Author: Annant Ppangarkar
महाराष्ट्र संवाद न्यूज मुंबई : भारतीय जनता पक्षाकडून त्यांच्या अधिकृत ट्विटर अकाउंटवर एक व्हिडीओ ट्विट करण्यात आला आहे. या व्हिडीओत उपमुख्यमंत्री देवेंद्र फडणवीस मी पुन्हा येईन, असं बोलताना दिसत आहेत. भाजप कडून ट्विट करण्यात आलेल्या या व्हिडिओमुळे राज्याच्या राजकारणात पुन्हा एकदा भूकंपाची शक्यता वर्तविली जात आहे. सध्याची राजकीय परिस्थिती बघता राज्याच्या राजकारणात कधी कोणती उलथापालट होईल याची कोणतीही शक्यता राहिलेली नाही. विधानसभा निवडणुकीनंतर भाजपचा आता तोंडाशी आलेला सत्तेचा घास महाविकास आघाडीने हिरावून घेतला. काँग्रेस, राष्ट्रवादी काँग्रेस आणि शिवसेना या तिघांनी एकत्र येत अनपेक्षितरित्या महाविकास आघाडीची स्थापना केली होती. या सरकारचा अडीच वर्षाचा कार्यकाल होत नाही तोच एकनाथ शिंदे यांच्या नेतृत्वाखाली…
महाराष्ट्र संवाद न्यूज गणेशनगर : दुष्काळामुळे उसाचा तुटवडा आहे, गणेश बंद व्हावा यासाठी टोकाचे प्रयत्न सुरू आहे मात्र तरीही परमेश्वराच्या आशीर्वादाने धुराडे पेटले आहे, इतर कारखान्यांच्या बरोबरीने योग्य भाव ऊसाला दिला जाईल, सभासदांची दिवाळी गोड व्हावी या भूमिकेतून सर्व सभासदांना दहा किलो साखर मोफत दिली जाईल, अशी घोषणा काँग्रेस विधिमंडळ पक्षाचे नेते बाळासाहेब थोरात यांनी केली. श्री गणेश सहकारी साखर कारखान्याचा बॉयलर अग्नी प्रदीपन समारंभ ज्येष्ठ नेते बाळासाहेब थोरात यांच्या हस्ते पार पडला. यावेळी सहकार महर्षी शंकररावजी कोल्हे सहकारी साखर कारखान्याचे चेअरमन युवा नेते विवेक भैय्या कोल्हे उपस्थित होते. श्री गणेश कारखान्याचे चेअरमन सुधीर लहारे, व्हाईस चेअरमन विजय दंडवते, ज्येष्ठ…
महाराष्ट्र संवाद न्यूज पुणे: एका खटल्याच्या साक्षीसाठी न्यायालयाने वारंवार बोलावून देखील न्यायालयात हजर न राहणाऱ्या तत्कालीन वरिष्ठ पोलीस निरीक्षकाला अटक करून न्यायालयात आणण्याचे आदेश पुण्याच्या न्यायालयातील प्रथमवर्ग न्यायदंडाधिकारी सी. एस. पाटील यांनी दिला आहे. एस. डी. कांबळे असे या तत्कालीन वरिष्ठ पोलीस निरीक्षकाचे नाव असून ते कोरेगाव पार्क पोलीस ठाण्यात कार्यरत होते. हानिफ गुलामअली सोमजी (रा. बोट क्लब रोड) यांनी दिलेल्या तक्रारीवरून २० मे २०१३ या दिवशी कोरेगाव पार्क पोलीस ठाण्यात शिवाजी कांतीलाल शिंदे, साईनाथ निवॄत्ती सातव, सोमनाथ काळूराम सातव, विष्णू बाजीराव सातव, ज्ञानेश्वर किसन सातव, निळाराम शितकल (सर्व रा. केसनंद) यांच्या विरोधात गुन्हा दाखल करण्यात आला होता. मारहाण करून…
महाराष्ट्र संवाद न्यूज न्यायालयात दाखल असलेल्या खटल्यातून निर्दोष सुटलेल्या पोलिसाला सद्यस्थितीचा अहवाल देण्यासाठी दहा हजार रुपयांची लाच मागणारा पालघरच्या अतिरिक्त सत्र न्यायालयातील सरकारी वकील एसीबीच्या जाळ्यात अडकला आहे. सुनील बाबुराव सावंत (वय 51 वर्ष, सध्या रा. शालिनी अपार्टमेंट, रूम नंबर 5, लक्ष्मीनारायण मंदिराच्या पाठीमागे, माहीम रोड, पालघर) असे लाच लुचपत विभागाने पकडलेल्या लोकसेवकाचे नाव असून ते अतिरिक्त सत्र न्यायालय पालघर येथे अतिरिक्त सरकारी अभियोक्ता- वर्ग 1 या पदावर कार्यरत आहे. सरकारी वकील सावंत यांच्या विरोधात पालघर लाचलुचपत विभागाकडे तक्रार करण्यात आली होती. पालघर जिल्हा पोलीस आस्थापनेमध्ये पोलीस नाईक या पदावर कार्यरत असलेल्या तक्रारदाराविरोधात सन 2015 मध्ये तारापूर पोलीस ठाणे येथे…
महाराष्ट्र संवाद न्यूज संगमनेर : स्वार्थ विरहीत सेवा हे ब्रिद समोर ठेऊन शहरात कार्यरत असलेल्या इनरव्हील क्लब ऑफ संगमनेर व रोटरी क्लब संगमनेर यांच्या संयुक्त विद्यमाने शहरात व तालुक्यात ‘फुलझडी’ या दिवाळी मेळ्याचे आयोजन करण्यात आले आहे. फुलझडीचे हे पहिलेच वर्ष असून सणासुदीच्या दिवसांमध्ये गरजेच्या सर्व वस्तू एकाच छताखाली मिळाव्यात, बाहेरगावातील तसेच शहरातील छोट्या-मोठ्या व्यावसायिकांना एकाच छताखाली व्यासपीठ मिळावे या हेतूने फुलझडी मेळ्याचे आयोजन करण्यात आले आहे, अशी माहिती इनरव्हील क्लबच्या अध्यक्ष सुनिता गाडे यांनी दिली. फुलझडी दिवाळी मेळ्यात सुमारे 110 स्टॉल असून यामध्ये दिवाळी सणाशी संबंधीत सर्व व्यावसायिकांचा समावेश व्हावा यासाठी आयोजकांनी प्रयत्न केले आहेत. लेटेस्ट फॅशनमधील महिलांचे व…
महाराष्ट्र संवाद न्यूज मुंबई : वारकरी संप्रदायाला मोठा धक्का पोहोचणारी बातमी समोर आली आहे. आपल्या अनोख्या कीर्तन शैलीने लाखो जनतेवर गारुड करणाऱ्या ज्येष्ठ कीर्तनकार बाबा महाराज सातारकर यांनी वयाच्या ८८ व्या वर्षी अखेरचा श्वास घेतला आहे. कीर्तनकार बाबा महाराज सातारकर गेल्या काही दिवसांपासून आजारी होते. नवी मुंबईतील नेरूळ येथे त्यांनी गुरुवारी सकाळी अखेरचा श्वास घेतला. बाबा महाराज सातारकर यांनी बांधलेल्या नेरूळ जिमखानाच्या समोरील विठ्ठल रखुमाई मंदिरात त्यांचे पार्थिव अंत्यदर्शनासाठी ठेवण्यात येणार आहे. तर नेरूळच्या स्मशानभूमीत त्यांच्यावर अंत्यसंस्कार करण्यात येणार असल्याची माहिती मिळाली. निळकंठ ज्ञानेश्वर गोरे हे बाबा महाराज सातारकर यांचे मूळ नाव असून ५ फेब्रुवारी १९३६ रोजी त्यांचा जन्म नामवंत…
महाराष्ट्र संवाद न्यूज संगमनेर : राज्याचे माजी मंत्री आमदार बाळासाहेब थोरात यांच्या नेतृत्वाखाली संगमनेर तालुक्यातील सात पैकी दोन ग्रामपंचायती उमेदवारी अर्ज मागे घेण्याच्या अखेरच्या दिवशी बिनविरोध झाल्या. ग्रामपंचायत स्थापनेनंतर प्रथमत:च निवडणूक लागलेल्या ढोलेवाडीसह ग्रामपंचायत पठार भागातील बोरबन येथील ग्रामपंचायतीचा समावेश आहे. या दोन्ही ग्रामपंचायतीमध्ये सरपंचपदी महिला कारभारणींची वर्णी लागली असून ढोलेवाडीच्या सरपंचपदी शालिनी ढोले तर बोरबनच्या सरपंचपदी अरुणा गाडेकर बिनविरोध निवडून आल्या आहे. ‘एक तालुका एक परिवार’ ही संकल्पना जपताना संगमनेरमध्ये होत असलेल्या सातही ग्रामपंचायतीमध्ये काँग्रेस पक्षाचे नेते, आमदार बाळासाहेब थोरात यांच्या समर्थकांमध्येच लढत होत आहे. ढोलेवाडी ग्रामपंचायतीत संगमनेर पंचायत समितीच्या माजी उपसभापती शालिनी ढोले यांची सरपंचपदी तर निशा दत्तात्रय…
√ शिर्डी श्री साईबाबा समाधी मंदिरात दर्शन व पूजा √ मंदिरातील नवीन दर्शनरांग संकुलाचे पंतप्रधानांच्या हस्ते उद्घाटन √ निळवंडे धरण प्रकल्पाच्या डाव्या कालव्याचे जलपूजन करून लोकार्पण √ राज्यातील ८६ लाखांहून अधिक शेतकरी लाभार्थ्यांना लाभ देणाऱ्या ‘नमो शेतकरी महासन्मान निधी’ योजनेची सुरूवात √ महाराष्ट्रातील सुमारे ७५०० कोटी रुपयांच्या बहुविध विकास प्रकल्पांचे उद्घाटन व लोकार्पण महाराष्ट्र संवाद न्यूज शिर्डी – पंतप्रधान नरेंद्र मोदी हे उद्या, २६ ऑक्टोंबर २०२३ रोजी अहमदनगर जिल्ह्यातील शिर्डी येथे भेट देणार आहेत. पंतप्रधान नरेंद्र मोदी या भेटीत प्रथम श्री साईबाबा समाधी मंदिरात दर्शन आणि पूजा करतील. यावेळी मंदिरातील नवीन दर्शन रांग संकुलाचे उद्घाटनही ते करणार आहेत. अकोले तालुक्यातील…
महाराष्ट्र संवाद न्यूज संगमनेर : मोबाईल नंबर ब्लॉक केला या कारणावरून संगमनेरमध्ये दोघाजणांनी महिलेवर कोयत्याने वार करून तिला गंभीर जखमी करण्याचा प्रकार समोर आला आहे. एकीकडे दसऱ्याच्या दिवशी शस्त्र पूजन सुरू असताना दुसरीकडे मात्र कोयत्यासारख्या शस्त्रानेच महिलेवर वार करण्याच्या प्रकारामुळे शहरात पोलिसांचा धाक उरला नसल्याचे दिसत आहे. संगमनेर शहर पोलिसांनी राजेश जंबूकर व वैभव दांदे (रा. ढोलेवाडी, संगमनेर) या दोघांविरुद्ध महिलेच्या तक्रारीवरून गुन्हा दाखल केला आहे. दसऱ्याच्या दिवशी शस्त्र पूजन केले जाते. मात्र संगमनेरात शस्त्राचा वापर करीत एका माहीलेला जखमी करण्यात आले आहे. मोबाईल नंबर ब्लॉक का केला याचा राग येत आरोपीने थेट फिर्यादीला कोयत्यानेच मारहाण केली. फिर्यादी ही मित्र…
माझा माणूस उन्हात असताना मी सत्तेच्या सावलीत कशी राहू शकते ? महाराष्ट्र संवाद न्यूज भगवान भक्ती गड (बीड) : माझ्या कारखान्यावर रेड झाली तेव्हा तुम्ही दोन दिवसांत 11 कोटी जमा केले. पण आज माझ्याकडे तुम्हाला बसण्यासाठी अंथरायला सतरंजीसुद्धा नाही. तुम्ही उन्हात म्हणून मी पण उन्हात आहे. माझा माणूस उन्हात असताना मी सत्तेच्या सावलीत कशी राहू शकते असे म्हणत माजी मंत्री पंकजा मुंडे यांनी त्यांच्या कारखान्यावर झालेल्या कारवाईबाबत खुलासा केला. सावरगाव येथील भगवान बाबा भक्ती गडावर पोहचल्यावर पंकजा मुंडे भगवान बाबांचे दर्शन, आरती, कन्या पूजन करून व्यासपीठावर आल्या. पंकजा मुंडे, प्रीतम मुंडे आणि यशश्री मुंडे या तिघी बहिणी यावेळी एकत्र होत्या.…
महाराष्ट्र संवाद न्यूज मतिमंद २१ वर्षीय मुलीला घरातून जवळच्या जंगलात नेत तिच्यावर अत्याचार करणाऱ्या आरोपीला संगमनेरच्या जिल्हा व अतिरिक्त सत्र न्यायालयाने दहा वर्ष सक्तमजुरी व २० हजार रुपये दंडाची शिक्षा ठोठावली. दंडाच्या रकमेतून १० हजार रुपये पीडितेला देण्याचे आदेश न्यायालयाने सोमवारी दिले आहेत. अर्जुन अण्णासाहेब जोशी (रा. पट्टेवाडी, जवळे बाळेश्वर, ता. संगमनेर) असे शिक्षा झालेल्या आरोपीचे नाव आहे. अत्याचारित महिला मतिमंद असल्याने अतिशय गुंतागुंतीच्या ठरलेल्या या खटल्यामध्ये सहाय्यक सरकारी वकिलांनी अतिशय कौशल्याने आरोपी विरोधात गुन्हा सिद्ध करत आरोपीला शिक्षेपर्यंत नेले. दरम्यान या प्रकरणी तपासातील काही कमकुवत बाबी देखील समोर आल्या असून न्यायालयाने याबाबत आपले निष्कर्ष नोंदविले आहेत. त्यामुळे हे निष्कर्ष…
महाराष्ट्र संवाद न्यूज संगमनेर – सत्ताधारी काँग्रेस पक्षाने संगमनेर नगर परिषदेत गेल्या ३० वर्षात केले नाही ते आता आम्ही नामदार राधाकृष्ण विखे पाटील यांच्या नेतृत्वाखाली संगमनेरमध्ये करून दाखविणार असल्याचे भारतीय जनता पक्षाचे नेते, माजी उपनगराध्यक्ष जावेद जहागीरदार यांनी म्हटले आहे. जहागीरदार यांनी म्हटले आहे की, गेल्या ३० वर्षांपासून संगमनेर नगर परिषदेमध्ये आमदार बाळासाहेब थोरात व माजी आमदार डॉ. सुधीर तांबे यांच्या नेतृत्वाखाली एकहाती सत्ता आहे. संगमनेर नगरपलिकेत दर चार वर्षानी मालमत्तेचे (घरपट्टी) रिव्हिजन होते. रिव्हिजनचा अर्थ असा होतो की, नगरपलिका हद्दीतील जी मालमत्ता आहे त्यात काही बदल झाल्यास, नवीन इमारती, जुन्या इमारतीच्या जागेवर नवीन इमारत, जागेत बदल झाल्यास त्याचे फेर…
महाराष्ट्र संवाद न्यूज ९ ते १२ जून २०२४ या कालावधीत अमेरिकेच्या वॉशिंग्टन राज्यातील क्लार्क काउंटीत असलेल्या कोलंबिया नदीच्या उत्तर तीरावरील व्हँकुव्हर या शहरात होणाऱ्या जागतिक विमा परिषदेत एचडीएफसी लाईफ इ्शुरन्स कंपनीची अभिकर्ता धनश्री सुनील कडलग ही तरुणी सहभागी होत आहे. येथील एचडीएफसी लाईफ इ्शुरन्स कंपनीची अभिकर्ता असलेल्या धनश्री कडलगला विमा क्षेत्रातील प्रतिष्ठेचा एमडीआरटी हा सन्मान प्राप्त झाला आहे. यामुळे ती अमेरिकेत होणाऱ्या जागतिक विमा परिषदेत सहभागी होत आहे. धनश्री हिला एमडीआरटी होण्यासाठी तिचे वडील ‘कडलग इन्व्हेस्टमेंट’चे संस्थापक सुनील कडलग यांच्यापासून प्रेरणा मिळाली. सुनील कडलग हे गेल्या २७ वर्षापासून म्युच्युअल फंड वितरक, जीवन व मेडिक्लेम विमा सल्लागार म्हणून कार्यरत आहेत. येथील…
महाराष्ट्र संवाद न्यूज रविवार विशेष लेख @ प्रवीण पुरो भाजपचे प्रदेशाध्यक्ष चंद्रशेखर बावनकुळे हे सध्या स्वप्नातल्या दुनियेत वावरत असावेत. त्यांना भाजपच्या प्रचंड शक्तीचा इतका अहंकार जडला आहे की कोण जाणे. यामुळेच ते आता भाजप म्हणजे महाराष्ट्र आणि महाराष्ट्र म्हणजे भाजप अशा समीकरणात जगत आहेत. भाजपची राज्य जबाबदारी त्यांच्याकडे आल्यापासून काय करू आणि काय नको, असं त्यांचं झालेलं दिसतं. त्यांना 2024 च्या निवडणुकीत भाजपला विजयी करायचं आहे, ते ही 48 पैकी 45 जागा घेऊन. प्रदेशाध्यक्ष म्हणून पक्षाला जिंकून आणणं ही त्यांची जबाबदारीच आहे. पण 48 पैकी 45 जागा जिंकणार म्हणजे सहकार्यांच्या वाट्याला ते तीनच खासदार देणार आहेत. बाजार खुळ्यांचा का ते…
फसवणूक करून घारगाव पोलिसांनी केली लाय डिटेक्टर (पॉलीग्राफ) चाचणी.. मयताच्या बँक खात्यातील लाखो रुपये गायब ? घारगाव पोलिसांच्या भूमिकेबाबत आणि तपासाबाबत अनेक शंका, तक्रारी आणि आरोप महाराष्ट्र संवाद न्यूज संगमनेर तालुक्यातील पठार भागात घारगाव पोलीस ठाण्याच्या हद्दीतील एका वृद्ध व्यक्तीच्या खून प्रकरणाचे चांगलेच पडसाद उमटले असून या गुन्ह्यात अद्याप खुनी सापडलेला नसताना पोलिसांकडून मयताच्या नातेवाईकांची चौकशी आणि त्यांना त्रास देण्याचे काम चालू असल्याचा आरोप मयताचे मावसभाऊ भागाजी आवटे यांनी केला आहे. याप्रकरणी पोलिसांचा तपास संशयास्पद असून ‘चोर सोडून संन्याशाला फाशी’ देण्याचे काम चालू आहे. मयताचा खून हा जमीन आणि प्रॉपर्टी साठी झाला असल्याचा आरोप देखील आवटे यांनी केला आहे. एप्रिल…
शिक्षणाचे खासगीकरण व कंत्राटीकरण थांबवा थांबविण्याच्या मागणीसाठी विद्यार्थ्यांसह संघटनांचे पदाधिकारी उतरले रस्त्यावर… शिक्षणाची प्रयोगशाळा थांबवा- आमदार तांबे महाराष्ट्र संवाद न्यूज संगमनेर -शिक्षण हा प्रत्येकाचा मूलभूत अधिकार असून गोरगरीब, आदिवासी, शेतमजूर यांच्या मुलांचा शिक्षणाचा हक्क शासन चुकीच्या धोरणातून हिरावून घेत आहे. सरकारने शिक्षणाची प्रयोगशाळा तातडीने बंद करावी, अशी मागणी नाशिक पदवीधर मतदारसंघाचे युवा आमदार सत्यजित तांबे यांनी केली. शिक्षणाचे खाजगीकरण, कंत्राटी भरती, समूह शाळा या निर्णयाविरोधात संगमनेर तालुका समन्वय समितीच्यावतीने विद्यार्थी, पालक, शिक्षक, विविध शासकीय, निमशासकीय कर्मचारी यांसह विविध संघटनांच्यावतीने यशोधन कार्यालय ते प्रांताधिकारी कार्यालय असा विराट जनआक्रोश मोर्चा शनिवारी काढण्यात आला होता. यामध्ये विधान परिषदेचे युवा आमदार सत्यजित तांबे, माजी…
महाराष्ट्र संवाद न्यूज समन्यायी पाणी वाटपाचे तत्व हे तत्कालीन काळजीवाहू सरकारच्या काळात अधिकारी पातळीवर ठरविले गेले होते. हे तत्व आपल्याला देखील मान्य नसल्याने या विरोधात सर्वप्रथम संगमनेरनेच आंदोलने करीत आवाज उठविला असल्याचे स्पष्ट करत दुष्काळग्रस्त शेतकऱ्यांच्या जीवनात आनंद निर्माण करण्यासाठी, त्यांना पाणी उपलब्ध करून देण्यासाठी आपण निळवंडे धरण आणि कालव्यांचा प्रश्न मार्गी लावल्याचे प्रतिपादन काँग्रेसचे ज्येष्ठ नेते, माजी मंत्री, निळवंडे धरण व कालव्यांचे निर्माते जलनायक, आमदार बाळासाहेब थोरात यांनी केले. सहकार महर्षी भाऊसाहेब थोरात सहकारी साखर कारखान्याच्या गळीत हंगामाच्या बॉयलर अग्नी प्रदीपन कार्यक्रमात ते बोलत होते. अध्यक्षस्थानी कारखान्याचे चेअरमन बाबा ओहोळ होते. व्यासपीठावर माजी आमदार डॉ. सुधीर तांबे, बाजीराव खेमनर,…
महाराष्ट्र संवाद न्यूज सिन्नर – फेसबुक, इंस्टाग्राम, युट्युब आणि व्हाट्सअपसारख्या सामाजिक माध्यमांच्या आभासी जगात वाहवत जाऊ नका. यशस्वी व्हायचे असेल तर कष्ट आणि बुद्धिमत्तेला पर्याय नाही. म्हणूनच आपल्या जीवनातील ध्येय निश्चित करून मार्गक्रमण करा, असा सल्ला प्रेरणादायी वक्त्या व समुपदेशक डॉ. एकता वाबळे यांनी दिला. येथील गोखले एज्युकेशन सोसायटीच्या भिकूसा हायस्कूल येथे ‘नव्या युगाच्या नव्या दिशा’ या व्याख्यानावेळी त्या बोलत होत्या. अध्यक्षस्थानी मुख्याध्यापक सोमनाथ जगदाळे होते. वाबळे म्हणाल्या, आपल्या मनाला दररोज सकारात्मक सूचना द्या आणि जीवनात चांगले बदल घडवून आणणाऱ्या माणसांविषयी आणि परमेश्वराबद्दल कृतज्ञता व्यक्त करा. आभासी सामाजिक माध्यमांच्याद्वारे चांगलेही घेता येते तेवढेच घ्या. स्क्रीन टाईम कमी करा. आपण जे…
महाराष्ट्र संवाद न्यूज संगमनेर पोलिसांच्या निष्क्रियतेचे उदाहरण समोर आले आहे. पोलिसांच्या तपासाअभावी एका खून प्रकरणाचा उलगडा होण्यास विलंब लागत असल्याने मृत व्यक्ती आणि त्याच्या नातेवाईकांना न्याय कधी मिळणार असा प्रश्न उपस्थित होत आहे. संगमनेर तालुक्याच्या पठार भागातील घारगाव पोलीस ठाण्याच्या हद्दीत सहा महिन्यांपूर्वी एका वृद्धाची धारदार शस्त्राने हत्या करण्यात आली होती. याप्रकरणी पोलिसांनी काही संशयित आरोपींची लाय डिटेक्टर (पॉलीग्राफ) चाचणीसुद्धा केली आहे मात्र तरीही पोलिसांना अद्यापही खुनी सापडला नसून यामुळे पोलिसांचे अपयश उघड झाले आहे. फक्त गुन्हे दाखल करून पुढील तपासात काहीही निष्पन्न होत नसल्याचे प्रकार अथवा निष्पन्न न करण्याचा निष्काळजीपणा संगमनेर पोलिसांकडून होत आहे. यात संगमनेर उपविभागातील सर्वच पोलीस…
आर्थिक गुन्हे शाखा चार संचालकांची आज करणार चौकशी महाराष्ट्र संवाद न्यूज @ अनंत पांगारकर आदर्श सहकारासाठी राज्यात दिशादर्शक ठरलेल्या संगमनेरच्या सहकाराला कलंकित करणाऱ्या दूधगंगा सहकारी पतसंस्थेच्या ८१ कोटी रुपयांच्या अपहार प्रकरणी मुख्य आरोपी भाऊसाहेब कुटे, त्याचे कुटुंबीय आणि अन्य काही राजकीय प्रतिष्ठित आरोपी पोलिसांना सापडत नसतानाच आता आता आर्थिक गुन्हे शाखा ॲक्शन मोडवर आल्याचे दिसत आहे. आर्थिक गुन्हे शाखेने संस्थेच्या चार संचालकांना गुरुवारी (ता. १९ ऑक्टोंबर) चौकशीसाठी हजर राहण्याची नोटीस धाडली आहे. या चारही संचालकांना आर्थिक गुन्हे शाखेने स्वतंत्रपणे नोटीसा बजावल्या असल्याची माहिती समोर येत आहे. यात संगमनेरमधील काँग्रेसच्या आणखी एका बड्या राजकीय पदाधिकाऱ्यांचा समावेश असून संचालक राहिलेल्या सर्वांनाच राजकीय…