २४ ऑक्टोबर २०२४ मेष – वैवाहिक सुख लाभून संतती सौख्य मिळेल. व्यवसाय धंद्यातील रखडलेली जुनी येणी वसूल होतील. आजूबाजूला अनुकूलता भरून राहिल्याने उत्साह आणि उमेद वाढेल. वृषभ – आपल्या व्यक्तिमत्त्वाचा इतरांवरती प्रभाव पडून आपली महत्त्वाची कामे पूर्ण करून घेण्यात यशस्वी व्हाल. महत्त्वाची कामे पूर्ण करण्यासाठी मित्रमंडळींचा तसेच समाजातील मान्यवरांची मदत मिळेल. मिथुन – काही महत्त्वाच्या कामांमध्ये अडथळे निर्माण झाल्यासारखे वाटू शकतात पण जिद्द आणि चिकाटी ठेवणे गरजेचे आहे. कार्यमग्न रहा. इतरांवर डोळे झाकून विश्वास ठेवणे धाडसाचे ठरेल. कर्क – नोकरीमध्ये वरिष्ठांचे तसेच सहकाऱ्यांचे सहकार्य अपेक्षेप्रमाणे लाभेल. काही महत्त्वाचे बदल घडू शकतात ते बदल आपल्याला फायदेशीर ठरतील. मित्रमंडळींच्या समवेत मनोरंजनाकरीता…
बुधवार, २३ ऑक्टोबर मुंबई – महाविकास आघाडीचा जागावाटपाचा तिढा काही अंशी सुटला असून त्यानंतर उद्धव ठाकरेंच्या शिवसेनेने उमेदवारांची पहिली यादी जाहीर केली आहे. पहिल्या यादीतून त्यांनी ६५ उमेदवार जाहीर केले आहेत. या यादीनुसार आदित्य ठाकरे वरळी मतदारसंघातून लढणार असून मुख्यमंत्री एकनाथ शिंदे यांच्या विरोधात केदार दिघे मैदानात उतरणार आहे. ठाकरेंच्या शिवसेनेनं जाहीर केलेल्या यादीत काही वादग्रस्त जागांचाही समावेश आहे. यातील काही जागांवर काँग्रेसनं तर काही जागांवर अन्य छोट्या पक्षांनी दावा केलेला आहे. त्यामुळं उलटसुलट चर्चा सुरू झाली होती. महाविकास आघाडीच्या पत्रकार परिषदेत संजय राऊत यांना याबाबत प्रश्न विचारण्यात आला. त्यावर त्या यादीत काही दुरुस्त्या आहेत. त्यात काही प्रशासकीय चुका आहेत.…
बुधवार, २३ ऑक्टोंबर अहिल्यानगर – विधानसभा सार्वत्रिक निवडणूक २०२४ साठी १५ ऑक्टोबर २०२४ पासून आदर्श आचारसंहिता लागू झाली आहे. १५ ते २२ ऑक्टोबर २०२४ पर्यंत जिल्ह्यात सी-व्हिजिल (C-Vigil app) ॲपवर एकूण ३९ तक्रारी प्राप्त झाल्या. दाखल झालेल्या तक्रारीपैकी २८ तक्रारी आचारसंहिता विभागाकडून निकाली काढण्यात आल्या आहेत. उर्वरित ११ तक्रारींपैकी २ तक्रारी इतर जिल्ह्यांच्या असल्याने संबंधित जिल्ह्यांना वर्ग करण्याबरोबरच ९ तक्रारी विषयाशी संबंधित नसल्याने त्या निर्गत करण्यात आल्या. तक्रारींचा निपटारा करण्याचा वेळ सरासरी ३१ मिनिट व ३९ सेंकंदाचा असल्याची माहिती आचार संहिता कक्षातर्फे देण्यात आली आहे. निकाली काढण्यात आलेल्या तक्रारीमध्ये अहमदनगर विधानसभा मतदारसंघाच्या १५, अकोले १, पारनेर १, शेवगाव १, कोपरगाव…
बुधवार, २३ ऑक्टोंबर मुंबई – महायुतीचा घटक पक्ष असलेल्या उपमुख्यमंत्री अजित पवार यांच्या राष्ट्रवादी काँग्रेसची पहिली ३८ उमेदवारांची यादी प्रदेशाध्यक्ष सुनील तटकरे यांनी बुधवारी जाहीर केली. उपमुख्यमंत्री अजित पवार बारामती मतदारसंघातून निवडणूक लढविणार आहेत. बुधवारी जाहीर करण्यात आलेल्या पहिल्या यादीमध्ये अहिल्यानगर जिल्ह्यातील तीन मतदारसंघांचा समावेश आहे. या तीनही मतदार संघातून विद्यमान आमदारांना पुन्हा उमेदवारी जाहीर करण्यात आली आहे. पहिल्या यादीत अहमदनगर शहरमधून संग्राम जगताप, कोपरगावमधून आशुतोष काळे व अकोलेमधून डॉ. किरण लहामटे यांना उमेदवारी देण्यात आले आहे. याशिवाय या यादीत राष्ट्रवादी काँग्रेसच्या छगन भुजबळ, दिलीप वळसे पाटील, हसन मुश्रीफ, धनंजय मुंडे, नरहरी झिरवाळ, धर्मराव बाबा आत्राम, आदिती तटकरे, संजय बनसोडे,…
बुधवार, २३ ऑक्टोंबर मुख्यमंत्री एकनाथ शिंदे यांच्या आदेशावरून शिवसेनेची पहिली उमेदवारी यादी जाहीर झाली असून पहिल्या यादीत ४५ जणांचा समावेश आहे. मुख्यमंत्री शिंदे स्वतः कोपरी पाचपाखाडी विधानसभा मतदारसंघातून निवडणूक लढविणार आहे. याशिवाय पहिल्या यादीत गुलाबराव पाटील, संजय राठोड, संतोष बांगर, अर्जुन खोतकर, अब्दुल सत्तार, प्रदीप जैस्वाल, संजय शिरसाट, सुहास कांदे, दादा भुसे, प्रताप सरनाईक, यामिनी जाधव, भरत गोगावले, तानाजी सावंत, शहाजी बापू पाटील, शंभुराजे देसाई, दीपक केसरकर आदी उमेदवारांचा प्रमुख उमेदवारांत समावेश आहे. संगमनेर विधानसभा मतदारसंघाची जागा गेल्या अनेक वर्षापासून ठाकरे यांच्या शिवसेनेकडे आहे. शिवसेना फुटीनंतर ही जागा मुख्यमंत्री शिंदे यांच्याकडे असल्याचे म्हटले जाते. शिंदे गटाकडे प्रबळ उमेदवार नसल्याने भाजपचे…
बुधवार, २४ ऑक्टोंबर दूधगंगा नागरी सहकारी पतसंस्थेच्या सुमारे ८१ कोटी रुपयांच्या अपहार प्रकरणी गेल्या अनेक दिवसांपासून जामीन मिळण्याच्या प्रतीक्षेत असलेल्या मुख्य आरोपी चेअरमन भाऊसाहेब कुटे याच्या जामीन अर्जावर मंगळवारी संगमनेरच्या जिल्हा व अतिरिक्त सत्र न्यायालयाने निर्णय देत जामीन अर्ज फेटाळला. यामुळे कुटेंची दिवाळी आता कारागृहात साजरी होणार आहे. ऐन दीपावलीच्या पार्श्वभूमीवर न्यायालयाने हा निर्णय दिल्याने ठेवीदारांनी समाधान व्यक्त केले आहे. ऑगस्ट २०२३ मध्ये दूधगंगा नागरी सहकारी पतसंस्थेचा आर्थिक घोटाळा समोर आला लेखा परीक्षकांनी दिलेल्या फिर्यादीनुसार सुमारे ८१ कोटी रुपयांच्या या घोटाळ्याच्या गुन्ह्यामध्ये मुख्य आरोपींत पतसंस्थेचा चेअरमन भाऊसाहेब दामोदर कुटे याच्यासह व्यवस्थापक भाऊसाहेब विठ्ठल गुंजाळ, चीफ अकाउंटंट भाऊसाहेब संतू गायकवाड, चेतन…
बुधवार, २३ ऑक्टोबर लाखो रुपयांचे विदेशी मद्य घेऊन निघालेला एक मोठा ट्रक संगमनेर तालुक्यातील वडगाव लांडगा शिवारात संगमनेर-अकोले तालुक्याच्या बॉर्डरवर एका ओढ्यात पलटी झाला. या ट्रकमध्ये असलेल्या लाखो रुपयांच्या विदेशी दारूच्या बाटल्यांचे खोके आजूबाजूच्या लोकांनी आणि काही संघटनांच्या कार्यकर्त्यांनी चोरले असल्याची माहिती समोर आली आहे. पोलिसांनी गुन्हा दाखल केला असला तरी या ट्रकचा चालक आणि दारू घेऊन पळालेले चोरटे अद्याप सापडलेले नाहीत. नाशिकहून पुण्याकडे जाणारा हा ट्रक मुख्य महामार्गाने न जाता ग्रामीण भागात घुसलाच कसा असा प्रश्न उपस्थित झाला आहे. नाशिक जिल्ह्यातील दिंडोरी येथून मॅकडॉल कंपनीच्या दारूच्या बाटल्याचे बॉक्स घेऊन अशोक लेलँड कंपनीचा ट्रक (क्र. एम.एच.१२ एल.टी. ७३२९ हा पुणे…
बुधवार, २३ ऑक्टोबर २०२४ मेष – आजचा दिवस आपल्याला अनेक दृष्टीने अनुकूल ठरेल. मानसिक प्रसन्नता लाभेल. दीर्घकाळ रखडलेली कामे पूर्ण करण्यासाठी चांगला दिवस. अपेक्षित गाठीभेटी होतील. धनलाभाचे योग. वृषभ – आपल्या कार्यक्षेत्रात तसेच नोकरीच्या ठिकाणी तुम्ही आपली मते इतरांना पटवून देऊ शकाल. आरोग्य चांगले राहून आर्थिक लाभ संभवतो. स्थावर- जमिनी विषयीची कामे गतीमान होतील. मिथुन – व्यवसाय-धंद्यात अचानक धनलाभ संभवतो जुनी आर्थिक येणी येतील. परिवारातून आनंददायक वाढता मिळतील. कुटुंबात एखादे धार्मिक अनुष्ठान घडू शकेल. नातेवाईक आप्तेष्टांच्या गाठीभेटी होतील. कर्क – काही अप्रिय निर्णय स्वीकारावे लागण्याची शक्यता आहे. मानसिक अस्वस्थता जाणवेल. शांतचित्ताने देणे द्या. वादविवाद टाळा. कुटुंबातील तरुण-तरुणींचे प्रश्न अथवा समस्या…
मंगळवार, २२ ऑक्टोंबर संगमनेर विधानसभा मतदारसंघातून निवडणूक लढविण्यासाठी अकरा इच्छुकांनी पहिल्याच दिवशी पंचवीस उमेदवारी अर्ज नेले असल्याची माहिती निवडणूक निर्णय अधिकारी शैलेंद्र हिंगे यांनी दिली. त्यामुळे विधानसभा निवडणुकीसाठीची रंगत आता खऱ्या अर्थाने सुरू झाली आहे. संगमनेर विधानसभा मतदारसंघाचे नेतृत्व गेल्या चार दशकांपासून माजी मंत्री आमदार बाळासाहेब थोरात करत आहेत. दरवेळी त्यांच्या विरोधात वेगवेगळ्या उमेदवार विरोधी पक्षांकडून देण्यात आला. यावेळी देखील विरोधी पक्षाकडून कोणाला संधी मिळते याची उत्सुकता आहे. विधानसभा निवडणुकीसाठी या मतदारसंघातून अहिल्यानगरचे माजी खासदार सुजय विखे यांनी तेथील पराभव जिव्हारी लागल्याने या मतदारसंघात थोरात यांच्या विरोधात जोरदार प्रचार मोहीम राबविली असली तरी ते उमेदवार असतीलच याबाबत मात्र साशंकता आहे.…
मंगळवार, २२ ऑक्टोबर पुण्यातील खेड शिवापूर येथील टोल नाक्यावर पुणे ग्रामीण पोलिसांनी एका वाहनातून नेले जात असलेले पाच कोटी रुपये जप्त केले होते. याबाबत पुण्याचे एस पी पंकज देशमुख यांनी पत्रकारांशी संवाद साधून यासंदर्भात माहिती दिली आहे.आयकर विभाग आणि निवडणूक आयोग यांच्यासोबत मिळून ही कारवाई करण्यात आली होती. पाच कोटी रुपयांची रोकड घेऊन जाणारी एम.एच. ४५ ए.एस. २५२६ या क्रमांकाची गाडी अमोल नलावडे यांच्या मालकीची असून त्यांनी ही गाडी आपण बाळासाहेब आसबे यांना विकल्याचा दावा केला आहे. नलावडे हे मुख्यमंत्री एकनाथ शिंदे यांच्या शिवसेनेचे आमदार शहाजी बापू पाटील यांच्याशी संबंधित असल्याचे समोर आले आहे. तसेच ज्यांच्याकडे हे पैसे सापडले ते…
मंगळवार, २२ सप्टेंबर विधानसभा निवडणुकीसाठीची अधिसूचना जारी होताच उमेदवारी अर्ज घेण्याच्या पहिल्याच दिवशी मोठ्या संख्येने अहिल्यानगर जिल्ह्यात उमेदवारी अर्जांची विक्री झाली आहे. तर जिल्ह्यात शेवगाव विधानसभा मतदारसंघ तीन आणि कर्जत जामखेड मतदार संघात एका उमेदवारांनी आपला उमेदवारी अर्ज पहिल्याच दिवशी दाखल केला आहे.विधानसभा निवडणुकीचा रणसंग्राम खऱ्या अर्थाने मंगळवारपासून सुरू झाला आहे. इच्छुक उमेदवार आणि त्यांच्या समर्थकांनी पहिल्याच दिवशी जिल्ह्यातील विविध मतदारसंघात मोठ्या प्रमाणात उमेदवारी अर्ज नेले असल्याने मोठ्या संख्येने उमेदवार मैदानात उतरण्याची चिन्हे आहेत. मतदार संघ निहाय विक्री झालेले उमेदवारी अर्ज पुढील प्रमाणे… संगमनेर – ११ व्यक्ती २५ अर्ज राहुरी – २० व्यक्ती २९ अर्ज नेवासा – २० व्यक्ती ४१…
मंगळवार, २२ ऑक्टोबर मुंबई – सत्ताधारी पक्षाच्या उमेदवारांना निवडणुकीसाठी पहिली इंस्टॉलमेंट म्हणून पंचवीस-पंचवीस कोटी दिले गेले असल्याची चर्चा असून काल यातलीच एक गाडी खेड-शिवापूरच्या डोंगार झाडीमध्ये पकडली गेली. एक गाडी सापडली पण अजून चार गाड्या कुठे आहेत? असा प्रश्न करत आमदार रोहित पवार यांनी सोशल मीडियावर एक व्हिडिओ पोस्ट केला आहे. पवारांचा हा व्हिडिओ आणि त्या अनुषंगाने उपस्थित केलेले प्रश्न चर्चेत आले आहे. आमदार रोहित पवारांनी आपल्या या पोस्टमध्ये म्हटले आहे की, लोकसभेलाही सत्ताधाऱ्यांनी पाण्यासारखा पैसा ओतून महाराष्ट्राच्या जनतेला विकत घेण्याचा प्रयत्न केला, परंतु इथल्या स्वाभिमानी जनतेने महायुतीला कात्रजचा घाट दाखवला. विधानसभेलाही दलालीतून आलेल्या पैशाच्या जोरावर रात्रीस खेळ करण्याचा महायुतीचा…
मंगळवार, २२ ऑक्टोबर मुंबई – भारतीय जनता पक्षाने आपली ९९ उमेदवारांची यादी जाहीर केल्यानंतर उपमुख्यमंत्री अजित पवार यांनी देखील उमेदवारी जाहीर करण्यापूर्वीच आपल्या राष्ट्रवादी काँग्रेसच्या उमेदवारांना एबी फॉर्म चे वाटप केले आहे. अहिल्या नगर जिल्ह्यातून अकोले मतदार संघात विद्यमान आमदार डॉ. किरण लहामटे यांना एबी फॉर्म दिल्याने ते महायुतीचे या मतदारसंघातील उमेदवार असतील. अकोले मतदार संघाची जागा डॉ. किरण लहामटे यांच्या रूपाने राष्ट्रवादी काँग्रेस अजित पवार पक्षाकडे राहिली आहे. लहामटे यांना एबी फॉर्म मिळाल्याने महायुतीच्या जागा वाटपात ही जागा अजित पवार गटाकडे गेल्याचे स्पष्ट झाले आहे. समोर महाविकास आघाडीचा उमेदवार कोण असेल हे अद्याप स्पष्ट झालेले नाही. तसेच गेल्या वेळी…