Author: Annant Ppangarkar
दोन वर्षांच्या चिमुरडीवर अत्याचार, नराधमाला मरेपर्यंत जन्मठेप श्रीरामपूर – श्रीरामपूर तालुक्यात एका दोन वर्षांच्या चिमुरडीवर लैंगिक अत्याचार केल्याच्या घृणास्पद घटनेत, विशेष न्यायालयाने आरोपी भास्कर धाकू मोरे याला मरेपर्यंत जन्मठेप आणि १० हजार रुपयांच्या दंडाची कठोर शिक्षा सुनावली आहे. या निकालाने पीडितेला न्याय मिळाला असल्याचे मानले जात आहे. पीडित चिमुरडीला लघवी करताना त्रास होऊ लागला. कुटुंबीयांनी तिला उपचारासाठी आणले असता, तपासणी करणाऱ्या परिचारिकेला तिच्यावर लैंगिक अत्याचार झाल्याचे लक्षात आले. अधिक चौकशी केली असता, चिमुरडीने आरोपी भास्कर मोरे याने केलेल्या कृत्याची माहिती दिली. तेव्हा ही धक्कादायक घटना उघडकीस आली होती. या घटनेची गंभीर दखल घेत, श्रीरामपूर शहर पोलीस ठाण्यात तात्काळ भारतीय दंड…
संगमनेर – ईद-ए-मिलादुन्नबीची मिरवणूक यावर्षी केवळ धार्मिक उत्सवापुरती मर्यादित न राहता, सामाजिक जबाबदारीचे उत्तम उदाहरण ठरली आहे. पैगंबर मोहम्मद यांच्या शांतता, स्वच्छता आणि मानवतेच्या शिकवणुकीवर आधारित विविध उपक्रमांची दखल घेत, ह्युमन इनोवेशन ऑर्गनायझेशन आणि न्यूज एन एम पी परिवाराने काही संस्थांना पुरस्कार जाहीर केले आहेत. यावर्षीच्या मिरवणुकीदरम्यान अनेक गट सक्रिय झाले होते. काही स्वयंसेवकांनी मिरवणूक संपल्यावर तात्काळ रस्त्यांची स्वच्छता केली आणि ‘स्वच्छता हाच धर्म’ असा संदेश दिला. त्यांच्या या कृतीचे नागरिकांनी विशेष कौतुक केले. त्याचप्रमाणे, एका गटाने नागरिकांसाठी मोफत आरोग्य तपासणी, उपचार आणि औषधे असलेले महाआरोग्य शिबिर आयोजित केले होते. यामुळे धार्मिक कार्यक्रमासोबतच आरोग्यसेवेचा लाभही लोकांना मिळाला. इतर काही गटांनी…
संगमनेर- सोशल मीडियावर मराठा समाजाबद्दल आक्षेपार्ह आणि बेताल वक्तव्य केल्याप्रकरणी यूट्यूबवरील ‘संगीता वानखेडे’ या महिलेविरोधात संगमनेर शहर पोलीस ठाण्यात अदखलपात्र गुन्हा दाखल करण्यात आला आहे. सकल मराठा समाजाच्यावतीने त्यांच्यावर कठोर कारवाई करण्याची मागणी करण्यात आली असून, संगमनेरातून त्यांच्या कृत्याचा तीव्र निषेध करण्यात आला आहे. या संदर्भात प्रकाश कडलग यांनी पोलीस ठाण्यात फिर्याद दिली आहे. त्यात त्यांनी म्हटले आहे की, 07 सप्टेंबर 2025 रोजी त्यांनी यूट्यूबवर ‘स्पष्ट मत LIVE’ या चॅनलवर संगीता वानखेडे यांचा एक व्हिडिओ पाहिला. या व्हिडिओमध्ये वानखेडे यांनी मराठा समाजाच्या आरक्षणासाठी मुंबईत काढलेल्या मोर्चाविषयी बोलताना, मराठा महिलांची बदनामी करणारी अत्यंत खालच्या पातळीची भाषा वापरली. त्यांच्या या विधानामुळे मराठा…
मुंबई: भाजपचे युवा आणि महत्त्वाकांक्षी नेते मोहित कंबोज यांनी सक्रिय राजकारणातून संन्यास घेण्याचा निर्णय घेतला आहे. मुख्यमंत्री देवेंद्र फडणवीस यांचे निकटवर्तीय म्हणून ओळखल्या जाणाऱ्या कंबोज यांच्या या निर्णयांमुळे भाजप वर्तुळात धक्का बसला आहे. एका इंग्रजी वृत्तपत्राने दिलेल्या वृत्तानुसार, मोहित कंबोज यांनी स्वतः या निर्णयाची पुष्टी केली आहे. गेल्या सहा महिन्यांपासून ते सक्रिय राजकारणापासून दूर होते. त्यांनी सांगितले की, आता त्यांना आपला व्यवसाय आणि कुटुंबाला अधिक वेळ द्यायचा आहे. राजकीय वर्तुळात या निर्णयाची विविध प्रकारे चर्चा होत आहे. अनेकांसाठी हा अनपेक्षित निर्णय आहे. मोहित कंबोज यांचे भाजपमधील योगदान आणि देवेंद्र फडणवीस यांच्याशी असलेले त्यांचे जवळचे संबंध पाहता, त्यांच्या या निर्णयाकडे लक्ष…
मुंबई – मनोज जरांगे पाटील यांच्या नेतृत्वाखालील मराठा आंदोलनादरम्यान दाखल झालेले गुन्हे मागे घेण्याच्या मागणीला आता एक नवा आणि महत्त्वाचा नियम जोडण्यात आला आहे. भाजपचे मंत्री आणि मराठा आरक्षण उपसमितीचे अध्यक्ष राधाकृष्ण विखे पाटील यांनी नुकतीच ही घोषणा केली आहे. या निर्णयानुसार, ज्या प्रकरणांमध्ये ५ लाख किंवा त्याहून कमी रकमेचे सार्वजनिक मालमत्तेचे नुकसान झाले आहे, केवळ त्याच प्रकरणांमधील गुन्हे मागे घेतले जातील. यामुळे, सर्व गुन्हे सरसकट मागे घेण्याची मागणी करणाऱ्या आंदोलकांसाठी ही एक मोठी अट ठरू शकते. मराठा आंदोलनादरम्यान, मनोज जरांगे पाटील यांनी सरकारकडे सर्व आंदोलकांवरील गुन्हे सरसकट मागे घेण्याची मागणी केली होती. सरकारने तेव्हा हे आश्वासन दिले होते आणि…
मेष (Aries) – आजचा दिवस तुमच्यासाठी ऊर्जा आणि उत्साहाने भरलेला असेल. कामाच्या ठिकाणी नवीन जबाबदाऱ्या मिळण्याची शक्यता आहे, ज्यामुळे तुमची क्षमता सिद्ध करण्याची संधी मिळेल. आर्थिक बाबतीत सावधगिरी बाळगा. कुटुंबासोबत वेळ घालवल्याने मन प्रसन्न राहील. वृषभ (Taurus) – आज तुम्हाला तुमच्या मेहनतीचे फळ मिळेल. करिअरमध्ये प्रगती होईल आणि वरिष्ठांकडून प्रशंसा मिळेल. तुमच्या आरोग्याची काळजी घ्या. पैशांच्या बाबतीत आजचा दिवस चांगला आहे. मिथुन (Gemini) – आजचा दिवस तुमच्यासाठी संमिश्र परिणाम घेऊन येईल. कामाच्या ठिकाणी काही आव्हानांना तोंड द्यावे लागू शकते. लव्ह लाईफमध्ये गोडवा येईल. आर्थिक गुंतवणुकीचा विचार करत असाल तर चांगल्या तज्ञांचा सल्ला घ्या. कर्क (Cancer) – आज तुम्ही भावनिकदृष्ट्या थोडे…
मुंबई- महाराष्ट्राच्या राजकारणात आज एका महत्त्वाच्या घडामोडीने लक्ष वेधून घेतले. माजी मंत्री बाळासाहेब थोरात यांच्यासह काँग्रेसच्या ज्येष्ठ नेत्यांनी आज मुख्यमंत्री देवेंद्र फडणवीस यांची भेट घेतली, यामुळे राजकीय वर्तुळात विविध चर्चांना उधाण आले आहे. विधान परिषदेतील विरोधी पक्षनेतेपदाच्या निवडीसाठी ही भेट झाल्याचे समोर आले असून, या पदासाठी काँग्रेसकडून सतेज पाटील यांच्या नावाची जोरदार चर्चा सुरू आहे. आज सकाळी काँग्रेस वर्किंग कमिटीचे सदस्य बाळासाहेब थोरात, काँग्रेस विधिमंडळ नेते विजय वडेट्टीवार आणि उपनेते अमीन पटेल यांनी मुख्यमंत्री देवेंद्र फडणवीस यांची भेट घेतली. विधान परिषदेतील विरोधी पक्षनेते अंबादास दानवे यांचा कार्यकाळ २९ ऑगस्ट २०२४ रोजी संपल्यानंतर हे पद रिक्त आहे. काँग्रेसकडून हे पद तातडीने…
संगमनेर – मोहसीन शेख धार्मिक उत्सव म्हटला की उत्साहाचे वातावरण असते, मात्र या उत्साहात सामाजिक जबाबदारीचा संदेश देणारी उदाहरणे क्वचितच पाहायला मिळतात. संगमनेर शहरात हजरत मोहम्मद पैगंबर यांच्या जयंतीनिमित्त काढण्यात आलेल्या मिरवणुकीत (जुलूस) असेच एक अनोखे दृश्य पाहायला मिळाले. येथील एकता नगर सोशल ग्रुपच्या तरुणांनी हातात पारंपरिक झेंडे किंवा बॅनर न घेता, ‘झाडू’ घेऊन मिरवणुकीच्या मागे स्वच्छतेची मोहीम राबवली. त्यांच्या या कृतीमुळे धार्मिक उत्सवाला एक नवी सामाजिक दिशा मिळाली आहे. सोमवारी, (८ सप्टेंबर) नाईकवाडपुरा येथील जुम्मा मस्जिद येथून सुरू झालेली मिरवणूक शहराच्या प्रमुख रस्त्यांवरून पुढे जात होती. तरुणाईचा जोश आणि उत्साह यात भरलेला होता. मात्र, मिरवणूक पुढे सरकत असताना, एकता…
संगमनेर – ईद-ए-मिलादच्या मिरवणुकीत परवानगी नसतानाही मोठ्या आवाजात डीजे वाजवून ध्वनी प्रदूषण केल्याप्रकरणी संगमनेर शहर पोलिसांनी दोन डीजे वाहनचालकांवर गुन्हे दाखल केले आहेत. या कारवाईमुळे परिसरात विनापरवाना डीजे वाजवणाऱ्यांमध्ये खळबळ उडाली आहे. पोलिसांनी दोन्ही डीजे वाहने जप्त केली असून, आयोजकांचाही शोध सुरू आहे. ध्वनी प्रदूषण रोखण्यासाठी पोलिसांकडून ही कठोर भूमिका घेतली असून, अप्पर पोलीस अधीक्षक सोमनाथ वाघचौरे यांनी या संदर्भात माहिती दिली आहे. ते म्हणाले, ध्वनी प्रदूषण कायद्यानुसार कोणताही लाऊड स्पीकर किंवा डीजे वाजवण्यापूर्वी पोलिसांची परवानगी घेणे बंधनकारक आहे. परवानगी देताना आवाजाची पातळी (डेसिबल मीटर) आणि वेळेचे नियम पाळणे आवश्यक असते. मात्र, काल शहरात आयोजित केलेल्या ईद-ए-मिलाद मिरवणुकीसाठी पोलिसांकडून लाऊड…
महाराष्ट्र संवाद न्यूज ऑनलाईन – सिन्नर-शिर्डी महामार्गावर मिरगाव फाट्याजवळ रात्रीच्या वेळी एका लॅब टेक्निशियनला मारहाण करून १५,००० रुपये लुटणाऱ्या तिघांना वावी पोलिसांनी मोठ्या शिताफीने अटक केली आहे. या घटनेतील चौथा आरोपी मात्र अद्याप फरार असून, पोलीस त्याचा कसून शोध घेत आहेत. मागील महिन्यात ही घटना घडली होती. वावी येथे लॅब टेक्निशियन म्हणून काम करणारे सुधाकर सोपान वक्ते (वय ३५) हे आपले काम संपवून रात्री ८ च्या सुमारास जेऊर कुंभारी (कोपरगाव) येथील आपल्या घरी परत जात असताना चोरट्यांनी त्यांना गाठले. यावेळी त्यांना मारहाण करून त्यांच्याकडील १५,००० रुपये हिसकावून चोरट्यांनी शिर्डीच्या दिशेने पळ काढला होता. या घटनेनंतर सुधाकर वक्ते यांनी तात्काळ पोलिसात…
अहिल्यानगर- जिल्ह्यातील एका ग्रामसेवकाला बंदुकीचा धाक दाखवून जीवे मारण्याची धमकी दिल्याची धक्कादायक घटना समोर आली आहे. याप्रकरणी पोलिसांनी एका आरोपीविरुद्ध गुन्हा दाखल केला आहे. मिळालेल्या माहितीनुसार, शुक्रवारी (दि. ५ सप्टेंबर) दिलीप संजय मिसाळ (वय ३९, रा. खेटाकळी, ता. शेवगाव) या ग्रामसेवकाला अमोल चंद्रकांत गवळी (रा. जवखेडे खालसा, ता. पाथर्डी) या व्यक्तीने अडवले. आरोपी गवळीने ग्रामसेवक मिसाळ यांना बंदुकीचा धाक दाखवून, ऐ ग्रामसेवक, माझ्याकडे बंदूक आहे, यातील सहा गोळ्या तुझ्या… घालीन, अशी धमकी दिली. पोलिसांना दिलेल्या तक्रारीनुसार, आरोपीने तू आमच्या विरोधकांचे ऐकून काम करत होतास, आता आमचे नेते खासदार आहेत, आम्ही फक्त तुमची आणि विरोधकांची जिरवणार, असे धमकावले. या घटनेची माहिती…
मेष (Aries)- आज तुम्हाला मानसिक शांती आणि आनंद मिळेल. तुम्ही कुटुंबातील सदस्यांसोबत आणि मित्रांसोबत चांगला वेळ घालवाल, ज्यामुळे तुमचे मन प्रसन्न राहील. तुमच्या आणि तुमच्या जोडीदारामध्ये असलेले नाते अधिक घट्ट होईल. नोकरीच्या ठिकाणी नवीन संधी मिळण्याची शक्यता आहे. वृषभ (Taurus)- आज तुम्ही शांत आणि आत्मविश्वासाने कामाला सुरुवात कराल. तुमचे छुपे शत्रू किंवा विरोधक तुमच्याशी स्पर्धा करू शकणार नाहीत, ज्यामुळे तुम्ही यशस्वी व्हाल. कामाच्या ठिकाणी तुमच्या समर्पणाची दखल घेतली जाईल आणि तुम्हाला नवीन जबाबदाऱ्या किंवा प्रमोशन मिळू शकते. विद्यार्थ्यांना अनुकूल ग्रहांचा आशीर्वाद मिळेल. मिथुन (Gemini)- आज तुम्ही कौटुंबिक बाबींमध्ये व्यस्त असाल, परंतु तुम्ही उत्पन्नाचे अतिरिक्त स्रोत शोधण्यास देखील सक्षम असाल. तुमची…
संगमनेर: सकल मराठा समाज, शहर आणि तालुका यांच्या वतीने मंगळवारी (९ सप्टेंबर) संगीता वानखेडे यांच्या विरोधात गुन्हा दाखल करण्यासाठी संगमनेर शहर पोलीस स्टेशनला निवेदन दिले जाणार आहे. मराठा समाजातील महिलांबद्दल केलेल्या आक्षेपार्ह विधानांचा निषेध करून गुन्हा दाखल करण्याची मागणी केली जाणार आहे. मोठ्या संख्येने मराठा समाजातील महिला आणि पुरुष हे निवेदन देणार आहे. संगीता वानखेडे यांनी केलेल्या मराठा समाजातील महिलांबद्दल आक्षेपार्ह विधानांमुळे मराठा समाजाच्या भावना दुखावल्या गेल्या आहेत. या विधानांचा निषेध करत, त्यांच्या विरोधात कायदेशीर कारवाई करून गुन्हा दाखल करण्याची मागणी सकल मराठा समाजाने केली आहे. या निवेदनानंतर पोलीस काय भूमिका घेतात, याकडे सर्वांचे लक्ष लागले आहे. जोपर्यंत गुन्हा दाखल…
संगमनेर: गणेश विसर्जनाच्या दिवशी संगमनेरच्या पठार भागातील साकुर मध्ये दोन सख्या चुलत बहिणींनी आत्महत्या केल्याचा प्रकार ताजा असतानाच त्या पाठोपाठ संगमनेर शहराला हादरवून सोडणारी एक धक्कादायक घटना समोर आली आहे. प्रेमविवाह केलेल्या एका दाम्पत्याने टोकाचे पाऊल उचलत आपले जीवन संपवले. पतीने पत्नीची हत्या केल्यानंतर स्वतः गळफास घेऊन आत्महत्या केल्याची ही घटना शहरातील इंदिरानगर परिसरातील जय जवान चौकात घडली. या दुर्दैवी घटनेत वैष्णवी संजय खांबेकर (वय २२) आणि तिचा पती कुलदीप सुनील अडांगळे (वय ३५) यांचा अंत झाला. वैष्णवी आणि कुलदीप यांचा दोन वर्षांपूर्वी प्रेमविवाह झाला होता. दोघेही जय जवान चौकातील घरात राहत होते. या संदर्भात अद्याप पोलिसांकडून अधिकृत माहिती मिळाली…
संगमनेर- नाशिक जिल्ह्यातील सिन्नर आणि वडनेर दुमाला येथे बिबट्याच्या हल्ल्यात 3 वर्षीय आयुष आणि 10 वर्षीय सारंग या दोन निष्पाप मुलांचा बळी गेल्याची घटना ताजी असतानाच, आमदार सत्यजीत तांबे यांनी बिबट्याच्या वाढत्या हल्ल्यांवर नियंत्रण मिळवण्यासाठी ‘बिबट्या नसबंदी कायदा’ लागू करण्याची जोरदार मागणी केली आहे. त्यांनी केंद्र आणि राज्य सरकारकडे सातत्याने या मागणीचा पाठपुरावा केला असून, ही लढाई बिबट्यांविरोधात नसून शेतकऱ्यांच्या आणि माणसांच्या जगण्याच्या हक्कासाठी असल्याचे स्पष्ट केले आहे. आमदार तांबे यांनी म्हटले आहे की, शेतकऱ्यांच्या मुलांचा असाच बळी जात राहणार का? बिबट्याच्या हल्ल्यात नाशिकच्या वडनेर दुमाला येथील 3 वर्षीय आयुषच्या मृत्यूनंतर त्याच्या आईचा आक्रोश आजही डोळ्यासमोर आहे आणि कालच सिन्नर…
संगमनेर – सहकाराचे आदर्श मॉडेल म्हणून ओळखल्या जाणाऱ्या अमृत उद्योग समूहातील विविध सहकारी संस्थांच्या वार्षिक सर्वसाधारण सभा शुक्रवार, १२ सप्टेंबर ते रविवार, १४ सप्टेंबर २०२५ या काळात आयोजित करण्यात आल्या आहेत. या सभा काँग्रेसचे राष्ट्रीय वर्किंग कमिटीचे सदस्य, माजी मंत्री बाळासाहेब थोरात आणि माजी आमदार डॉ. सुधीर तांबे यांच्या प्रमुख उपस्थितीत होणार आहेत. स्वातंत्र्यसेनानी सहकारमहर्षी भाऊसाहेब थोरात यांच्या विचारांवर आधारित या संस्थांनी संगमनेर तालुक्याच्या ग्रामीण विकासात महत्त्वाची भूमिका बजावली आहे. या संस्थांमुळे शेतकरी, उत्पादक, नागरिक, महिला, व्यापारी आणि कामगार अशा सर्वांचा विकास झाला असून तालुक्याची अर्थव्यवस्था मजबूत झाली आहे. या सर्व सहकारी संस्थांच्या वार्षिक सर्वसाधारण सभा कारखाना कार्यस्थळावरील नवीन प्रशासकीय…
संगमनेर – जगातील सर्व दुःख मलाच आहे असे अनेक जण समजून जीवन दुखी करतात. दुःख विसरा हसत रहा. शोधले तर प्रत्येक ठिकाणी आनंद आहे. व्यंग हे प्रत्येक ठिकाणी आहे. ते शोधण्याची कला अरविंद गाडेकर यांना असून त्यांच्या “मनातलं पानावर” हे पुस्तक वाचकांना आनंद देईल आणि जीवनातील दु:ख विसरून आनंदी राहण्यास मदत करेल, असा विश्वास ज्येष्ठ साहित्यिक डॉ. संजय कळमकर यांनी व्यक्त केला आहे. व्यंगचित्रकार अरविंद गाडेकर यांच्या “मनातलं पानावर” या पुस्तकाचे प्रकाशन संगमनेर येथे सह्याद्री महाविद्यालयाच्या के. बी. दादा सभागृहात करण्यात आले. कार्यक्रमाच्या अध्यक्षस्थानी माजी आमदार डॉ. सुधीर तांबे होते, तर माजी नगराध्यक्ष दुर्गाताई तांबे, श्रीमती सुवर्णाताई मालपाणी, अनिल देशपांडे,…
मुंबई- राज्यात यंदाचा गणेशोत्सव मोठ्या उत्साहात साजरा झाला. गणपती बाप्पांना निरोप देण्यासाठी राज्यभरात विसर्जन मिरवणुका मोठ्या जल्लोषात पार पडल्या. मात्र, काही ठिकाणी गणेश विसर्जनाच्या वेळी झालेल्या दुर्दैवी घटनांमुळे १८ जणांचा मृत्यू झाला. नाशिकमध्ये तिघांचा मृत्यू- नाशिक जिल्ह्यात गणेश विसर्जनादरम्यान विविध घटनांमध्ये तिघांचा मृत्यू झाला. आनंदवल्ली येथे गोदावरी नदीत प्रवीण शांताराम चव्हाण या तरुणाचा बुडून मृत्यू झाला. दुसरीकडे, बोरगड येथे चंदर नथू माळेकर (वय २९) यांचा बुडून मृत्यू झाल्याची माहिती समोर आली आहे. सिन्नर शहरालगतच्या सरदवाडी धरणातही ओमप्रकाश सुंदरलाल लिल्हारे (वय ४०) यांचा बुडून मृत्यू झाला. धुळे, मीरा भाईंदर आणि मुंबईत दुर्घटना- धुळे जिल्ह्यात गणपती विसर्जन करून दुचाकीवरून परतणाऱ्या शुभम सांगवी…
मेष (Aries)- आर्थिक बाबतीत आजचा दिवस खूप चांगला आहे. तुम्हाला अनपेक्षित धनलाभ किंवा उत्पन्न वाढवण्याची संधी मिळू शकते. कौटुंबिक जीवनात मात्र बोलण्यावर नियंत्रण ठेवा, अन्यथा गैरसमज होण्याची शक्यता आहे. वृषभ (Taurus)- आज तुम्हाला नवीन कल्पना किंवा प्रकल्प सुरू करण्याची तीव्र इच्छा होऊ शकते. हा दिवस शिकण्यासाठी आणि स्वतःच्या विकासासाठी चांगला आहे. नातेसंबंधांमध्ये, मोकळेपणाने संवाद साधा आणि तुमच्या भावना व्यक्त करा. मिथुन (Gemini)- तुमच्या व्यावसायिक जीवनात प्रगती दिसून येईल. तुमच्या मेहनतीची दखल घेतली जाईल, ज्यामुळे तुम्हाला पदोन्नती किंवा नवीन जबाबदारी मिळू शकते. आरोग्याकडे लक्ष द्या आणि पुरेशी विश्रांती घ्या. कर्क (Cancer)- आजचा दिवस सामाजिक कामांसाठी आणि लोकांशी संपर्क साधण्यासाठी उत्तम आहे.…
संगमनेर- यंदाच्या गणेश विसर्जन मिरवणुकीत मानाच्या सोमेश्वर गणेश मंडळाच्या आरतीवरून निर्माण झालेल्या वादावर मंडळाचे मार्गदर्शक कृष्णराव (आप्पासाहेब) खरे यांनी स्पष्टीकरण दिले आहे. आमदार अमोल खताळ यांनी मानपत्रावरून नाराजी व्यक्त करत मिरवणुकीतून निघून जाण्याचा निर्णय घेतल्याने हा वाद समोर आला होता. रंगारगल्लीतील १३० वर्षांची परंपरा असलेल्या सोमेश्वर मंडळाची विसर्जन मिरवणूक यंदा चर्चेचा विषय ठरली. गेल्या वर्षीच्या निवडणुकीत आमदार झालेले अमोल खताळ आणि माजी मंत्री बाळासाहेब थोरात हे दोघेही आरतीसाठी उपस्थित होते. संभाव्य वाद टाळण्यासाठी मंडळाने दोन्ही नेत्यांसाठी स्वतंत्र आरतीच्या ताटांची व्यवस्था केली होती. दरम्यान सोमेश्वर मंडळाचे मार्गदर्शक आप्पासाहेब खरे यांनी एका वृत्त वाहिनीला दिलेल्या माहितीनुसार, आरती व्यवस्थित पार पडली. मात्र, त्यानंतर…