Author: Annant Ppangarkar
महाराष्ट्र संवाद न्यूज ऑनलाईन, संगमनेर: महाराष्ट्र राज्याच्या राजकारणात आणि विकास कामांत अग्रस्थानी असलेल्या संगमनेर तालुक्यावर सध्याच्या सत्ताधाऱ्यांकडून जाणीवपूर्वक अन्याय केला जात असल्याचा गंभीर आरोप आता शेतकरी वर्गातून होत आहे. विशेषतः पीक विम्याच्या वाटपात संगमनेर तालुक्याला पूर्णपणे डावलण्यात आले असून, तालुक्याच्या इतिहासात प्रथमच शेतकऱ्यांच्या पदरी ‘शून्य’ टक्के पीक विमा पडला आहे. हा प्रकार म्हणजे विद्यमान सत्ताधाऱ्यांनी संगमनेरच्या शेतकऱ्यांशी खेळलेला एक राजकीय डाव असल्याची टीका किसान काँग्रेसचे अध्यक्ष आनंद वर्पे यांनी केली आहे. या संदर्भात आनंद वर्पे आणि तालुक्यातील शेतकऱ्यांनी प्रसिद्धीस दिलेल्या पत्रकात म्हटले आहे की, संगमनेर तालुका हा भौगोलिकदृष्ट्या अत्यंत मोठा आणि विस्तारित आहे. पठार भाग, प्रवरा पट्टा आणि तळेगाव पट्टा…
महाराष्ट्र संवाद न्यूज ऑनलाईन, संगमनेर: आपल्याला सध्याच्या आव्हानात्मक परिस्थितीला तोंड देण्यासाठी पर्यायी सांस्कृतिक राजकारण उभे करावे लागेल. सामान्य लोकांपर्यंत पोहोचण्यासाठी आणि एक प्रबळ कृती कार्यक्रम आखण्यासाठी सर्व पक्ष आणि संघटनांच्या प्रमुखांनी एकत्र येणे ही काळाची गरज असल्याचे प्रतिपादन लोकशाहीर संभाजी भगत यांनी येथे केले. १५ व्या विद्रोही मराठी साहित्य संस्कृती संमेलनाच्या अध्यक्षपदी निवड झाल्याबद्दल संगमनेर येथील डाव्या संघटनांच्या वतीने आयोजित जाहीर सत्कार सोहळ्यात ते बोलत होते. या कार्यक्रमाचे प्रमुख पाहुणे साहित्य अकादमी पुरस्कार प्राप्त ज्येष्ठ साहित्यिक व ‘ताम्रपट’ कादंबरीचे लेखक प्रा. रंगनाथ पठारे यांच्या हस्ते संभाजी भगत यांचा विशेष सत्कार करण्यात आला. यावेळी बोलताना प्रा. पठारे म्हणाले की, मराठी हीच…
शिर्डी: शिंदेसेनेच्या अहिल्यानगर जिल्हा कार्यकारिणीमध्ये वाढत्या तक्रारी आणि संघटनात्मक त्रुटींची दखल घेत, जिल्हा संपर्क मंत्री उदय सामंत यांनी संपूर्ण कार्यकारिणी तडकाफडकी बरखास्त करण्याचा मोठा निर्णय घेतला आहे. शिर्डी येथे आयोजित आढावा बैठकीत हा निर्णय घेण्यात आला असून, लवकरच नव्या जोमाने काम करणारी नवीन कार्यकारिणी जाहीर केली जाणार असल्याचे सामंत यांनी स्पष्ट केले. जिल्ह्यातील पदाधिकारी आणि कार्यकर्त्यांमधील वाढते मतभेद, संघटनात्मक कामातील मरगळ आणि तक्रारींचा ओघ पाहता हा टोकाचा निर्णय घेण्यात आला आहे. शिर्डी येथे झालेल्या या महत्त्वपूर्ण बैठकीत संगमनेर, शिर्डी, राहुरी, नेवासा आणि श्रीरामपूर या तालुक्यांमधील संघटनात्मक कामकाजाचा सविस्तर आढावा घेण्यात आला. यावेळी सामंत यांनी जिल्हा संघटनेची दक्षिण व उत्तर अशा…
आजचे राशीभविष्य: मेष: आजचा दिवस तुमच्यासाठी उत्साहाचा असेल. रखडलेली कामे पूर्ण करण्यासाठी वेळ उत्तम आहे, मात्र घाईघाईत निर्णय घेणे टाळावे. आरोग्याकडे थोडे लक्ष देणे गरजेचे आहे. वृषभ: आर्थिक बाबतीत आजचा दिवस प्रगतीकारक ठरेल. कुटुंबातील सदस्यांशी संवाद साधताना संयम ठेवावा लागेल. व्यापारात नवीन संधी मिळण्याची शक्यता असून गुंतवणूक करताना विचारपूर्वक पाऊल उचलावे. मिथुन: आज तुम्हाला तुमच्या कष्टाचे योग्य फळ मिळेल. नोकरीत वरिष्ठांचे सहकार्य लाभेल आणि एखादी चांगली बातमी समजेल. जोडीदारासोबतचे संबंध मधुर राहतील आणि आनंदाचे वातावरण असेल. कर्क: आजचा दिवस थोडा धावपळीचा राहण्याची शक्यता आहे. विनाकारण चिंता करणे टाळावे आणि सकारात्मक विचार ठेवावा. अचानक धनलाभाचे योग जुळून येत आहेत, ज्यामुळे आर्थिक…
महाराष्ट्र संवाद न्यूज ऑनलाईन, जामखेड: नगरपरिषदेमध्ये आपल्या मुला-मुलीचा जन्मदाखला मिळवण्यासाठी गेलेल्या तक्रारदाराकडून तीन हजार रुपयांची लाच स्वीकारणाऱ्या दोन कर्मचाऱ्यांना लाचलुचपत प्रतिबंधक विभागाने रंगेहाथ पकडले आहे. या कारवाईमुळे जामखेड तालुक्यात मोठी खळबळ उडाली असून, जन्म-मृत्यू नोंदणी विभागातील लिपिक अभिजित जालीम भैसडे आणि कंत्राटी मदतनीस अहमद इलियास शेख अशी पकडण्यात आलेल्या दोघांची नावे आहेत. या प्रकरणातील तक्रारदाराने नोव्हेंबर २०२५ मध्ये आपल्या मुलांच्या जन्मदाखल्यासाठी नगरपालिकेकडे आवश्यक कागदपत्रांसह अर्ज केला होता. हे दाखले देण्यासाठी लिपिक भैसडे याने दीड हजार रुपये प्रति दाखला याप्रमाणे तीन हजार रुपयांची मागणी केली होती. लाचेची ही रक्कम अग्निशमन दलातील कंत्राटी मदतनीस अहमद शेख याच्याकडे देण्यास सांगण्यात आले होते. याबाबत…
महाराष्ट्र संवाद न्यूज ऑनलाईन, श्रीरामपूर लोणी परिसरातील पिंपरी निर्मळ शिवारात सुरू असलेल्या बेकायदा गर्भलिंग निदान केंद्राचा पर्दाफाश करताना एका डॉक्टर्स एजंटला रंगेहाथ पकडले होते. चौकशीअंती यात श्रीरामपूर मधील नामांकित डॉक्टरचा समावेश असल्याचे समोर आल्याने या डॉक्टरलाही बेड्या ठोकण्यात आल्या असून, राहता न्यायालयाने या नराधमांना ३ दिवसांची पोलीस कोठडी सुनावली आहे. यात आणखी काही डॉक्टर एजंट सामील असल्याची शक्यता असून पोलीस त्यादृष्टीने तपास करत आहे. एकिकडे शासन स्तरावर ‘बेटी बचाओ’चे नारे दिले जात असताना, दुसरीकडे समाजातील काही पांढरपेशी डॉक्टर कोवळ्या कळ्यांचा गर्भातच गळा घोटण्याचे पाप करत असल्याचे भयंकर वास्तव समोर आले आहे. पिंपरी निर्मळ येथील छाप्यादरम्यान पोलिसांनी केलेल्या कारवाईमध्ये यापूर्वी डॉ.…
आजचे राशीभविष्य: मेष: आजचा दिवस तुमच्यासाठी अत्यंत उत्साहाचा राहील. नवीन कामाची सुरुवात करण्यासाठी वेळ अनुकूल आहे. व्यवसायात धनलाभाचे योग असून जुनी थकलेली कामे मार्गी लागतील. कुटुंबातील सदस्यांचे पूर्ण सहकार्य मिळेल. जोडीदारासोबतचे संबंध मधुर राहतील. आरोग्याची काळजी घ्या, विशेषतः आहारावर नियंत्रण ठेवा. वृषभ: आज तुम्हाला कामाच्या ठिकाणी अधिक परिश्रम करावे लागतील. धावपळ वाढल्यामुळे थोडा थकवा जाणवेल, परंतु कष्टाचे फळ नक्कीच मिळेल. आर्थिक गुंतवणूक करताना घाई करू नका. जवळच्या मित्राकडून मोलाचा सल्ला मिळेल. धार्मिक कार्यात रुची वाढेल. घरातील मोठ्या व्यक्तींच्या आशीर्वादाने कठीण कामे सुलभ होतील. मिथुन: तुमच्या बुद्धिमत्तेच्या जोरावर आज तुम्ही अनेक समस्या सोडवू शकाल. कला आणि साहित्य क्षेत्रातील लोकांसाठी आजचा दिवस…
संगमनेर तालुक्यात भीषण अपघात; आयशर टेम्पोच्या धडकेत चुलती-पुतणीचा जागीच मृत्यू महाराष्ट्र संवाद न्यूज ऑनलाईन, संगमनेर: संगमनेर तालुक्यातील पिंपळगाव देपा शिवारातील मोधळवाडी घाटात मंगळवारी दुपारी १२ वाजेच्या सुमारास एक हृदयद्रावक अपघात घडला. एका भरधाव आयशर टेम्पोने दुचाकीला जोराची धडक दिल्याने झालेल्या या भीषण अपघातात चुलती आणि पुतणीचा जागीच मृत्यू झाला. जया दत्तात्रय थोरात (वय २९) आणि अस्मिता दादाभाऊ थोरात (वय १६, दोन्ही रा. मोधळवाडी) अशी मृतांची नावे असून, या घटनेमुळे संपूर्ण परिसरात शोककळा पसरली आहे. मिळालेल्या माहितीनुसार, जया थोरात आणि अस्मिता थोरात या दुचाकीवरून मोधळवाडी घाट उतरत होत्या. याच वेळी समोरून घाट चढून येणाऱ्या आयशर टेम्पोने त्यांच्या दुचाकीला जोरदार धडक दिली.…
महाराष्ट्र संवाद न्यूज ऑनलाईन, संगमनेर: ‘सौ शहरी एक संगमनेर’ या व्हाट्सअप ग्रुपवर काँग्रेसचे नेते व लोकसभेतील विरोधी पक्ष नेते खासदार राहुल गांधी यांच्या बद्दल आक्षेपार्ह टिप्पणी करून त्यांची बदनामी केल्याप्रकरणी संगमनेर मधील श्याम तिवारी यांच्यावर संगमनेर शहर पोलीस ठाण्यात गुन्हा दाखल करण्यात आला आहे. अभिव्यक्ती स्वातंत्र्याच्या नावाखाली सध्या संगमनेर मधील बहुतांशी व्हाट्सअप ग्रुप, समाज माध्यमांवर कोणाबद्दलही आक्षेपार्ह भाषेत टीकाटिप्पणी करून सामाजिक वातावरण दूषित करण्याचे प्रकार सुरू आहे. गेल्या काही दिवसात समाज माध्यमांवर केलेल्या अशा प्रकारच्या टीका टिपणीमुळे संगमनेर शहर पोलीस ठाण्यात आत्तापर्यंत मोठ्या प्रमाणात गुन्हे दाखल करण्यात आले आहे. गेल्या काही दिवसापासून समाज माध्यमातून टीकाटिप्पणी आक्षेपार्ह स्वरूपात होत असल्याने अशा…
मेष आजचा दिवस प्रगतीकारक आणि नवीन संधी प्राप्त करून देणारा ठरेल. कार्यक्षेत्रात तुमच्या कष्टाचे कौतुक होईल आणि वरिष्ठ तुमच्यावर मोठी जबाबदारी सोपवू शकतात. आर्थिक बाबतीत दिवस सामान्य असला तरी, जुन्या गुंतवणुकीतून अचानक लाभ होण्याची शक्यता आहे. कौटुंबिक वातावरण आनंदी राहील आणि जोडीदारासोबतचे संबंध अधिक दृढ होतील. आरोग्याकडे दुर्लक्ष करू नका, विशेषतः खाण्यापिण्याच्या सवयींमध्ये सुधारणा करा. वृषभ आज तुम्हाला अपेक्षित यश मिळवण्यासाठी थोडे अधिक कष्ट करावे लागतील. कामाच्या ठिकाणी सहकाऱ्यांशी मतभेद होण्याची शक्यता आहे, त्यामुळे बोलताना संयम ठेवा. व्यापारात नवीन करार करताना कागदपत्रांची नीट पडताळणी करा. खर्चावर नियंत्रण ठेवणे आवश्यक आहे, अन्यथा आर्थिक ओढाताण होऊ शकते. विद्यार्थ्यांसाठी आजचा दिवस अभ्यासावर लक्ष…
महाराष्ट्र संवाद न्यूज ऑनलाईन | शिर्डी: राज्यभरात आपल्या भोंदूपणाने आणि आर्थिक गैरव्यवहाराने खळबळ उडवून देणाऱ्या अशोक खरात याला शिर्डी पोलिसांनी फसवणूक प्रकरणी नाशिकमधून अटक केल्यानंतर आता न्यायालयीन प्रक्रियेत मोठा निर्णय झाला आहे. राहता न्यायालयाने आरोपी अशोक खरात याला ९ मे पर्यंत पोलीस कोठडी सुनावली आहे. आतापर्यंत एसआयटीच्या ताब्यात असलेल्या आणि नऊ गुन्ह्यांचा तपास करणाऱ्या एसआयटी कडून खरातचा ताबा शिर्डी पोलिसांना मिळाल्यानंतर त्याला मंगळवारी राहता न्यायालयात हजर करण्यात आले होते. यावेळी पोलिसांनी आठ दिवसाच्या कोठडीची मागणी केली होती. न्यायालयाने दिलेल्या या वाढीव कोठडीमुळे आता या प्रकरणातील अनेक धक्कादायक बाबी समोर येण्याची शक्यता निर्माण झाली आहे. अशोक खरात आणि त्याच्या पत्नीवर शिर्डी…
महाराष्ट्र संवाद न्यूज ऑनलाईन | संगमनेर: देशाच्या प्रगतीसाठी अत्यंत महत्त्वपूर्ण असलेल्या भारतीय जनगणनेच्या प्रक्रियेला सुरुवात झाली असून, यावेळी प्रथमच संपूर्णतः डिजिटल पद्धतीने ही गणना केली जात आहे. या पार्श्वभूमीवर संगमनेर तालुक्यात प्रशासकीय यंत्रणा सज्ज झाली असून प्रगणक आणि पर्यवेक्षकांना विशेष प्रशिक्षण दिले जात आहे. विशेष म्हणजे, यंदा नागरिकांना प्रगणकाची वाट न पाहता स्वतःहून आपली माहिती नोंदवण्याची संधी ‘स्व-जनगणना’ (सेल्फ इन्युमरेशन) माध्यमातून उपलब्ध करून देण्यात आली आहे. जास्तीत जास्त नागरिकांनी या सुविधेचा लाभ घेऊन राष्ट्रीय कार्यात सहभाग नोंदवावा, असे आवाहन संगमनेरचे तहसीलदार तथा जनगणना अधिकारी धिरज मांजरे यांनी केले आहे. तालुक्यातील जनगणनेच्या कामकाजासाठी महसूल विभागाने स्वतंत्र कक्ष कार्यान्वित केला असून, तहसीलदार…
अकोले : आदिवासी समुदायांना स्वशासनाचे अधिकार देणाऱ्या ऐतिहासिक ‘पेसा’ कायद्याच्या अंमलबजावणीत महत्त्वाची भूमिका बजावणाऱ्या ग्रामसभा मोबिलायझर्सची पदे रद्द करण्याचा निर्णय राज्य सरकारने घेतला आहे. या निर्णयामुळे राज्यातील सुमारे २००० मोबिलायझर्सवर बेरोजगारीची कुऱ्हाड कोसळणार असून, सरकारच्या या अन्यायकारक धोरणाविरोधात उद्या, ६ मे रोजी पुण्यात तीव्र निदर्शने करण्यात येणार आहेत. पेसा मोबीलायझर संघर्ष समिती आणि आदिवासी अधिकार राष्ट्रीय मंच यांच्या वतीने हे आंदोलन पुकारण्यात आले आहे. प्रशासनाने या मागणीची दखल न घेतल्यास आगामी काळात आंदोलन अधिक तीव्र करण्याचा इशाराही समितीच्या वतीने देण्यात आला आहे. पंचायत (अनुसूचित क्षेत्रांचा विस्तार) अधिनियम १९९६ अर्थात पेसा कायदा २४ डिसेंबर १९९६ रोजी देशभर लागू झाला. या कायद्याची…
संगमनेर | प्रतिनिधी संगमनेर तालुक्यात कत्तलखान्यांचे रॅकेट पुन्हा एकदा सक्रिय झाले असून, पोलीस उपअधीक्षकांच्या पथकाने धडक कारवाई करत गोवंशाची अवैध वाहतूक करणारा आयशर टेम्पो पकडला आहे. वडगाव पान ते तळेगाव रोडवर हॉटेल अमर जवळ ही कारवाई करण्यात आली. यामध्ये तब्बल दोन मृत बैलांसह २९ जनावरांची सुटका करण्यात आली असून, २३ लाख १० हजार रुपयांचा मुद्देमाल जप्त करण्यात आला आहे. मात्र, पोलिसांना पाहताच चालकाने अंधाराचा फायदा घेऊन पळ काढला. उपविभागीय पोलीस अधिकारी कुणाल सोनवणे यांना मिळालेल्या गुप्त माहितीच्या आधारे ही धडक मोहीम राबवण्यात आली. सोमवारी रात्री एका विटकरी रंगाच्या आयशर टेम्पोमधून (क्र. PB 05 L 4157) जनावरांना अत्यंत निर्दयीपणे दाटीवाटीने भरून…
मेष: आजचा दिवस तुमच्यासाठी प्रगतीकारक ठरेल. कार्यक्षेत्रात तुमच्या कष्टाचे चीज होईल आणि वरिष्ठांकडून तुमच्या कामाची दखल घेतली जाईल. आर्थिक बाजू भक्कम करण्यासाठी केलेले प्रयत्न यशस्वी होतील. कुटुंबातील वातावरण आनंदी राहील आणि जोडीदारासोबतचे संबंध सुधारतील. आरोग्याकडे दुर्लक्ष करू नका, विशेषतः खाण्यापिण्याच्या सवयींवर नियंत्रण ठेवा. वृषभ: आज तुम्हाला नशिबाची उत्तम साथ लाभणार आहे. अडकलेली कामे मार्गी लागल्याने मानसिक समाधान मिळेल. व्यवसायात नवीन संधी उपलब्ध होतील आणि आर्थिक लाभ होण्याची शक्यता आहे. सामाजिक कार्यात सहभागी झाल्यामुळे तुमचा सन्मान वाढेल. प्रिय व्यक्तीशी संवाद साधताना संयम ठेवा, जेणेकरून कोणतेही गैरसमज होणार नाहीत. मिथुन: दिवसाची सुरुवात थोडी धावपळीची होऊ शकते, मात्र दुपारनंतर परिस्थिती तुमच्या नियंत्रणात येईल.…
महाराष्ट्र संवाद न्यूज ऑनलाईन| संगमनेर: पुणे जिल्ह्यातील नसरापूर येथे एका अल्पवयीन चिमुकलीवर झालेल्या अमानवीय अत्याचाराच्या घटनेने संपूर्ण महाराष्ट्र हादरला असून, या घटनेचे तीव्र पडसाद संगमनेरमध्ये उमटले आहेत. या क्रूर घटनेच्या निषेधार्थ आणि अत्याचारीत सर्वच बालकांना न्याय मिळवून देण्यासाठी संगमनेर शहर व तालुक्यातील नागरिकांच्या वतीने भव्य ‘कॅन्डल मार्च’ काढण्यात आला. संगमनेर बसस्थानक परिसरातून निघालेल्या या मोर्चात महिला आणि तरुणांची उपस्थिती लक्षणीय होती. कॅन्डल मार्च प्रांत अधिकारी कार्यालयावर पोहोचल्यानंतर येथे उपस्थित लहान मुलींच्या हस्ते प्रांताधिकारी अरुण उंडे यांना मागणीचे निवेदन देण्यात आले. यावेळी पोलीस निरीक्षक समीर बारवकर उपस्थित होते. सर्वांनी एकमुखाने या घटनेचा निषेध करत नराधमाला फाशीची शिक्षा देण्याची मागणी लावून धरली.…
बारामती: बारामती विधानसभा पोटनिवडणुकीत राज्याच्या उपमुख्यमंत्री सुनेत्रा पवार यांनी २ लाख १४ हजार ९३ मतांच्या विक्रमी मताधिक्याने ऐतिहासिक विजय संपादन केला आहे. या निवडणुकीत त्यांना एकूण २ लाख १८ हजार ९३० मते मिळाली, तर त्यांच्या विरोधात उभ्या असलेल्या २२ उमेदवारांसह ‘नोटा’ला केवळ ४८३७ मतांवर समाधान मानावे लागले. दिवंगत उपमुख्यमंत्री अजित पवार यांनी २०१९ च्या निवडणुकीत प्रस्थापित केलेला १ लाख ६५ हजार २६५ मताधिक्याचा विक्रम सुनेत्रा पवार यांनी मोडीत काढला आहे. अजित पवार यांच्या निधनानंतर ही जागा रिक्त झाली होती. ही निवडणूक बिनविरोध व्हावी यासाठी प्रयत्न करण्यात आले होते, मात्र २२ अपक्ष उमेदवारांनी माघार न घेतल्याने मतदान प्रक्रिया पार पडली. मतदानाच्या…
मेष: आजचा दिवस तुमच्यासाठी प्रगतीकारक राहील. कामाच्या ठिकाणी नवीन जबाबदाऱ्या मिळण्याची शक्यता आहे. आर्थिक बाबतीत केलेले नियोजन यशस्वी होईल, मात्र अनावश्यक खर्च टाळणे हिताचे ठरेल. कुटुंबातील सदस्यांशी संवाद साधताना संयम राखावा लागेल. जोडीदारासोबतचे संबंध मधुर राहतील. वृषभ: आज तुम्हाला मानसिक शांतता लाभेल. प्रलंबित असलेली कामे मार्गी लागल्यामुळे मनावरचा ताण कमी होईल. व्यवसायात भागीदारांकडून चांगले सहकार्य मिळेल. आरोग्याच्या तक्रारींकडे दुर्लक्ष करू नका. खाण्यापिण्याच्या सवयींवर नियंत्रण ठेवणे आवश्यक आहे. प्रवासाचे योग येतील. मिथुन: आजचा दिवस धावपळीचा राहू शकतो. नवीन कामाच्या संधी उपलब्ध होतील, पण निर्णय घेताना घाई करू नका. नातेवाईकांशी जुन्या मुद्द्यावरून वाद होण्याची शक्यता आहे, त्यामुळे बोलण्यावर नियंत्रण ठेवा. विद्यार्थ्यांना अभ्यासात…
छत्रपती शिवरायांचे गुरू कोण? ते शिवकालीन लढायांचे सूत्रधार कोण? याविषयींच्या वायफळ चर्चा घडवून आणणार्या बुवा आणि बाबांचा कोण सुळसुळाट सध्या देशाभर आहे. येनकेन प्रकारेन छत्रपतींच्या मागे त्यांच्या पुण्याईला किंमत न देण्याची ही स्पर्धा होय. शिवरायांनी हिंदवी स्वराज्य स्थापनेचा जो काही पराक्रम केला तो ब्राह्मणांच्या सहभागाशिवाय नव्हता, असं दाखवण्याची सुरू असलेली अहमहिका ही केवळ छत्रपतींची बदनामीच नव्हे, तर त्यांना कमी लेखण्यासाठी केलेला कटच होय. शिवरायांविषयी गरळ ओकणार्यांबाबत सत्ताधारी सातत्याने मूग गिळून राहिल्याने त्याचा गैरफायदा देशातील शिवरायांच्या द्वेषींनी घेतला. वादग्रस्त टिपण्ण्या करायच्या आणि सत्ताधार्यांना अडचणीत आणणार्या वातावरणापासून लोकांचं लक्ष दुसरीकडे वेधण्याचा हा प्रयत्न होय. मग कधी राज्यपाल यावर बोलत, तर कधी मंत्री.…
मुंबई: महाराष्ट्रातील अनुसूचित जातींच्या आरक्षणातील उपवर्गीकरणाचा मुद्दा सध्या चांगलाच तापला असून, या संदर्भात नेमण्यात आलेल्या समितीचा अहवाल सरकारने तातडीने सार्वजनिक करावा, अशी आग्रही मागणी भारताचा कम्युनिस्ट पक्ष (मार्क्सवादी) आणि जाती अंत संघर्ष समितीच्या वतीने करण्यात आली आहे. न्यायमूर्ती अनंत मनोहर बदर यांच्या अध्यक्षतेखालील एक सदस्यीय समितीने १६ मार्च २०२६ रोजी आपला अहवाल शासनाला सादर केला आहे. त्यानंतर १० एप्रिल रोजी मुख्य सचिवांच्या अध्यक्षतेखाली नवी समिती स्थापन करून जनतेकडून ३० एप्रिलपर्यंत यावर आक्षेप आणि मते मागवण्यात आली होती. मात्र, ज्या अहवालावर मते द्यायची आहेत, तो मूळ अहवालच सरकारने अद्याप लोकांसमोर ठेवलेला नाही, याकडे पक्षाने लक्ष वेधले आहे. या प्रक्रियेवर प्रश्नचिन्ह उपस्थित…