Author: Annant Ppangarkar

संगमनेर – अवैध धंद्यामुळे आधीपासूनच चर्चेत असलेल्या संगमनेरमध्ये थेट नशेच्या इंजेक्शनची होणारी विक्री समोर आल्यानंतर आता सोमवारी पोलिसांनी केलेल्या कारवाईत गांजासारखा अमली पदार्थ जवळ बाळगून त्याची चोरटी विक्री करणाऱ्या एका आरोपीला जेरबंद करण्यात यश आले आहे. या संदर्भात दोघांवर गुन्हा दाखल करण्यात आला असून एका आरोपीला अटक करण्यात आली आहे.  गेल्या आठवड्यामध्ये संगमनेरमध्ये पोलिसांनी राबविलेल्या स्ट्रिंग ऑपरेशनमध्ये नशेचे इंजेक्शन्स विक्री होत असल्याचे समोर आले होते. आदित्य किशोर गुप्ता याला पोलिसांनी पकडल्यानंतर या प्रकरणाचे राजकीय कनेक्शन आणि पोलिसांवर मोठा राजकीय दबाव आल्याचे समोर आल्याने हा विषय शहरात चर्चेचा विषय ठरला. दबावानंतरही पोलिसांनी केलेली कारवाई शहरात कौतुकाचा विषय ठरली होती. गेल्या काही…

मेष (Aries) – महत्त्वाची कामे दुपारनंतर मार्गी लागतील. काहींचा आध्यात्माकडे कल राहील. तुम्हाला अचानक खूप पैसे मिळण्याची शक्यता आहे, ज्यामुळे भविष्याची चिंता कमी होईल. व्यवसायात चांगली प्रगती होईल आणि प्रलंबित कामे पूर्ण होतील. वृषभ (Taurus) – कोणाच्याही सहकार्याची अपेक्षा नको. वाहने जपून चालवावीत. गुंतवणुकीसाठी चांगला दिवस असून नफा मिळू शकतो. उत्पन्नाचे नवे स्रोत निर्माण होतील. मनःशांतीसाठी ध्यान करा. मिथुन (Gemini) – महत्त्वाच्या गाठीभेटी पार पडतील. प्रियजनांचा सहवास लाभेल आणि कुटुंबात आनंदी क्षण असतील. नवीन कल्पना आणि योजनांमुळे करिअर व व्यवसायात यश मिळेल. ताण कमी करण्यासाठी चालणे किंवा योग करा. कर्क (Cancer) – तुमच्या कार्यक्षेत्रात सुसंधी व प्रसिद्धी लाभेल; मानसन्मान व…

संगमनेर – संगमनेर तालुक्यातील १८ गावांतील शेतकरी आणि नागरिकांसाठी एक महत्त्वाची आणि दिलासादायक बातमी आहे. येथील वीजपुरवठा व्यवस्थेतील त्रुटी दूर करून स्थिर व अखंड वीजपुरवठा सुनिश्चित करण्याच्या दृष्टीने आमदार सत्यजीत तांबे यांच्या प्रयत्नातून तब्बल दीड कोटी रुपयांचा निधी नवीन ट्रान्सफॉर्मरसाठी मंजूर झाला आहे. ‘जिल्हा नियोजन’मधून मिळालेल्या या भरीव निधीमुळे ग्रामीण भागातील नागरिकांची आणि विशेषतः शेतकऱ्यांची दीर्घकाळापासूनची समस्या कायमस्वरूपी मार्गी लागणार आहे. या निधीतून नवीन ट्रान्सफॉर्मर बसवण्यात येणाऱ्या १८ गावांमध्ये प्रामुख्याने अंभोरे, कुंभारवाडी, कोळवडे, घुलेवाडी, जाखोरी, जोर्वे, डिग्रस, तळेगाव, नांदुरी दुमाला, मांडवे बु., मालुंजे, रणखांब वाडी, राजापूर, वरवंडी (जनतानगर), हिवरगाव पावसा, मालुंजे आणि संगमनेर खुर्द या गावांचा समावेश आहे. या भागात…

संगमनेर: संगमनेर तालुक्यात गेल्या काही महिन्यात अमली पदार्थ आणि ड्रग्सची वाढती तस्करी अत्यंत चिंतेची बाब बनली असून, यामागे ‘हप्तेखोरी’ हेच एकमेव कारण असल्याची थेट टीका काँग्रेसचे ज्येष्ठ नेते तथा माजी मंत्री बाळासाहेब थोरात यांनी केली आहे. थोरात यांनी ‘हिंदुत्वाचा खोटा बुरखा पांघरून’ तालुक्यात काळे धंदे सुरू करणाऱ्या लोकांवरही सडकून टीका केली. तरुणाईचे भविष्य उद्ध्वस्त करणाऱ्या या गुन्हेगारांवर आणि त्यांना संरक्षण देणाऱ्या शक्तींवर कठोर कारवाई करण्याची मागणी त्यांनी केली. सहकार महर्षी भाऊसाहेब थोरात सहकारी साखर कारखाना कार्यस्थळावर आयोजित कार्यक्रमात ते बोलत होते. यावेळी माजी आमदार डॉ.सुधीर तांबे, रणजीतसिंह देशमुख, पांडुरंग पाटील घुले, कांचनताई थोरात, संपतराव डोंगरे, रामहरी कातोरे, डॉ. जयश्रीताई थोरात,…

मोहसीन रशीद शेख शहरात नगरपालिका निवडणुकीची चाहूल लागताच वातावरण पुन्हा रंगत आलं आहे. यावेळी मात्र रस्त्यांवर आणि सोशल मीडियावर अचानक उगवलेले “समाजसेवक” नागरिकांच्या चर्चेचा विषय ठरले आहेत. गेल्या काही वर्षांत जे चेहरे गल्ल्यांमधून गायब झाले होते, तेच आता पुन्हा “जनतेच्या सेवेसाठी” मैदानात उतरले आहेत. प्रश्न एवढाच — ही सेवा समाजासाठी आहे की निवडणुकीसाठी? प्रत्येक निवडणुकीच्या काळात असे हंगामी समाजसेवक सक्रिय होतात. काहीजण मदतीपेक्षा फोटो काढण्यात जास्त रस घेतात, तर काहींसाठी समाजसेवा म्हणजे फक्त पोस्टर, बॅनर आणि सोशल मीडियावरील प्रसिद्धी. “सेवा” हा शब्दच आजकाल ब्रँडिंगचा भाग झाला आहे. खऱ्या अर्थाने समाजसेवा ही निस्वार्थ भावनेतून होते. ती निवडणुकीच्या तारखांवर अवलंबून नसते. पण…

पुणे – पुणे लाचलुचपत प्रतिबंधक विभागाने (ACB) पिंपरी-चिंचवड पोलीस आयुक्तालयातील आर्थिक गुन्हे शाखेत मोठी धडक कारवाई करत पोलीस उपनिरीक्षक प्रमोद चिंतामणी (वय ३५) याला तब्बल ४६ लाख ५० हजार रुपयांची लाच स्वीकारताना रंगेहात पकडले आहे. या कारवाईमुळे पुणे शहर आणि पिंपरी-चिंचवड पोलीस दलात मोठी खळबळ उडाली आहे. एसीबीच्या माहितीनुसार, आरोपी उपनिरीक्षकाने तक्रारदाराच्या आशिलाला गुन्हेगारी प्रकरणात मदत करण्यासाठी आणि त्याच्या वडिलांचा जामीन मिळवून देण्यासाठी तब्बल २ कोटी रुपयांची लाच मागितली होती. या प्रकरणात तक्रारदाराचे वडील एका गुन्ह्यात अटकेत होते आणि प्रमोद चिंतामणी या प्रकरणाचा तपास अधिकारी होता. त्याने या लाचेच्या रकमेतील १ कोटी रुपये स्वतःसाठी आणि उर्वरित १ कोटी रुपये वरिष्ठ…

मेष (Aries) – आरोग्याची काळजी घ्या. ताप, सर्दीचा त्रास होऊ शकतो. व्यवसायात नफा होण्याची शक्यता आहे. कामाच्या ठिकाणी जास्त मेहनत करावी लागेल. विद्यार्थ्यांसाठी महत्त्वाचा दिवस. वृषभ (Taurus) – आर्थिक लाभ, पदोन्नती मिळण्याची शक्यता. वातावरण आनंदी आणि उत्साही राहील. ज्येष्ठ मंडळींकडून धनलाभाची शक्यता. अविवाहितांसाठी विवाहयोग संभवतो. मिथुन (Gemini) – तुमच्या कामाची प्रशंसा होईल. सर्जनशीलता वाढेल. जोडीदाराची अनपेक्षितरित्या मदत होईल. नोकरीत सुस्थता लाभेल. शिक्षणासाठी दुसऱ्यांना मदत कराल. कर्क (Cancer) – धनलाभ होऊ शकतो. भावनिक संतुलन आणि आत्मपरीक्षणाचा दिवस. मुलांकडून शुभ वार्ता मिळतील. लेखकांच्या लिखाणास प्रसिद्धी मिळेल. सिंह (Leo) – सर्वांची मने जिंकून घ्याल. मानसिक शांतता लाभेल. शिक्षक/प्राध्यापकांच्या प्रसिद्धीत भर पडेल. कन्या (Virgo)…

संगमनेर – संगमनेर तालुक्यात बिबट्याच्या वाढत्या हल्ल्यांमुळे दहशतीचे वातावरण आहे. याच मालिकेतील आणखी एका ताज्या घटनेत, शनिवारी (१ नोव्हेंबर) हिवरगाव पावसा येथे एका ३० वर्षीय महिलेवर बिबट्याने जीवघेणा हल्ला केला असून, ती महिला गंभीर जखमी झाली आहे. अर्चना संदीप टेमगिरे (वय ३०) असे जखमी महिलेचे नाव असून ही घटना हिवरगाव पावसा शिवारात घडली. महिला आपल्या शेतातून घरी परतत असताना बिबट्याने दबा धरून तिच्यावर अचानक हल्ला केला. या हल्ल्यामध्ये महिलेला गंभीर जखमा झाल्या आहेत, यामुळे तिची प्रकृती चिंताजनक बनली आहे. महिलेने प्रसंगावधान राखून केलेल्या आरडाओरड्यानंतर परिसरातील नागरिक तात्काळ धावून आले, यामुळे बिबट्याने तेथून पळ काढला. गंभीर जखमी झालेल्या महिलेला स्थानिक नागरिकांच्या…

संगमनेर – गेल्या काही दिवसांपासून संगमनेर शहरात वाढलेल्या गुन्हेगारी घटनांमुळे ‘कायदा आणि सुव्यवस्था’ संपुष्टात येऊन गुन्हेगारांचे राज्य आले आहे का, असा प्रश्न उपस्थित होत असतानाच, संगमनेरला अमली पदार्थाचा विळखा घट्ट होत असतानाच आता खुद्द पोलीस ठाण्याची सूत्रेच ‘मद्यधुंद’ कर्मचाऱ्यांच्या हाती असल्याचा गंभीर आणि धक्कादायक प्रकार उघडकीस आला आहे. कर्तव्यावर असताना दारूच्या नशेत असलेल्या एका हवालदाराने तक्रारदाराशी गैरवर्तन केल्याची घटना समोर आली आहे. संबंधित कर्मचारी हा यावेळी मद्यधुंद अवस्थेत असल्याचा आरोप तक्रारदाराने केला असून यामुळे नागरिक आणि पोलीस दलाच्या प्रतिमेवर मोठे प्रश्नचिन्ह निर्माण झाले असून, वरिष्ठांनीही हात टेकल्याने संगमनेरकरांच्या सुरक्षिततेबाबत चिंता व्यक्त होत आहे. जनतेचे सेवक की मालक? – संगमनेर शहर…

संगमनेर (प्रतिनिधी) : संगमनेर तालुक्यातील हिवरगाव पावसा येथील टेमगिरे वस्तीवर बिबट्याच्या हल्ल्यात गंभीर जखमी झालेल्या अर्चना संदीप टेमगिरे यांची संगमनेर तालुका काँग्रेसच्या अध्यक्षा व कॅन्सरतज्ञ डॉ. जयश्रीताई थोरात यांनी रुग्णालयात जाऊन आस्थेवाईकपणे चौकशी केली आणि त्यांना धीर दिला. हिवरगाव पावसा परिसरातील टेमगिरे वस्ती येथे शेतात काम करून घरी परतणाऱ्या तीस वर्षीय अर्चना संदीप टेमगिरे यांच्यावर बिबट्याने अचानक हल्ला केला. या हल्ल्यात त्या गंभीर जखमी झाल्या असून त्यांना तातडीने संगमनेर येथील खासगी रुग्णालयात उपचारासाठी दाखल करण्यात आले. या घटनेमुळे संपूर्ण हिवरगाव पावसा परिसरात अत्यंत भीतीचे वातावरण निर्माण झाले आहे. ही माहिती मिळताच डॉ. जयश्री थोरात यांनी तातडीने रुग्णालयात धाव घेतली आणि…

संपदा मुंडे या होतकरू महिला डॉक्टरच्या अकाली मृत्यूने सारा महाराष्ट्र सुन्न झाला असताना या डॉक्टरच्या मृत्यूनंतर तिच्या चारित्र्याला मारणार्‍या मारेकर्‍यांची रीघ पाहून या राज्यातल्या जनतेला झोप कशी लागते, असा प्रश्‍न पडला आहे. इतका मुर्दाड झालेला महाराष्ट्र कोणीच कधी पाहिला नाही. ज्याचं नाव या तरुणीने घेतलं, तोच निर्दोष असल्याचं सांगण्यासाठीचा आटापिटा पाहिला की सत्तेतली माणसं किती पिपासू झालीत हे लक्षात येतं. काँग्रेसच्या अनेक सत्ता या राज्याने पाहिल्या. पण असले पिपासू स्मरणात नाहीत. राजकारणाचा बोलबाला करत जो तो मारेकर्‍याचा पाठीराखा बनतो, तेव्हा महाराष्ट्र फुकट गेल्यात जमा झाला आहे, असंच वाटतं. इतकी अवनती या राज्याची झाली आहे. एकेकाळी महिलेच्या संरक्षणार्थ तिच्या मागे ठामपणे…

मेष (Aries): आजचा दिवस आपल्यासाठी चांगला आणि उत्साही असेल. मित्रांशी किंवा प्रियजनांशी भेटीगाठी होण्याची शक्यता आहे, ज्यामुळे आनंदी आणि समाधानी वाटेल. जोडीदारासोबतचे संबंध मधुर राहतील. वृषभ (Taurus): कामाच्या ठिकाणी किंवा व्यवसायात काही नवीन जबाबदारी स्वीकारण्याची वेळ येऊ शकते. आर्थिक बाबींमध्ये समाधानकारक स्थिती राहील आणि बँक बॅलन्स वाढण्याची शक्यता आहे. मिथुन (Gemini): भावंडांशी संपर्क साधाल. धार्मिक किंवा आध्यात्मिक कार्यात सहभागी होण्याची संधी मिळू शकते. कुटुंबासोबत आनंदी क्षण घालवाल. कर्क (Cancer): शुभ ग्रहांची साथ मिळाल्याने चांगल्या गोष्टींची सुरुवात होईल. अनेक मार्गातून लाभ होण्याची शक्यता आहे. थोड्या प्रयत्नाने मोठी कामे साध्य होतील. सिंह (Leo): मित्र-मैत्रिणींचे सहकार्य मिळेल. संतती सौख्य लाभेल आणि घरामध्ये शांत…

संगमनेर – देशाच्या पहिल्या महिला पंतप्रधान, ‘आयर्न लेडी’ स्व. इंदिरा गांधी यांच्या पुण्यतिथीचे औचित्य साधून, ‘राहुल गांधी समर्थक संघ महाराष्ट्र’ (RGSS) यांच्यावतीने संगमनेर येथे आयोजित करण्यात आलेले भव्य रक्तदान शिबिर शुक्रवारी (दिनांक ३१ ऑक्टोबर) यशस्वीपणे पार पडले. ‘रक्तदान श्रेष्ठदान’ या उदात्त हेतूने आयोजित या शिबिराला संगमनेरवासीयांनी उस्फूर्तपणे चांगला प्रतिसाद दिला. नाशिक पदवीधर मतदार संघाचे माजी आमदार डॉ. सुधीर तांबे यांनी देखील शिबिर स्थळी भेट देऊन या उपक्रमाचे कौतुक केले. माजी पंतप्रधान इंदिरा गांधी यांना आदरांजली वाहण्यासाठी ‘जीवनदानाचा संकल्प’ करत राहुल गांधी समर्थक संघाने हा स्तुत्य उपक्रम हाती घेतला होता. शिबिरादरम्यान नवीन नगर रस्त्यावरील स्वर्गीय इंदिरा गांधी यांच्या पुतळ्याला पुष्पहार अर्पण…

मेष (Aries) – वेळेची गती तुमच्या बाजूने राहील. मोठे गुंतवणुकीचे निर्णय घेण्यासाठी दिवस चांगला आहे. दुपारनंतर खर्चावर नियंत्रण ठेवावे लागेल. व्यावसायिक प्रतिस्पर्ध्यांकडून आव्हान मिळू शकते, कामाच्या ठिकाणी लक्ष केंद्रित करा. वृषभ (Taurus) – पाहुण्यांच्या येण्या-जाण्यात वेळ जाईल. भेटवस्तूंची देवाणघेवाण होईल, ज्यामुळे आनंदी वातावरण राहील, पण बजेट बिघडू शकते. व्यवसायात जास्त मेहनत आणि परिश्रम करावे लागतील. मिथुन (Gemini) – मेहनत आणि परिश्रमाच्या जोरावर तुम्हाला हवे असलेले साध्य करू शकता. वडीलधाऱ्यांचा आशीर्वाद महत्त्वाचा ठरेल. सध्या कुठेही पैशांची गुंतवणूक करणे टाळा. कामाच्या ठिकाणी आळस टाळा. कर्क (Cancer) – कुटुंबासोबत आनंदात जाईल. कार्यक्षमतेच्या मदतीने तुम्हाला हवे असलेले यश मिळेल. भावनांवर आणि रागावर नियंत्रण ठेवा.…

संगमनेर: विधानसभा निवडणुकीतील यशाची पुनरावृत्ती करण्यासाठी आगामी स्थानिक स्वराज्य संस्थांच्या निवडणुकीत महायुतीने एकजुटीने लढण्याचा निर्धार केला आहे. संगमनेर येथे झालेल्या जिल्हा परिषद आणि पंचायत समिती गणातील महायुतीच्या कार्यकर्त्यांच्या मेळाव्यात, डॉ. सुजय विखे पाटील यांनी कार्यकर्त्यांना विकास कामांची माहिती जनतेपर्यंत पोहोचवण्याचे आणि ‘एकट्याने नव्हे, तर सर्वांना सोबत घेऊन’ चालण्याचे महत्त्वपूर्ण निर्देश दिले. समन्वय समितीची घोषणा, विखे पाटलांच्या नेतृत्वावर भर – डॉ. विखे यांनी स्पष्ट केले की, संघटनात्मक निवडणुकीतील निर्णयासाठी आमदार अमोल खताळ यांच्या अध्यक्षतेखाली लवकरच समन्वय समिती स्थापन केली जाईल. उमेदवारीसह सर्व महत्त्वाचे निर्णय पालकमंत्री राधाकृष्ण विखे पाटील यांच्या मार्गदर्शनाखाली घेतले जातील. उमेदवारीचा निकष हा केवळ जवळीक किंवा भेटीगाठींवर नव्हे, तर…

संगमनेर (प्रतिनिधी) बांगलादेशची निर्मिती, बँकांचे राष्ट्रीयीकरण, संस्थांचे विलीनीकरण यांसारखे अनेक महत्त्वपूर्ण निर्णय घेणाऱ्या स्वर्गीय इंदिरा गांधी यांचे व्यक्तिमत्त्व धाडसी व पराक्रमी होते. देशाच्या एकात्मता व अखंडतेसाठी बलिदान देणाऱ्या इंदिरा गांधी यांनी आपल्या कर्तृत्वातून आंतरराष्ट्रीय पातळीवर आपला दबदबा निर्माण केला. पाकिस्तानला धडा शिकवणाऱ्या इंदिरा गांधी या देशाच्या कणखर पंतप्रधान होत्या, असे प्रतिपादन माजी आमदार डॉ. सुधीर तांबे यांनी केले. सहकारमहर्षी भाऊसाहेब थोरात सहकारी साखर कारखाना कार्यस्थळावरील शक्तीस्थळ येथे देशाच्या माजी पंतप्रधान स्वर्गीय इंदिरा गांधी यांच्या ४१ व्या स्मृतिदिनानिमित्त आणि भारताचे पहिले गृहमंत्री सरदार वल्लभभाई पटेल यांच्या १५० व्या जयंतीनिमित्त त्यांना अभिवादन करण्यात आले. यावेळी डॉ. तांबे बोलत होते. डॉ. तांबे म्हणाले…

संगमनेर – लोक कलावंतांना ‘शासनकृत कलावंत’ म्हणून तातडीने मान्यता द्यावी, त्यांच्यासाठी विशेष योजना लागू कराव्यात आणि त्यांच्या सध्याच्या तुटपुंज्या मानधनात भरीव वाढ करावी, या प्रमुख मागण्यांसाठी लोककलावंत सांस्कृतिक विचार मंचाच्या नेतृत्वाखाली लोककलावंतांनी काल (गुरुवारी, ३० ऑक्टोबर) सकाळी संगमनेर प्रांताधिकारी कार्यालयावर भव्य मोर्चा काढला. लोककलावंतांच्या प्रलंबित प्रश्नांकडे शासनाचे लक्ष वेधण्यासाठी आणि त्यांना न्याय मिळवून देण्यासाठी हा मोर्चा आयोजित करण्यात आला होता. संघटनेच्यावतीने प्रांताधिकारी यांना सविस्तर निवेदन सादर करण्यात आले, यात प्रामुख्याने मानधनात वाढ करण्याची मागणी करण्यात आली आहे, कारण सध्या शासनाकडून मिळणारे मानधन अत्यंत कमी आहे. तसेच, मानधनाव्यतिरिक्त लोककलावंतांच्या कलेला प्रोत्साहन देण्यासाठी विविध शासकीय योजना त्वरित राबविण्यात याव्यात आणि त्यांना अधिकृतपणे…

मेष (Aries) – धार्मिक कार्यात सहभागी व्हाल. कामाच्या ठिकाणी आणि घरात व्यवस्था राखण्यासाठी जास्त परिश्रम करावे लागतील. आर्थिक लाभ होईल, पण अनावश्यक खर्च टाळा. आरोग्याच्या छोट्या तक्रारींकडे लक्ष द्या. वृषभ (Taurus) – दिवसाची सुरुवात नवीन संधी आणि लाभाने होईल. एखाद्या परिचितांकडून मिळालेली बातमी विचार करायला लावणारी असू शकते. आर्थिक व्यवहार सामान्य राहतील. मिथुन (Gemini) – दिवसाची सुरुवात थोडी गोंधळात जाईल, पण दुपारनंतर दिलासा मिळेल. पैशांचा ओघ सामान्य राहील. एखाद्या खास व्यक्तीचे सहकार्य मिळेल, जे भविष्यात फायदेशीर ठरेल. विद्यार्थी वर्गाला प्रगतीसाठी अनुकूल दिवस. कर्क (Cancer) – आजचा दिवस उत्साहाने भरलेला असेल. सिंह (Leo) – आज तुम्हाला मोठी यश मिळण्याची शक्यता आहे.…

संगमनेर – देशाच्या पहिल्या महिला पंतप्रधान, ‘आयर्न लेडी’ स्व. इंदिरा गांधी यांच्या पुण्यतिथीचे औचित्य साधून, राहुल गांधी समर्थक संघ महाराष्ट्र यांच्यावतीने संगमनेर येथे एका भव्य रक्तदान शिबिराचे आयोजन करण्यात आले आहे. ‘रक्तदान श्रेष्ठदान’ या उदात्त हेतूने आयोजित हे शिबिर खऱ्या अर्थाने माणुसकी आणि सामाजिक बांधिलकीचे प्रतीक ठरणार आहे. हा जीवनदानाचा संकल्प करण्यासाठी, शुक्रवारी (दिनांक ३१ ऑक्टोबर) सकाळी ८ वाजल्यापासून ते दुपारी ४ वाजेपर्यंत हे शिबिर आयोजित करण्यात आले आहे. संगमनेर येथील बस स्टॅन्ड येथे हे रक्तदान शिबिर पार पडेल. रक्तदान हे सर्वात मोठे दान मानले जाते. आपल्या रक्ताने कोणाचा तरी जीव वाचू शकतो, हे सत्य लक्षात घेऊन, राहुल गांधी समर्थक…

संगमनेर: थोरात कारखान्याने मागील हंगामात दिलेल्या ३२०० रुपये उच्चांकी भावामुळे बाजारपेठ फुलली आणि कामगार, सभासद, ऊस उत्पादक व व्यापाऱ्यांची दिवाळी आनंदात गेली. आपला हेतू चांगला असल्याने थोरात कारखान्याचे काम चांगले होत आहे आणि याचमुळे सभासद व बाहेरील ऊस उत्पादकांचा कारखान्यावर मोठा विश्वास असल्याचे प्रतिपादन राज्याचे माजी मंत्री व कारखान्याचे अध्यक्ष बाळासाहेब थोरात यांनी केले. सहकारात आदर्शवत ठरलेल्या सहकार महर्षी भाऊसाहेब थोरात सहकारी साखर कारखान्याच्या ५८ व्या गळीत हंगामाचा शुभारंभ गुरुवारी मोठ्या उत्साहात पार पडला. अध्यक्षस्थानी माजी आमदार डॉ. सुधीर तांबे होते. यावेळी माजी मंत्री तथा काँग्रेसच्या राष्ट्रीय वर्किंग कमिटीचे सदस्य लोकनेते बाळासाहेब थोरात यांनी उपस्थित त्यांना मार्गदर्शन केले. थोरात म्हणाले,…