Author: Annant Ppangarkar

संगमनेर –  दरवर्षीप्रमाणे यंदाही मेनरोड शिवसेना शाखा क्र. ११ च्या वतीने गणेशोत्सव २०२५ च्या निमित्ताने भव्य गणेश उत्सव गौरव सोहळ्याचे आयोजन करण्यात आले आहे. यावर्षी, संगमनेर शहरातील सर्व गणेश मंडळांचे स्वागत आणि गौरव करण्यात येणार आहे. उद्योगपती ओंकारनाथजी व माधवलालजी मालपाणी यांच्या स्मरणार्थ हा स्वागत सत्कार आणि पारितोषिक वितरण सोहळा गणेश विसर्जन मिरवणुकीत आयोजित करण्यात आला आहे. यावेळी मानाचे गणपती मंडळ तसेच इतर सर्व मंडळांना त्यांच्या उत्कृष्ट देखावे, भव्य मूर्ती आणि शिस्तबद्ध मिरवणुकीसाठी सन्मानित केले जाईल. या सोहळ्यात अनेक आकर्षक पारितोषिके दिली जाणार आहेत. यामध्ये, उत्कृष्ट मूर्ती, भव्य मूर्ती, उत्कृष्ट देखावा, भव्य देखावा, भव्य लायटिंग आणि भव्य मिरवणूक यांसाठी मंडळांना…

(टीप: हे सामान्य राशीभविष्य आहे. तुमच्या वैयक्तिक कुंडलीवर आधारित राशीभविष्य वेगळे असू शकते. तुमचा दिवस शुभ असो!) मेष (Aries) : आजचा दिवस तुमच्यासाठी नवीन ऊर्जा घेऊन येईल. कामाच्या ठिकाणी तुमचे प्रयत्न यशस्वी होतील आणि वरिष्ठ तुमच्या कार्याचे कौतुक करतील. आर्थिक परिस्थितीत सुधारणा होईल. तुमच्या जवळच्या व्यक्तींसोबत वेळ घालवल्याने मन शांत होईल. वृषभ (Taurus) : आज तुम्हाला तुमच्या कामात थोडे लक्ष द्यावे लागेल. कोणताही महत्त्वाचा निर्णय घेताना घाई करू नका. आर्थिक लाभ होण्याची शक्यता आहे, पण खर्च जपून करा. आरोग्याच्या बाबतीत निष्काळजीपणा करू नका. मिथुन (Gemini) : आज तुमच्या संवादाच्या कौशल्यामुळे तुमची अनेक कामे मार्गी लागतील. नवीन लोकांशी संपर्क साधण्यासाठी दिवस…

संगमनेर- माजी महसूल मंत्री बाळासाहेब थोरात यांचे स्वीय सहायक भास्कर खेमनर यांनी आमदार हल्ला प्रकरणातील त्यांचे नाव समोर आल्यानंतर एक निवेदन जारी केले आहे. या निवेदनात त्यांनी या प्रकरणाशी आपला कोणताही संबंध नसल्याचे स्पष्ट केले असून, हे थोरातांना बदनाम करण्यासाठी रचलेले राजकीय षडयंत्र असल्याचा आरोप केला आहे. नेमकं काय म्हटलंय निवेदनात?- खेमनर यांनी आपल्या निवेदनात म्हटले आहे की, आमदार हल्ला प्रकरणातील आरोपी प्रसाद गुंजाळ याने त्यांना २२ ते २५ तारखेदरम्यान एक-दोन वेळा फोन केला होता. ‘साहेब कुठे भेटतील?’ एवढीच विचारणा त्याने केली होती. या १५-२० सेकंदाच्या फोनव्यतिरिक्त आरोपीसोबत त्यांचे आजवर कोणतेही बोलणे झालेले नाही. खेमनर पुढे म्हणतात की, त्यांना दररोज…

संगमनेर –  राज्यभरात गणेशोत्सवाचा उत्साह शिगेला पोहोचलेला असताना, संगमनेर शहरातही मान्यवरांच्या हस्ते श्री गणेशाच्या आरतीतून गणेशभक्ती दिसू लागली आहे. शहरातील मानाचा गणपती म्हणून ओळखल्या जाणाऱ्या शमी महागणपतीची आरती आमदार सत्यजीत तांबे व मैथिली तांबे यांच्या हस्ते करण्यात आली. यावेळी आमदार तांबे यांनी संगमनेर शहराच्या सर्वांगीण विकासासाठी बाप्पाच्या चरणी प्रार्थना केली. आरती सोहळ्याला मोठ्या संख्येने संगमनेरकर आणि भाविकांनी उपस्थिती लावली होती. यानंतर आमदार तांबे यांनी शहरातील विविध गणेशोत्सव मंडळांना भेटी दिल्या. त्यांनी कार्यकर्त्यांशी संवाद साधून बाप्पाचे दर्शन घेतले. यावेळी अनेक नागरिकांच्या आग्रहामुळे आमदार तांबे यांनी शहरातील घरोघरी जाऊन गणपती बाप्पाचे दर्शन घेतले आणि आरतीमध्ये सहभाग घेतला. गणेशोत्सव हा केवळ धार्मिक सोहळा…

संगमनेर-  प्रसाद आप्पासाहेब गुंजाळ यांच्याशी झालेले आमचे सर्व आर्थिक व्यवहार हे व्यक्तीगत आहेत. या व्यवहारामध्ये आमदार अमोल खताळ यांचा कोणताही संबंध नाही. मात्र राजकीय हेतूने त्यांची बदनामी करण्यासाठी आमच्या आर्थिक व्यवहारांचा कोणताही उपयोग राजकारणासाठी करु नये, अन्यथा आम्हालाही कायदेशीर मार्ग अवलंबावे लागतील, असा इशारा प्रसाद गुंजाळ यांच्याशी आर्थिक व्यवहार केलेले रविंद्र ज्ञानदेव देशमुख यांनी पत्रकाद्वारे दिला आहे.  या संदर्भात प्रसिद्धीस दिलेल्या पत्रकात रविंद्र ज्ञानदेव देशमुख यांनी म्हटले आहे की, प्रसाद गुंजाळ हे शेअर ट्रेडींगचा व्यवसाय करत होते. मागील २० वर्षापासून त्यांची आणि माझी मैत्री आणि घनिष्ठ संबंध राहिले. सप्टेंबर २०२३ मध्ये प्रसाद गुंजाळ शेअर ट्रेडींगच्या व्यवसायात आर्थिक अडचणीत सापडल्याने त्यांना…

संगमनेर, अहिल्यानगर –  आमदार अमोल खताळ यांना मारहाण करणारा आरोपी प्रसाद गुंजाळ पोलीस कोठडीत असतानाच आता त्याच्या आईने पोलिसांकडे केलेल्या तक्रारीमुळे या हल्ला प्रकरणाला वेगळे वळण मिळाले आहे. अनिता आप्पासाहेब गुंजाळ यांनी संगमनेर शहर पोलीस स्टेशनमध्ये आमदार अमोल खताळ, संदेश देशमुख व इतरांच्याविरोधात तक्रार केली आहे. ही तक्रार आपल्या मुलाची आर्थिक फसवणूक, ब्लॅकमेलिंग आणि मानसिक छळ केल्याप्रकरणी आहे. या घटनेचा राजकारणाशी कोणताही संबंध नसून, घटनेचे राजकारण झाले तर आम्हाला न्याय मिळणार नाही. हे केवळ आर्थिक फसवणुकीतून घडले असल्याचे गुंजाळ यांनी स्पष्ट केले आहे. अनिता गुंजाळ यांच्या तक्रार अर्जानुसार, त्यांचा मुलगा प्रसाद गुंजाळ आणि आमदार खताळ हे अनेक वर्षांपासून मित्र आहेत.…

महाराष्ट्र संवाद न्यूज ऑनलाईन –  माजी केंद्रीय मंत्री नितीन गडकरी यांनी पुन्हा एकदा राजकारण्यांवर जोरदार टीका केली आहे. राजकारण्यांना धार्मिक कार्यांपासून दूर ठेवावे कारण ते जिथे जातात तिथे ‘आग लावतात’, असे ते म्हणाले. नागपूरमधील महानुभाव पंथ परिषदेत बोलताना गडकरींनी धर्माच्या नावाखाली सुरू असलेल्या राजकारणावर त्यांनी नाराजी व्यक्त केली. गडकरी म्हणाले की, धार्मिक कार्य, सामाजिक कार्य आणि राजकीय कार्य वेगवेगळी आहेत. राजकारणी जिथे जिथे जातात, तिथे ते आग लावल्याशिवाय निघत नाहीत. धर्माला सत्तेत आणल्यास समाजाचे नुकसान होते, असा इशारा त्यांनी दिला. धर्म हा वैयक्तिक श्रद्धेचा विषय आहे, मात्र काही राजकारणी त्याचा गैरवापर करतात. यामुळे विकास आणि रोजगारासारखे महत्त्वाचे मुद्दे मागे पडतात,…

संगमनेर / अकोले –  अकोले तालुक्यात ‘हनीट्रॅप’चा एक धक्कादायक प्रकार समोर आला असून, यामध्ये एका 38 वर्षीय व्यक्तीला ब्लॅकमेल केल्याप्रकरणी तीन महिलांविरुद्ध गुन्हा दाखल करण्यात आला आहे. या घटनेमुळे संपूर्ण परिसरात खळबळ उडाली आहे. पोलिसांनी सापळा रचून एका आरोपी महिलेला रंगेहाथ पकडले आहे. या हनीट्रॅपमध्ये अनेक जण अडकले असल्याची शक्यता असून, संबंधित महिलांनी अनेक पुरुषांना धमकावून त्यांच्याकडून मोठ्या प्रमाणात खंडणी उकळली आहे. यामुळे काही जण कर्जबाजारी झाल्याचेही बोलले जात आहे. विशेष म्हणजे, या टोळीने खंडणीसाठी अल्पवयीन मुलींचाही वापर केल्याचा संशय व्यक्त करण्यात येत आहे. पीडित व्यक्तीने अकोले पोलीस ठाण्यात दाखल केलेल्या तक्रारीनुसार, त्याची ओळख संगमनेर येथील कविता विधाते हिच्याशी झाली.…

मेष: आज तुम्ही उत्साही आणि सकारात्मक राहाल. कामाच्या ठिकाणी तुमचे प्रयत्न यशस्वी होतील. आर्थिक लाभ होण्याची शक्यता आहे. आरोग्याची काळजी घ्या. वृषभ: आज तुम्ही थोडे भावुक होऊ शकता. कुटुंबासोबत वेळ घालवणे फायदेशीर ठरेल. कामात काही अडथळे येऊ शकतात, पण संयम राखल्यास यश मिळेल. मिथुन: आजचा दिवस तुमच्यासाठी नवीन संधी घेऊन येईल. सामाजिक कार्यक्रमात भाग घेतल्याने फायदा होईल. तुमच्या संवाद कौशल्याचा उपयोग होईल. कर्क: आज तुम्हाला आर्थिक बाबतीत थोडे सावध राहावे लागेल. अनावश्यक खर्च टाळा. कामाच्या ठिकाणी लक्ष केंद्रित करा, तरच प्रगती होईल. सिंह: आज तुमच्या आत्मविश्वासात वाढ होईल. तुमच्या नेतृत्वामुळे इतरांना प्रेरणा मिळेल. महत्त्वाचे निर्णय घेण्यासाठी चांगला दिवस आहे. कन्या:…

संगमनेर:-  संगमनेर शहरातील मानाचा गणपती म्हणून ओळखल्या जाणाऱ्या शमी महागणपतीची आरती उद्या, सोमवारी सायंकाळी नाशिक पदवीधर मतदार संघाचे आमदार सत्यजीत तांबे यांच्या हस्ते होणार आहे.  यावेळी गणेशभक्तीच्या या मंगलमय वातावरणात मोठ्या संख्येने भाविक उपस्थित राहतील अशी माहिती आयोजकांनी दिली. दरम्यान सायंकाळच्या साडेसहाच्या आरतीनंतर आमदार तांबे संगमनेर शहरातील विविध घरगुती गणपती आणि गणेशोत्सव मंडळांना भेट देऊन शुभेच्छा देणार आहेत. या भेटीदरम्यान ते सर्व गणेशभक्तांना गणेशोत्सवाच्या शुभेच्छा देतील.

संगमनेर:-  माजी मंत्री बाळासाहेब थोरात यांच्या मार्गदर्शनाखाली आणि आमदार सत्यजित तांबे यांच्या अथक पाठपुराव्यामुळे संगमनेर तालुक्यासाठी ३.५ कोटी रुपयांचा निधी मंजूर झाला आहे. हा निधी जिल्हा परिषद ग्रामपंचायत विभागाच्या विविध योजनांमधून उपलब्ध झाला असून, यामुळे तालुक्यातील गावांमध्ये रस्ते, तीर्थक्षेत्रे आणि इतर पायाभूत सुविधांच्या विकासाला मोठी चालना मिळणार आहे. आमदार सत्यजित तांबे यांनी दिलेल्या माहितीनुसार, या निधीचा मोठा भाग रस्ते विकासासाठी वापरला जाईल. सुमारे १.५० कोटी रुपये गावांतर्गत रस्ते आणि शेतरस्त्यांच्या मजबुतीकरणासाठी खर्च केले जाणार आहेत. शिवाय, ५० लाख रुपयांच्या निधीतून ‘क’ वर्ग तीर्थक्षेत्रांचा विकास केला जाईल. उर्वरित १.५० कोटी रुपये गावातील मूलभूत सोयीसुविधांसाठी देण्यात आले आहेत.  वर्ष २०२५-२६ या अंतर्गत…

संगमनेर-  एका तथाकथित कीर्तनकाराच्या प्रकरणामुळे चर्चेत आलेल्या संगमनेर तालुक्यातील घुलेवाडी गावात आता शांतता आणि सलोखा प्रस्थापित करण्यासाठी ग्रामस्थांनी कंबर कसली आहे. गावातील पूर्वापार चालत आलेली पुरोगामी आणि वारकरी संप्रदायाची चांगली परंपरा जपण्यासाठी, तसेच समाजात विष कालवणाऱ्या प्रवृत्तींना रोखण्यासाठी सर्व ग्रामस्थांनी एकमुखी ठराव केला आहे. गावातील मारुती मंदिरासमोर झालेल्या बैठकीत हा निर्णय घेण्यात आला. यावेळी सर्वांनी मिळून गावातील सलोखा आणि शांतता टिकवण्याचा दृढ निश्चय व्यक्त केला.यावेळी, सत्य बाजूने उभे राहिलेल्या वारकरी संप्रदायातील मान्यवर, कीर्तनकार, पत्रकार आणि समाज प्रबोधनकारांचे गावकऱ्यांनी अभिनंदन केले. गावात अशांततेचे आणि अस्वस्थतेचे वातावरण निर्माण झाले होते, असे वातावरण यापूर्वी कधीही नव्हते. गावाची विकासाची वाटचाल लोकनेते बाळासाहेब थोरात यांच्या…

देशाच्या लोकशाहीला झालंय काय, असा प्रश्‍न पडण्यारख्या असंख्य घटना उघडपणे घडत आहेत. या लोकशाहीला बळकट करण्यासाठीच्या निवडणूक प्रक्रियेत प्रचंड घालमेल करणारं मतचोरीचं प्रकरण एकीकडे आवासून उभं असताना आता नरेंद्र मोदी आणि अमित शहांच्या गुजरातमध्ये राजकीय पक्षांच्या नावावर 1400 कोटींची लूट करण्यात आल्याचा नवा घोटाळा पुढे आला आहे. यंत्रणांच्या नावावर देशवासीयांचे पैसे लुटून खाणार्‍या या घोटाळ्याची चौकशी व्हावी, असं ना देशाच्या निवडणूक आयोगाला वाटत ना केंद्रातल्या मोदी सरकारला. गुजरात राज्य सरकार तर आमचा त्याच्याशी काय संबंध, असं सांगून हात वर करून मोकळंच झालं आहे. मतचोरीच्या घटनांचा मागोवा घेता घेता हा नवा घोटाळा बाहेर येऊनही निवडणूक आयोग मख्ख आहे. आयोगाने याची दखल…

महाराष्ट्र संवाद न्यूज ऑनलाईन मेष (Aries): आजचा दिवस तुमच्यासाठी चांगला आहे. तुमच्या कामामध्ये प्रगती होईल आणि तुमच्या प्रयत्नांना यश मिळेल. आर्थिक स्थिती मजबूत होईल. कुटुंबासोबत वेळ घालवाल. आरोग्याची काळजी घ्या. वृषभ (Taurus): तुम्हाला काही आव्हानांना सामोरे जावे लागेल, पण तुम्ही त्यावर सहज मात कराल. तुमच्या ध्येयांवर लक्ष केंद्रित करा. खर्च वाढू शकतो. गुंतवणूक करताना काळजी घ्या. मिथुन (Gemini): आजचा दिवस आनंददायी आहे. तुमच्या कामाचे कौतुक होईल. तुमच्या कल्पना इतरांना प्रभावित करतील. नवीन लोकांशी संपर्क साधाल. नातेसंबंध दृढ होतील. कर्क (Cancer): आज तुम्ही थोडे भावूक राहाल. कामामध्ये लक्ष केंद्रित करणे थोडे कठीण जाईल. शांत राहण्याचा प्रयत्न करा. महत्त्वाचे निर्णय पुढे ढकला.…

नाशिक –  पोलीस असल्याचा बनाव रचून ज्येष्ठ नागरिकांना लुटण्याच्या घटना शहरात वाढत आहेत. अशाच एका घटनेत, पाथर्डी फाटा परिसरात एका वृद्धाला रोखून ‘आम्ही अँटी करप्शनवाले आहोत’ असे सांगत, त्यांच्याकडील दोन सोन्याच्या अंगठ्या आणि रोख रक्कम हातचलाखीने लंपास करण्यात आली आहे. याप्रकरणी आनंदराव सोनार (वय ६६, रा. आनंदनगर, पाथर्डी फाटा) यांनी इंदिरानगर पोलिस ठाण्यात तक्रार दाखल केली आहे. आनंदराव सोनार दुपारी ३ वाजता त्यांच्या पत्नीसोबत पाथर्डी फाटा येथून पायी जात असताना, एका व्यक्तीने त्यांना थांबवले. काका, तुम्हाला खूप वेळ झाला आवाज देतोय, ऐकू आलं नाही का? असे म्हणून त्याने त्यांना बाजूला बोलावले. त्यानंतर त्या भामट्याने, आम्ही अँटी करप्शन विभागाचे अधिकारी आहोत.…

अहिल्यानगर –  स्थानिक गुन्हे शाखेच्या पथकाने ओडिशा राज्यातून तस्करी करून आणलेला तब्बल १२० किलो ९०५ ग्रॅम गांजा जप्त केला आहे. वडगाव गुप्ता परिसरात केलेल्या या कारवाईत पोलिसांनी गांजासह एकूण ८० लाख ८३ हजार ४६४ रुपयांचा मुद्देमाल ताब्यात घेतला असून दोघांना अटक केली आहे. पोलिसांना गुप्त माहितीदाराकडून मिळालेल्या माहितीनुसार, ओडिशा राज्यातून गांजाची मोठी खेप अहिल्यानगरमध्ये विक्रीसाठी आणली जात होती. त्यानुसार, स्थानिक गुन्हे शाखेचे पोलीस निरीक्षक किरणकुमार कबाडी यांच्या मार्गदर्शनाखाली पथकाने सापळा रचला. शेंडी बायपास ते एम.आय.डी.सी. रोडवर वडगाव गुप्ता गावाजवळ हॉटेल किनाराजवळ पोलिसांनी एक संशयित ट्रक (एम.एच. १४ जी. यु. २१११) थांबवला. यावेळी ट्रकची तपासणी केली असता, त्यात नवनाथ अंबादास मेटे…

अहमदनगर जिल्ह्यात आकर्षणाचे केंद्र; संत ज्ञानेश्वर माऊलींचा संजीवन सोहळा आणि महादेवाचा देखावा ठरणार मुख्य आकर्षण संगमनेर –  गेल्या 11 वर्षांपासून खंडित झालेली परंपरा पुन्हा सुरु करत, यंदा मालपाणी उद्योग समूहाच्या श्री गणेश विसर्जन मिरवणुकीचे आयोजन करण्यात आले आहे. ही मिरवणूक अधिक भव्य आणि शाही असणार असून त्यात विविध प्रकारच्या 22 पथकांचा समावेश करण्यात आला आहे. ही मिरवणूक मंगळवारी (२ सप्टेंबर) सकाळी साडेदहा वाजता मालपाणी लॉन्स येथून सुरु होणार आहे. मालपाणी उद्योग समूहाचे संचालक मनीष मालपाणी यांनी या संदर्भात माहिती दिली. ते म्हणाले, काही कारणांमुळे गेल्या एक दशकाहून अधिक काळ ही मिरवणूक काढली नव्हती. परंतु यंदा पुन्हा एकदा जुनी परंपरा सुरू…

आदर्श संगमनेर तालुक्याचा लौकिक देशात वाढवा – माजीमंत्री बाळासाहेब थोरात ‘आय लव संगमनेर’ ही चळवळ संगमनेरची संपन्नता वाढवणारी – आमदार सत्यजित तांबे महावादन सोहळ्यातून स्थानिक कलाकारांचा गौरव संगमनेर –  शुक्रवारी गणेशोत्सवाच्या उत्साहात संगमनेर शहर ढोल-ताशांच्या गजराने दुमदुमून गेले. ‘आय लव संगमनेर’ या चळवळीच्यावतीने आयोजित करण्यात आलेल्या महावादन सोहळ्यामध्ये तब्बल ४०० हून अधिक कलाकारांनी एकत्र येत अप्रतिम सादरीकरण केले. या कार्यक्रमाला शहरातील नागरिकांचा मोठा प्रतिसाद लाभला. या सोहळ्याला प्रमुख अतिथी म्हणून काँग्रेसचे ज्येष्ठ नेते, माजी मंत्री बाळासाहेब थोरात, माजी आमदार डॉ. सुधीर तांबे, आमदार सत्यजित तांबे, डॉ. जयश्री थोरात, गिरीश मालपाणी, दिलीप पुंड, डॉ. मैथिली तांबे, नितीन अभंग यांच्यासह ‘आय लव…

महाराष्ट्र संवाद न्यूज ऑनलाईन मेष (Aries): आज तुमच्यात भरपूर ऊर्जा असेल, जी तुम्ही कामात चांगल्या प्रकारे वापरू शकता. आर्थिक बाबींमध्ये अधिक लक्ष देण्याची गरज आहे. कुटुंबासोबत खास आणि मनोरंजक वेळ घालवण्याची संधी मिळेल. प्रेमसंबंधांमध्ये आनंद आणि गोडवा जाणवेल. वेळेवर समस्या सोडवल्यामुळे समाजात तुमचा आदर वाढेल. वृषभ (Taurus): आज तुम्हाला शांत आणि समाधानी वाटेल. कामाच्या ठिकाणी तुम्ही तुमच्या स्थिर गतीने जबाबदाऱ्या सहज पूर्ण कराल. प्रियजनांसोबतचे क्षण तुम्हाला मानसिक शांती देतील. पैशांच्या बाबतीत घेतलेले योग्य निर्णय आत्मविश्वास वाढवतील. आरोग्यासाठी आराम करणे आणि नियमित दिनचर्या पाळणे फायदेशीर ठरेल. मिथुन (Gemini): आज तुमच्या सभोवतालच्या वातावरणातील बदल तुमच्यात सर्जनशीलता निर्माण करेल. कामाच्या ठिकाणी नवीन कल्पना…

महाराष्ट्र संवाद न्यूज ऑनलाईन संगमनेर –  बुधवारी रात्री शहरातील मालपाणी लॉन्स येथे आयोजित संगमनेर फेस्टिवल कार्यक्रमात शिवसेनेचे आमदार अमोल खताळ यांच्यावर हल्ला करण्यात आला. या प्रकरणी शुक्रवारी मध्यरात्री शहर पोलिसांनी गुन्हा दाखल करत आरोपी प्रसाद आप्पासाहेब गुंजाळ (रा. खांडगाव, ता. संगमनेर) याला अटक केल्याची माहिती पोलीस निरीक्षक रवींद्र देशमुख यांनी दिली आहे. तर पोलीस गुन्ह्याचा सर्व बाजूनी तपास करत असून आरोपीला कोणी चिथावणी दिली किंवा कसे? आरोपी कोणाच्या संपर्कात होता? अन्य कोणी साथीदार आहेत किंवा कसे? या सर्व बाबींचा तांत्रिक पुराव्यांवरून तपास करण्यात येत आहे. न्यायालयाने आरोपी गुंजाळ याला 2 सप्टेंबर पर्यंत (चार दिवस) पोलीस कोठडी दिल्याची माहिती श्रीरामपूरचे अप्पर…